OROMA 6:12 - Nanduk Ngget Tul Pidnak Wene

¹² Iri bem-e, kit kenpe-nen ukwe ukwe yugwi mende iri na langgal luk mburugup naru, kit kenpe piri momtak iri-ge meya kwarugwi elem-nen winde luk wolmomtag-e meya-o.

OROMA 6:12 ပူးပေါင်းရင်းမြစ်များ

NDAK WIRIDNAK WENE 4:7

Kat-nen nde konag-et kwarigennggal-e, kerare-ge yek tag-et woraleb-o. Alat nde, kat-nen meya kwarosola-ge, meya elem karem nggweyekluk mondok komo panggo rak worasu-o. Meya elem-nen inggiyapma rak kebeyekluk worasu-t nde, kat-nen-e iri-ge urugwe nggwe rak pi-o” luk yak tij-o.

NDAWI ENGGA 119:133

Kat-nen ”Kwat kibimin-o” luk urul yak nirigen ndak ndag-et an tu nosola-ge, kat-nen tena nuburuk ni-o. Meya kwarugwi elem-nen an kamat nubuwakluk keya nuburak pug-o.

NDAWI ENGGA 19:13

Inndi-nen yebet karuk, meya kwarugwi mende iri an nebem wolma naru, kat-nen lak tak pi-o. Meya elem iri-nen an tena nuburuk wolma naru, nimiri yurag-o. Iri ala, an-e iminep mbara labuk yosolat, meya nggok kwarigit lak worayeg-o.

OROMA 13:14

Alat nde, kit-nen mondok kwarurak iri-ge nagawan Indo Yesus Kerisut nak-nen mirik kunpuwag-o. Nde, ki nap enpage meya inndi-nen ukwe ukwe kwarugwi iri-nen yidnak nag-e kwarurak pug-o.

OROMA 2:8

Alat nde, ap erep-nen-e it enambik enambigit nak kek tak pogolar-e, Mbal Pem Nagawan-nen yidnak yidnak keya buruk, meya kwarugwi mende langgal luk mbitli nab-e Mbal Pem Nagawan isilepma-ge iri kwatli nap enpem puwa-o.

OROMA 5:21

Iri ala-ge, meya kwarugwi elem urugwe nggwe woragolar-e, wat yugwi nap woraige nggal, iri nggal-et we wok ondoso elem urugwe nggwe woragolar-e, lud tak nak nunpuruk, Nenagawan Indo Yesus Kerisut ebem-e nunlug-et woralik nalik momtak elem wok nundusu-o.

OROMA 6:14

Nde, kir-e imiri mbarak pidnak wene-nen urugwe nggwe rak kinpidnag-e lag-o. Are, Mbal Pem Nagawan we wok ondoso elem-nen urugwe nggwe rak kinpidnak me, meya kwarugwi elem-ne urugwe nggwe rak kunpurag-e lag-o.

OROMA 6:16

Nde, at-nen yidnak yidnak kwaruwokluk kit na kit-net kenpe kegera ap mbi wok togola-ge, kir-e at iri ndegel ubugwi nap-net yili-o. Meya yugwi elem ndegel ubugup ala-ge, war-et yugub-o. Nde, Mbal Pem Nagawan-nen yidnak yidnak nak wanugup ala-ge, lud tak nak kunpuwa-o luk kenaru buk yili-a?

OROMA 8:11

Wat yidnak nap ennggendumu-nen Yesus uruk tak pid Indi iri na nde kit kenarem worala-ge, Kerisut Yesus wat yidnak nap ennggendumu-nen uruk tak pid nap at-nen-e kit kenpe wat momtak iri na irit uruk tak puwa-o. Iri kwat kunpuwa iri-ge at Indi kit kenarem worasu iri bem-net kwat kunpuwa-o.

OROMA 8:13

Kir-e ki nap-nen kwarugwi mende nak kwarugup nde ala-ge, wat yugub-o. Alat nde, Konak Indi bem-nen kit kenpe-nen kwarugwi mende worak pugup nde ala-ge, kunlug-et woragub-o.

2 KORINTUS 4:11

Yesus uruk yidnag-e luru koreyak nap nit nenpem nam maklug-e, nit nunluk woragolar-e, Yesus ebem ala, pempa wat yugwi elem inggem pidnak worali-o.

