OROMA 6:10 - Nanduk Ngget Tul Pidnak Wene

¹⁰ At wat yid iri-ge nit meya yidnak pem misik tarem nak wat yij-o. Nde, yawo uruk worasu iri-ge, Mbal Pem Nagawan amanggim uruk worasu-o.

OROMA 6:10 ပူးပေါင်းရင်းမြစ်များ

LUKAS 20:38

Iri yid iri-ge, Mbal Pem Nagawan-e wat yidnak nap Enmbal Pem Nagawan-nen yusu-ge lag-o. Are, unluk woragwi nap Enmbal Pem Nagawan-net yusu-o. Mbal Pem Nagawan-nen eneyasolar-e, ap pidsa-ge unluk nak eneyaso-o” luk yij-o.

OROMA 6:11

Iri nggal-et kit-nen na yu nggal yebet ker-o: An-e wat yugwi elem na wisirik posolar-e, wat yigi nap-nen yusu-o. Nde, Kerisut Yesus imin kwin yosolar-e, Mbal Pem Nagawan amanggim nurug-et worasu-o luk yebet ker-o.

OROMA 6:9

Kerisut na-ge wat yidnak nap ennggendumu-nen uruk tak pidnak ombol nggwe-ge tuguruk wat ma bug-o luk nir-e nenaru yili-o. Nde, wat yugwi elem-nen-e at urugwe nggwe rak uburag-e mondok meya-o.

OROMA 8:3

Nde, ki nap enpage ndeyak me, imiri mbarak pidnak wene-nen kwarurag-e meya agaid iri-ge Mbal Pem Nagawan-net kwarij-o. Kwarosolar-e, meya kwarugwi elem lak tak puwakluk, at ambik Ambara ibil lobok yosolar-e, meya kwarugwi nap enaboro worak irit ibil lobok yid iri-nen-e meya kwarugwi elem ki nap enarem worasu iri na urugwe nggwe rak pij-o.

2 KORINTUS 5:15

Ar-e ap oboksa enmanggim wat yid iri-ge, unluk worali nab-e it ondomok enmanggim wolma-o luk, ar-e it enmanggim wat luk, uruk tak pid nap iri na amanggim-et wolmakluk-nen wat yij-o.

2 KORINTUS 5:21

Kerisut ebem-nen Mbal Pem Nagawan-nen lud tak nak kwaroso nggal tak nenpeyeklug-e, Kerisut na meya yoso bug-et nde, nit nondolmasa Mbal Pem Nagawan-nen-e meya yoso nap tak ibij-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

1 PETERUS 4:6

Iri yuwa bem-e, wat yidnak nap na irit aid wene yak indij-o. Ap pidsa enpem wene mbarugwi nggal, wat yidnak nap iri na-ge enpe unluk woragola, it enpem na wene mbarij-o. Nde, aid wene yak indid iri-ge, Mbal Pem Nagawan-e urug-et worasu nggal it inndi unluk wolmomtak pem yak indij-o.