OROMA 5:2 - Nanduk Ngget Tul Pidnak Wene

² Nit ninndi angin tubu yidnak pem nir-e Mbal Pem Nagawan-nen idnak we wok ondoso elem pem worali-o. ”Mbal Pem Nagawan unu kek tak pogola, at ondok yul-o” luk iri kwarurak pem ninndi mbung mbung tak woragolar-e, nenalen kali-o.

OROMA 5:2 ပူးပေါင်းရင်းမြစ်များ

NDAWI ENGGA 73:24

Konggomo bem-net tu mirik nobosolat, kek tak nobosolat-net abok wok nubugun-o.

ABAKUK 3:18

Nagawan Indo kar-e an nimiri yoso Nembal Pem Nagawan me, an-e pempa nalen nak kasolat woramin-o.

MATIUS 25:21

Yosoloma-ge, at eid-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

YOANES 10:7

Iri ala, Yesus-nen tuguruk it yak ondosolar-e: ”An-e ndemeret yak kundusu-o. Lomba wam uru mende-ge an-net yusu-o.

YOANES 10:9

Tumende an-net yusu-o. An nebem nggwe ngguwa nab-e imiri yimin-o. Nde, imiri yidnak nap na-ge nggwilik mbitlik kwat tenak worasolar-e, nunggwi mende nasolat wolma-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

YIDNAK YIDNAK WENE 14:27

Iri na me wok lug-e, lambuk tak inpidnak nap na ndok worak unpuruk, Mbal Pem Nagawan-nen it inmin kwaridnak mende pidsa-t kenggera yak ondogolat, Mbal Pem Nagawan-nen enlem nin nap inndi angin tubu yurak tu kuwarak pidnak wene na yak ondogolat yiga-o.

OROMA 11:20

Iri-ge ndemeret nde, it iri na-ge inndi angin tubu yigit lak pem-nen mbarak inpij-o. Nde, kit kinndi angin tubu yigep pem-e, kundik tugup lak worali-t nde, iri bem kit kondomok kek yurak pug-o. Are, mondok kwiye min-et wolmer-o.

OROMA 12:12

Kenalin kenalen pem-et kinndi-ge at ebem mbung mbung tak wolmer-o. Anggun panggun kenpem mbosola-t nde, kinndi luruk puruk, tepan nak kundugu yogolat wolmer-o.

OROMA 14:4

Kar-e ta nggal-nen nin nap ndegel oboso nap ebem wene mbarugun-o? Mendak worasolat na, mbud yosolat na, at ondomok Eid nak-nen at ebem wene mbaruwa-o. Alat nde, at mendak wolmomtag-e Nagawan Indo amawi bem mendak worala me, ndegel oboso nap iri-ge mendak irit wolma-o.

OROMA 15:13

Ap inndi ebem mbung mbung tak wolmomtak elem-e Mbal Pem Nagawan-nen yusu-o. Kit kinndi-ge at ebem angin tubu yidnak me, at-nen-e enalin enalen kagwi elem min lambuksa woragwi elem min kobong tak kunpuwag-o. Iri ala, Konak Indi amawi bem-e kit kwara Mbal Pem Nagawan ebem kinndi mbung mbung tak worabokluk kobong tak kunpuwag-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

OROMA 3:23

Ap oboksa-ge meya nak kwarugwi me, kek tak woraso Mbal Pem Nagawan na imin-e mbok tak woragwi-o.

OROMA 5:5

Mbal Pem Nagawan-nen Konak Indi wok nindid iri na bem-nen enabuwa kaso elem nggilara nit nenarem yebet tak pidnak me, ninndi ebem mbung mbung tak woragwi iri na wolma me, ninndi nggwirik yul pug-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

OROMA 8:24

Nit ninndi mbung mbung tak woraidnak pem ninmiri yij-et nde, kaidnag-et nde, inndi mbung mbung tak woragwi iri-ge inndi mbung mbung tak woragwi-ge lag-o. Ta-nen kaidnak mende bem indi mbung mbung tak woraso-o?

