OROMA 6:13 - Nanduk Ngget Tul Pidnak Wene

¹³ Kit kenpe iri bem-nen meya kwarosolat wolmaklug-e, meya kwarugwi elem iri na kit kenpe iri kininggi kunuwok min kegera wok turak pug-o. Are, kir-e wat yidnag-et nde, kunluk yaga wok kindidnak pem-e, kenpe kegera Mbal Pem Nagawan nak wok ter-o. Lud tak nak kwarugwi mende kwat kenperenak wolmakluk, kenpe ebis-et kegera Mbal Pem Nagawan wok ter-o.

OROMA 6:13 ပူးပေါင်းရင်းမြစ်များ

NDAWI ENGGA 37:30

Konak nab-e wene-ge indi-nen lid puruk yosolat, wene wirik posolat na pempa mot mor-et yoso-o.

YESAYA 55:7

Meya kwaroso nab-e at-nen meya kwaroso iri-ge mondok keya buwag-o. At indi-nen yebet kaso tula iri-ge nden kaga nin tak puwag-o. Nde, tuguruk Nagawan Indo-nen ubud kujwaklug-e, tuguruk nden karuk, Nenmbal Pem Nagawan eram mburuwag-o. Nagawan Indo iri-ge unpud kaso elem pem ap meya yidnag-e amberam tak poso-o.

YESKIEL 18:4

Ap oboksa inndi iri-ge an narengge-nen yusu-o. Ineid iniya inndi na irit, inlirak inndi na irit an narengge-nen yusu-o. Meya yoso nap iri-ge at iri na-t wat ma-o.

NDANIEL 3:28

Iri ala karuk, nagawan-nen yosolar-e: ”Sanderak min Mesak min Abetnego min-nen erembel wanugwi Mbal Pem Nagawan iri nak erembel wanurag-o. At iri-net at ebem inndi angin tubu yidnak, at ndegel ubugwi nap ereya-ge inmiri yuwakluk at-nen idnak aid nap inpil lobok yamu, inmiri yij-o. It iri-ge an nene tara keya buruk, wat yurak irit indingen tak puruk, kugwiwak nin nan ereba na-ge endam tud luk, erembel wanurak larok yogolar-e, it ondomok Enmbal Pem Nagawan iri nag-et erembel wanugwi-o.

LUKAS 15:24

An nambara yu-ge wat yidnag-et nde, uruk luk lobok yij-o. Pul agaij-et nde, nam yij-o’ luk yosoloma-ge, it na kijik kijak wiriga-o.

LUKAS 15:32

Alat nde, kat kowot iri-ge wat yidnag-et nde, uruk luk, pul yidnag-et nde, wok yid pem-e nit-nen ijok kerengge sakolat, kijik kijak worogolat yili yu-ge ob-et yili-o’ luk yak tij-o.”

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

OROMA 1:29

Keya onposola-ge, it enarem-e yi meya ndi meya yu-nen yebet tak worasolar-e, meya kwarugwi mende min ukwe ukwe yugwi mende min emben to rak mende min enlengen ale nak yurak min ap undugwi min yig pugwi min ap enmberam lagwi min mabin puruk woragwi min ap onpok pugwi min

OROMA 12:1

Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.

OROMA 6:11

Iri nggal-et kit-nen na yu nggal yebet ker-o: An-e wat yugwi elem na wisirik posolar-e, wat yigi nap-nen yusu-o. Nde, Kerisut Yesus imin kwin yosolar-e, Mbal Pem Nagawan amanggim nurug-et worasu-o luk yebet ker-o.

OROMA 6:16

Nde, at-nen yidnak yidnak kwaruwokluk kit na kit-net kenpe kegera ap mbi wok togola-ge, kir-e at iri ndegel ubugwi nap-net yili-o. Meya yugwi elem ndegel ubugup ala-ge, war-et yugub-o. Nde, Mbal Pem Nagawan-nen yidnak yidnak nak wanugup ala-ge, lud tak nak kunpuwa-o luk kenaru buk yili-a?

OROMA 6:19

Kit-nen kwara yebet kabokluk, an-e ndegel unpugwi wene bem wal kaga yak kundusu-o. Nanduk kir-e meya kwaruwokluk kopkap tobok tak kwarugwi mende min meya kwarugwi mende min ndegel ubuwokluk kenpe ebis-et kegera at eram pigep iri nggal kwarogolar-e, yawo-ge kir-e marak nap kwat yuwokluk, kit kenpe ebis-et kegera lud tak nak kwarugwi elem wok turag-o.

OROMA 7:23

an ninggi nowak arem-e imiri mbarak pidnak wene nin worala kasu-o. An nindi-nen iri mende-t kwareyeg-o luk peraidnag-et nde, imiri mbarak pidnak wene nin iri-nen an nindi imin wim posolar-e, an ninggi nowak arem worasu meya kwarugwi elem iri-nen kamat nuburuk, urugwe nggwe rak nubusu-o.

OROMA 7:5

Nde, nanduk nit-nen-e ki nap-nen kwarugwi mende langgal luk mborogolar-e, meya kwaruwakluk ukwe ukwe kagwi mende iri ninndi arem-nen luwasolar-e, Mbal Pem Nagawan-nen ”Iri kwaru bug-o” luk imiri mbarak pidnak wene na tarurak ninndi wok yidnak-nen ndowaga ebe yosolar-e, wat yugwi elem nenpem mboso-o.