2 KORINTUS 5:4

Nir-e nggweyak ma yu me luru wolmomtak wi na arem woragolar-e, angin worak mende nenpem pidnak iri bem-nen yane witli-o. Iri-ge nit nenpe, nggweyak ma mende yu yungguruwakluk-nen yili-ge lag-o. Are, nenpe ngget mende-ge taro iri na ombol pem yesa wok nondosola, pem-et unlug-et wolmomtak mende-nen luru wolmomtak mende iri lungguk mberak puwakluk-nen yili-o.

NGGALATIA 5:16

An-e wene yu yak kundusu-o: Konak Indi-nen mirik konposola-ge, ki nap-nen ukwe ukwe yugwi mende iri-ge mondok langgal luk mburugup pug-o.

NGGALATIA 5:24

Nde, Kerisut Yesus arengge kwat yidnak nap-nen-e ki nap-nen kwarugwi mende min at-nen ukwe ukwe yoso min, kwarurak ukwe peraso min-e e lang pang tak pem-et worak pid nar-o.

EPESUS 2:3

Nde, ndemeret nit oboksa-nen na nandug-e it worali nggal-et woraige-o. Iri nggal woragolar-e, nit nenpe-nen ukwe ukwe yugwi mende nak kwarogolar-e, nit nenpe min nit ninndi meya iri-nen ukwe yidnak mende na kwarogolat woraige-o. Iri kwarogola-ge, Mbal Pem Nagawan isilepma-ge it erep enpem pusu iri nggal, nit nenpem na purag-et woraige-o.

EPESUS 4:22

Iri bem-e, kir-e nanduk-nen kwarogolat woragwi kenpage iri na mondok keya ber-o. Nanduk-nen kwarugwi kenpage iri-ge at-nen ukwe ukwe yoso bem-e at na at-net kabak tak obosolat, meya yik korasu-o.

TUGURUK YIDNAK WENE 7:2

Ap enlem ereba nde Nagawan Indo Kenmbal Pem Nagawan-nen waga kininggem posola-ge, kit-nen urugwe nggwe rak unpuruk, oboksa undurag-o. Enabuwa kagolat, inmin are kondogolat mondok kwarurak pug-o.

1 TESALONIKA 4:5

Mbal Pem Nagawan enaru buk nap-nen kwatli nggal, mbabi kwarurak inndi peragwi bem-nen kwarurak pug-o.

2 TIMOTIUS 2:22

Ap sugwe-nen ukwe ukwe yugwi mende iri keya buruk, it inndi mbek tak pem-net Nagawan Indo emengen mbarugwi nap inmin-et kwarosolar-e, lud tak nak kwarugwi mende min inndi angin tubu yugwi elem min ap enabuwa kagwi elem min lambuksa woragwi elem min nak langgal luk mbiri-o.

TITUS 2:12

We wok ondoso elem-nen mul nondosolar-e: ”Mbal Pem Nagawan isili rak pidnak kwarugwi min nggweyak ma mende ukwe ukwe yugwi min iri na mbo buruk, nggweyak ma yu me woragolar-e, kondomok kinndi towarak woragolat, mot mor-et kwarogolat, Mbal Pem Nagawan indi aye worak wolmer-o” luk mul nundusu-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

1 PETERUS 1:14

Kir-e Mbal Pem Nagawan-nen yidnak yidnak nak kwarogolat wolmer-o. Nde, kit nanduk Mbal Pem Nagawan kenaru buk woragolat-nen kinndi-nen ukwe ukwe yoso-nen yidnak yidnak kwarugwi na kwarurak pug-o.

1 PETERUS 2:11

Nenggamirak kenabuwa worak wa-e. Kir-e nggweyak ma yu me woragolar-e, ap sal nggal, ap enma woragwi nap nggal yili me, ap-nen ukwe ukwe yugwi na-nen kinndi min wim poso iri-ge keya ber-o luk an-nen kiri keresa yak kundusu-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.

YURAS 1:18

It-nen yak kondogolar-e: ”Woroksiyem wok yosola-ge, kit pesel kunpurak nab-e nam luk, it enaboro-nen ukwe ukwe yugwi mende, meya mende iri nak langgal luk mburuwa-o” luk yak kindiga nar-o.

WENE MBENARUGWI NAP-NEN KWARIDNAK WENE 2:3

Iri ala karuk, yawo-ge kwara koler-o! Kit-nen yu me woragwi nap inmin wim mbarogola-ge, an-nen na langgara wirik inpimin pug-o. Ir-e kit kunuwim nap kwat ma-o. Nde, kir-e kenare bogola it-nen erembel wanugwi kugwiwak ereba na erembel wanogola-ge, ngonok tak kunpuwa-o” luk yak indij-o.