1 KORINTUS 15:1

Nanggamirak wa-e. Yawo-ge an-nen yak kindigi aid wene iri-ge kit-nen wanuruk, wene iri na bem tugup lak mendak worali aid wene na-ge kinndi yeberak peyeg-o.

2 KORINTUS 3:18

Iri ala-ge, nit oboksa sum nentare bem na wabidnak me, papalo pem kaidnak nggal Nagawan Indo abinal iri-ge nit nentare bem worasu-o. Iri ala-ge, Nagawan Indo Indi na-nen nin tak nonposolar-e, at abage nggal tak nonposola-ge, abinal iri na nggok nggok mburusu-o.

2 KORINTUS 4:17

Nde, yawo luru nenpem mbusu andi bandi mende te iri-nen-e woralik nalik momtak kek tak mende terak minik irit kwarak nunpusu-o.

EPESUS 2:18

Nde, Kerisut ebem-nen Yawuri nap na, enlem nin nap na nit oboksa-ge Konak Indi misiget iri na ebem Nineid Mbal Pem Nagawan eram panggo yil lobok yurag-e ob-o.

EPESUS 3:12

At ebem-nen nir-e Mbal Pem Nagawan eram nggogolar-e, at ebem ninndi angin tubu yidnak pem kwiye lag-et ninndi embem min-et nggwili-o.

EPESUS 6:13

Iri bem-e, kir-e Mbal Pem Nagawan-nen idnak wim puwokluk yurugwi mende oboksa yerer-o. Iri yurugup pem-e, meya mom tarem iri wok yosola-ge, mamak puruk woragolar-e, wim tembesa keya buruk, mondok tugup lag-et woragub-o.

2 TESALONIKA 2:16

Nit Nenagawan Indo Yesus Kerisut at-nen na, Nineid Mbal Pem Nagawan-nen na, nit nenabuwa karuk, we wok ondoso elem pem-nen wok nondosolar-e, lak yoso buk inndi yangonoso elem min inndi mbung mbung tak woragwi elem min wok nunduruk,

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

IBERANI 6:18

Mbal Pem Nagawan-nen urul pid min owak mbarid min wene mberen iri-ge tuguruk nden kujwa-ge lak me, Mbal Pem Nagawan-e enesiget yurag-e meya-o. Iri bem-e nit ninmiri yuwakluk Mbal Pem Nagawan indipma worali nap nit-nen-e abok-nen wok nundurak lid lud tak pidnak iri na bem nit ninndi mbung mbung tak pidnak iri-ge puksa tena wolmomtag-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

NAM PARA WENE 21:11

Mbal Pem Nagawan abinal-nen o siri iri-ge abinal worak tak pij-o. Nde, o siri iri abinal-e onggo kwarat pugwi kerep, abinal worak kerep kopkap lak papalo nggal irir-o.

NAM PARA WENE 21:23

Nde, o siri iri me-ge Mbal Pem Nagawan abinal-nen yaya rak posolat, tal ebe-ge Lomba Wam Marik-net yusu me, o siri iri me-nen-e mo min waneya min eyaya ukwe-ge mondok lag-o.

NAM PARA WENE 21:3

Iri luk, an kuliginggal-e, nagawan-nen koreyak woraso ondoro-nen ene ngguloksa yosolar-e: ”Yawo-ge Mbal Pem Nagawan woraso sa-ge ap ennggendumu worasu-o! Ar-e it inmin worala, ir-e at ilirak kwat ma-o. Nde, Mbal Pem Nagawan ar-et it inmin woralat, it Enmbal Pem Nagawan kwat ma-o.

NAM PARA WENE 3:21

An na namawi luk ombol nggwe yigirig-e, an Neid nagawan koreyak woraso ondoro iri me at eralu koreyak worasu iri nggal-et amawi luk ombol nggwe yuwa nab-e an-nen-e nagawan an koreyak woraso ondoro iri me an neralu koreyak ibimin-o.