OROMA 6:17 - Nanduk Ngget Tul Pidnak Wene

¹⁷ Nde, nanduk kir-e meya kwarugwi elem ndegel ubugwi nap woraigeb-et nde, yawo-nen-e mul kindidnak ndemeret wene owak iri na wanogolar-e, kinndi min-et wene na wanili ala karuk, Mbal Pem Nagawan wiwa-o luk yak toso-o.

OROMA 6:17 ပူးပေါင်းရင်းမြစ်များ

ESERA 7:27

Yosoloma, Esera-nen yosolar-e: ”Nit nonmborak-nen erembel wanugwi Mbal Pem Nagawan iri nak kek tak wolmag-o! Nagawan Indo-nen nagawan iri arem yabu wanosola-ge, nagawan-nen-e Nagawan Indo uwi Yerusalem iri amanggim nag-et nggok tak pusu-o.

YIDNAK YIDNAK WENE 11:18

Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.

YIDNAK YIDNAK WENE 28:15

Iri me woragwi nennggamirak tak inpidnak nab-e nit nonpok kuluruk yigarig-e, nenabuwok lobok yogolar-e, Ap Ndok Wurugwi San unu Apius min Ap Sal Enmanggim Wiridnak Wi Kenan min lobok luk, iri me-nen inmin lid pid yige-o. It eneyarug-e, Paulus-nen Mbal Pem Nagawan imin wa-o luk, indi wi yagaij-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 1:8

Nandug-er-e kit kinndi angin tubu yigep konpog-e yi wi ndi wi kuliga iri bem-e an-nen-e Yesus Kerisut ebem kit pidsa kenpem ala, Nembal Pem Nagawan wiwa-o yak toso-o.

OROMA 15:18

An-e kwiye lag-et wene yusu yu-ge, yu bem-nen yusu-o. Kerisut an narem worala-nen-e enlem nin nap iri-nen Mbal Pem Nagawan-nen yidnak yidnak kwarugwi nap makluk, nene bem-nen na, kwaroso bem-nen na,

OROMA 16:26

Nde, yawo-nen-e pem-et woraso Mbal Pem Nagawan-nen-e ”iri nggal mag-o” yidnak pem yi nap ndi nap oboksa-nen enaru luk inndi angin tubu yogolat, at-nen yidnak yidnak nak kwarogolat makluk-ge, Mbal Pem Nagawan ene lomboksa yugwi nap-nen mbaridnak engga bem-nen-e kura yidnak wene iri-ge nam tak pili-o.

OROMA 2:8

Alat nde, ap erep-nen-e it enambik enambigit nak kek tak pogolar-e, Mbal Pem Nagawan-nen yidnak yidnak keya buruk, meya kwarugwi mende langgal luk mbitli nab-e Mbal Pem Nagawan isilepma-ge iri kwatli nap enpem puwa-o.

1 KORINTUS 1:4

Kerisut Yesus ebem Mbal Pem Nagawan-nen we wok ondoso elem na wok kindidnak pem, an-e pempa-nen Mbal Pem Nagawan ”Wiwa-o” yak toso-o.

1 KORINTUS 14:6

Nde, nanggamirak wa-e. An-e kit kendam lobok yimindik nde an-e Mbal Pem Nagawan-nen yidnak nam tak paga yak kondoso mende min enaru yugwi elem min aid wene yugwi min nggomo undugwi min yak kindigit lak, nin wene nan wene bem yak kindimin iri bem-nen konak tak kinpimin-e lag-o.

2 KORINTUS 2:14

Alat nde, nir-e Kerisut ebem ombol nggwe yurak tulabiyem at-nen pempa wok nunpuruk mburusu bem-e Mbal Pem Nagawan wa yak tuwog-o. Emben konak mende wigaril mboroso nggal, Kerisut enaru yurak emben konak iri-ge nit nenpem nggwe-nen nin me nan me wigaril mburusu-o.

EPESUS 1:16

kit kenpem ala, an-e pempa Mbal Pem Nagawan wa yak terenak woraso-o. An-e kit kenmanggim tepan yosolar-e:

1 TESALONIKA 3:9

Yawo-ge kit kenpem ala, nit-nen Mbal Pem Nagawan wa yak togolar-e, kwara wa yak turag-e meya-o. Kit-nen yidnak pem nit Nenmbal Pem Nagawan imbiri bem nenalen kagolar-e, at wa yak tili-o.

2 TESALONIKA 1:3

Nenggamirak wa-e. Kit kenpem ala, nir-e mondok pempa Mbal Pem Nagawan wa yak tili-o. Nde, kir-e kwara kinndi angin tubu yili iri bem-nen na, kit na kit-net kwara nabuwa kabuwa yili iri bem-nen na, nir-e ob-et Mbal Pem Nagawan wa yak tili-o.

2 TIMOTIUS 1:13

An-nen ndemeret wene mul kirigi iri na-nen yidnak yidnak kwara kwarosolat wolmin-o. Nde, Kerisut Yesus imin kundik worasu me, kindi angin tubu yidnak worasolat, ap enabuwa kasolat wolmin-o.

PILEMON 1:4

Nanggam Pilemon wa-e. An-e pempa tepan yosolar-e, kat kunu luk kat kebem ala, ”Mbal Pem Nagawan wa-o” luk yoso-o.

IBERANI 11:8

Nde, Abaram na indi angin tubu yidnak pem-net Mbal Pem Nagawan-nen yonggo obosola, at-nen-e Mbal Pem Nagawan-nen yidnak yidnak nak kwarosolar-e, Mbal Pem Nagawan-nen: ”O iri me wok kirimin-o” luk urul yak tidnak sa iri na mo-t mbirij-o. Nde, at ama keya buruk mborosolar-e, an-e o iri na me-t mburusu-o luk peragit lak, indi kabak irit mbirij-o.

IBERANI 5:9

At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

1 PETERUS 3:1

Kununtak worak kwami wa-e. Iri nggal-et kir-e kununtak enne nak kologolat wolmer-o. Iri kwarogola-ge, it erep-nen-e Mbal Pem Nagawan-nen yidnak yidnak wene bem inndi angin tubu yigit lak mbi woragola-ge, kit-nen konak kwarogola karuk, inndi angin tubu yuwa-o. It-nen yik kiniyujwa nggal, kenpage marak, mot mot nak kwarugwi me, kit-nen wene mbi yak undugup pug-o.

1 PETERUS 4:17

Ap enpem wene mbarurak tarem-e pi wok yij-o. Nde, nanduk nandug-er-e Mbal Pem Nagawan ilirak nit nenpem nandug-et wene mbaruwa-o. Nde, nandug-er-e nit nenpem wene mbarosolug-e, abog-e Mbal Pem Nagawan-nen idnak aid wene keya bugwi nap enpem wene mbarosola, ngge nggal kwat ma-o?

2 YOANES 1:4

Nineid-nen: ”Ndemeret wene bem-et wolmer-o” luk yak nindid na ndak ndag-et kat kilirak ereb-e ndemeret wene na bem-et woragola karuk, nalen kwarat kagi-o.

3 YOANES 1:3

Nde, nenggamirak erep lobok yigarik, kat kimin yogolar-e: ”Lag-o. At iri-ge ndemeret wene nak wanusu-o” luk yogola kulurug-e, an nalin nalen kwarat kagi-o. Nde, kar-e pempa lud tak nak kwarosolat worasu-o.