OROMA 6:14 - Nanduk Ngget Tul Pidnak Wene

¹⁴ Nde, kir-e imiri mbarak pidnak wene-nen urugwe nggwe rak kinpidnag-e lag-o. Are, Mbal Pem Nagawan we wok ondoso elem-nen urugwe nggwe rak kinpidnak me, meya kwarugwi elem-ne urugwe nggwe rak kunpurag-e lag-o.

OROMA 6:14 ပူးပေါင်းရင်းမြစ်များ

MIKA 7:19

Kat-nen-e tuguruk nunpud karuk, nit meya yidnak kamberam tak pugun-o. Nit-nen meya yugwi-ge kat-nen kuwok-nen lul wosa, lembera yi koma erabun arem ereba mberak pugun-o!

MATIUS 1:21

La kwe iri-nen-e li ap mbi ndaguwa-o. At elem nap-nen meya yogolat woraidnak iri na inmiri yaga wok unduwa me, unu-ge Yesus-o luk yarugun-o” luk yij-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:17

Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

YOANES 8:36

Iri bem-e Ambara-nen wisirik konposola-ge, ndemeret wisirik kinpidnak irit woragub-o.

OROMA 11:6

Nde, it len inpid iri-ge it-nen kwaridnak mende bem-e lag-o. Are at-nen it unpud kaso bem-net len inpij-o. Nde, it-nen kwaridnak mende bem len inpidnggal-e, it unpud kaso elem iri-ge ebe lak yeleb-o.

OROMA 4:16

Nde, urul pidnak wene iri-ge Mbal Pem Nagawan ebem indi angin tubu yidnak pem-net yak tij-o. Iri yak tid iri-ge, urul pidnak wene iri-ge we wok ondoso elem pem Abaram-nen ndagaidnak lolo pidsa-nen winde yuwakluk-nen yak tij-o. Imiri mbarak pidnak wene-nen yidnak yidnak nak kwarugwi nap enmanggim nag-e lag-o. Are, Abaram indi angin tubu yid nggal, iri nggal ninndi angin tubu yul nap na nenmanggim-nen yusu-o. Nde, Abaram iri-ge nit pidsa nineid-nen yusu-o.

OROMA 5:17

Ap misik-nen meya yidnak-nen ndowaga ap pidsa wat yugwi elem urugwe nggwe woraiga iri-ge ija-t nde, misik nap Yesus Kerisut-nen kwaridnak pem-e we wok ondoso elem kwarat min onggo lag-et lud tak nak onposo min wok nunduwa nab-e Yesus Kerisut ebem-et nunluk woragolar-e, kek tag-et wulmul iri perak nde nggulok lombog-o.

OROMA 5:18

Ap misik-nen meya yidnak pem-e ap pidsa nenpem angin worak mende pid iri nggal-et ap misik-nen lud tak nak kwaridnak pem-e, ap pidsa lud tak nak nunpuruk, nunluk wolmomtak elem wok nundusu-o.

OROMA 6:12

Iri bem-e, kit kenpe-nen ukwe ukwe yugwi mende iri na langgal luk mburugup naru, kit kenpe piri momtak iri-ge meya kwarugwi elem-nen winde luk wolmomtag-e meya-o.

OROMA 6:15

Iri ala, no kwarul-o? Nir-e imiri mbarak pidnak wene-nen urugwe nggwe rak ninpidnak worali-ge lak me, Mbal Pem Nagawan we wok ondoso elem pem worali me-ge, meya kwat tenak wulmul-a? Iri-ge mondok lag-o!

OROMA 8:12

Iri bem-e nowe nowosi wa-e. Nit nenpem pidnak wene mbi worasu-o. Alat nde, nenpem pidnak wene iri-ge ki nap-nen kwarugwi mende kwaruwakluk nenpem pidnag-e lag-o.

OROMA 8:2

Kir-e Kerisut Yesus imin kundik woragolat kunlug-et wolmomtak elem wok kindid Mbal Pem Nagawan Indi-nen pidnak imiri mbarak pidnak wene-nen-e meya kwarugwi elem min wat yugwi elem min inggiyem-nen weserak kinpij-o.

NGGALATIA 3:23

Alat nde, inndi angin tubu yurak tarem wok yigit lak ma-ge, imiri mbarak pidnak wene na-nen-e perena keya ninpidnak woraige-o. Nde, wene na-nen perena keya ninpidnak woraige iri-ge, inndi angin tubu yurak elem na nam tak puwakluk iri kwasa woraige-o.

NGGALATIA 4:21

Imiri mbarak pidnak wene urugwe nggwe wolmomtak kinndingen nab-e wene mbi an yak nerer-o: Imiri mbarak pidnak wene-nen yoso-ge kir-e kulili bug-a?

NGGALATIA 5:18

Alat nde, Konak Indi-nen ndemel kunpuruk waring kasola-ge, kir-e imiri mbarak pidnak wene urugwe nggwe worali-ge lag-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 8:10

Nde, Nagawan Indo-nen yosolar-e: ’Alat nde yawo-ge Isarael nap inmin urul paga yak indimin wene na-ge yur-o: Abok woragolar-e, an-nen-e imiri mbarak pidnak wene iri na waga it inndi arem posolat, wene na-ge it inndi bem mbarosolat yimin-o. An-e it Enmbal Pem Nagawan kwat yosolat, nde, ir-e an nelem nap kwat yogolat mul-o.