1 KORINTUS 6:15

Kit kenpe-ge Kerisut inggi ujok na-ge kir-e kenaru bug-a? Nde, an-e Kerisut inggi ujok na waga uwingga mbaroso kwe inggi ujok nggal tak pimin-a? Mondok lik laksa-o!

1 KORINTUS 6:20

Are, kir-e abu konnggo mbarak-nen yili-o. Iri bem-e kit kenpe iri-net Mbal Pem Nagawan unu kek tak pogolat wolmer-o.

1 KORINTUS 6:9

Mot mot yugwi buk nap-nen-e Mbal Pem Nagawan-nen tenagaidnak wi winde yuwa buk na-ge kir-e kenaru bug-a? Kenambikpebe konmbol pem lali meyog-o. Mbabi kwarugwi min kugi erembel wanugwi min ap onkwe yebugwi min ap-net ap ye unpugwi min

2 KORINTUS 10:4

Nit wim tumburuwokluk nensan wanili iri-ge, nggweyak ma nap-nen wim pugwi san nggal-e lag-o. Are, kerep pak ndamoroso san-e Mbal Pem Nagawan amawi-net yusu-o.

2 KORINTUS 5:14

Nde, Kerisut-nen nit nenabuwa kaso elem-nen-e nit tena nunpuruk worasola me, nit-nen yebet kagolar-e, ap misiget nak-nen ap oboksa enmanggim wat yid iri bem-nen ap oboksa wat yikma-o.

2 KORINTUS 5:15

Ar-e ap oboksa enmanggim wat yid iri-ge, unluk worali nab-e it ondomok enmanggim wolma-o luk, ar-e it enmanggim wat luk, uruk tak pid nap iri na amanggim-et wolmakluk-nen wat yij-o.

2 KORINTUS 8:5

It-nen iniksa puwag-o luk peraige iri na ombol nggwe terak menna piga-o. Nandug-er-e it na it-net enpe-ge Nagawan Indo wok tiga-o. Imbirig-e Mbal Pem Nagawan indi-n pidnak pem-et it inndi-ge nit nenpem na piga-o.

EPESUS 2:5

nir-e at ene kuruk tidnak pem-nen ninndi wat yidnak woraige-t nde, Kerisut uruk tak pid tarem-e Kerisut imin nit na nunluk tak pij-o. Mbal Pem Nagawan-nen we wok ondoso elem pem-net kir-e kinmiri yij-o.

EPESUS 5:14

Iri bem-nen Mbal Pem Nagawan engga-nen yosolar-e: ”Nene yusu nap wa-e. Men min-o. Wat yidnak nap ennggendumu-nen men min-o. Iri ala-ge, Kerisut-nen yaya rak kubuwa-o” luk yij-o.

PILIPI 1:20

Nde, an-e neyabu wanidnak pem ninggiri lag-et teyeg-o luk, nindi kundugu nindi bem mbung mbung tak worasu-o. Alat nde, nanduk woragi kuri, yawo-nen na an nebe yu bem-nen Kerisut unu kek makluk, nuruk wolmomtak na, wat momtak na, an-e mondok kwiye lag-o.

KOLOSE 2:13

Nde, kit meya kwarogolat woraidnak pem-nen na, kiniye ambasap wabigit lak woraidnak pem-nen na, nanduk kir-e wat yidnak woragwi-t nde, yawo-ge Mbal Pem Nagawan-nen Kerisut imin totno kunluk tak kinpij-o. Mbal Pem Nagawan-nen nit meya kwarogolat woraidnak oboksa-ge amberam tak puruk,

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

2 TESALONIKA 2:12

Iri-ge ndemeret wene bem inndi angin tubu yugwi buk nap, meya kwarugwi elem indingen tak pugwi nap oboksa enpem wene mbaruwa-o.

2 TIMOTIUS 2:15

Mbal Pem Nagawan-nen: ”An neyabu wanoso nap ndag-o” luk kuburujwaklug-e, kar-e ndemeret kamawi kondosolat wolmin-o. Nde iri-ge kat-nen yabu wanidnak na bem kinggiri kagun naru, ndemeret wene iri-ge mot mor-et mul ondosolat wolmin-o.

YAKOBUS 4:1

Kit kennggendumu yig pugwi min yuk puk mbugwi min iri-ge ngge me-nen lobok yusu-o? Nde iri-ge kit kenarem amawi kwen tenak woraso ukwe ukwe mende-nen kwarak poso na-ge lag-e?

1 PETERUS 2:24

Nir-e meya yugwi elem inggem-nen weserak woragolat, lud tak nak kwarogolat wolmakluk, Kerisut at-net nit meya yidnag-e at ondomok ebem puruk, e lang pang tak pem wat yij-o. At wiridnak sa ud iri-nen-e kit ki rak kinpij-o.

1 PETERUS 4:2

Iri bem-e, we yawo ya woragolar-e, ki nap-nen ukwe ukwe yugwi langgal luk mbururak pug-o. Are, Mbal Pem Nagawan indi-nen pidnak irit langgal luk mberer-o.

1 YOANES 1:9

Mbal Pem Nagawan-e mot mot nak, ndung tak na kwaroso me, nit-nen meya yidnak para yak togola-ge, nit meya yidnag-e at amberam tak puruk, nit meya yugwi mende pidsa marak nunpuwa-o.