OROMA 5:13 - Nanduk Ngget Tul Pidnak Wene

¹³ Musa-nen imiri mbarak pidnak wene na wok indigit lak ma-ge, meya kwarugwi elem-e nggweyak ma yu me worala-t nde, imiri mbarak pidnak wene na lak me, it-nen meya yidnag-e enpem pigit lak yij-o.

OROMA 5:13 ပူးပေါင်းရင်းမြစ်များ

NDAK WIRIDNAK WENE 13:13

Nde, o Sorom iri me-ge ab-e Nagawan Indo imin-e yi meya ndi meya, kwarugwi buk mende ereba na nak kwarogolat woraiga-o.

NDAK WIRIDNAK WENE 18:20

Peraruk yarik, erep min-et Nagawan Indo-nen Abarakam yak tosolar-e: ”An-e Sorom min Nggomora min onpog-e meya angin worak kolosolat, nde, it-nen yi meya ndi meya nggog-et kwatli-o yogola kuligi-o.

NDAK WIRIDNAK WENE 19:32

Iri ala karuk, nir-e nineid yu indi nden kaso engen amburu mak turuk, li ndaguwok-nen imin nene yuwog-o” yij-o.

NDAK WIRIDNAK WENE 19:36

Iri kwarogolar-e, Lot ararak mberen ya na-ge ineid Lot ebem-net enabila yiga-o.

NDAK WIRIDNAK WENE 19:4

Nde, it na awo nene yigit lak worakmu-ge, o Sorom iri me woragwi nab-e o iri me lop lop wiriga-o. Iri yogolar-e, o iri me woragwi nap indi worak-nen sujwe-nen oboksa iri me woraiga-o.

NDAK WIRIDNAK WENE 38:10

At-nen iri kwarusu iri na bem-e Nagawan Indo isilepma yuruk, at min-et Nagawan Indo-nen wirij-o.

NDAK WIRIDNAK WENE 38:7

Nde, ambara Ere iri na-ge at abage-ge mondok meya ala karuk, Nagawan Indo isilepma ebem puruk, Nagawan Indo isilepma-nen wirij-o.

NDAK WIRIDNAK WENE 6:11

ap erep ereba-ge Mbal Pem Nagawan erengen pem-e meya nak kwat tenak woragolar-e, ap enabuwa kagit lak, nin me nan me we enlengen nak lambu yil nogolat woraiga-o.

NDAK WIRIDNAK WENE 8:21

Kan pamu-ge emben konak iri na-nen Nagawan Indo indi alen tak posola karuk, Nagawan Indo indi-nen perasolar-e: ”An-e abog-e it-nen kwatli iri-nen ndowaga-ge nggweyak ma yu-ge mondok imbiri lamut tak pimin pug-er-o. Nde, it nggweyak ma nap yu-ge marikmu-net inndi-ge meya nak yebet kagwi iri-ge an-e naru-t me, yawo urugup worak oboksa lak tak pigi yu nggal-e abog-e mondok kwarimin pug-o.

OROMA 3:20

Imiri mbarak pidnak wene-nen yidnak yidnak nak kwarogolat woraidnak nab-e ap misiger-o luk tet Mbal Pem Nagawan erengen pem-e lud tak nak unpuwa bug-o. Alat nde, imiri mbarak pidnak wene iri-nen-e nggweyak ma nab-e meya yugwi-nen yusu-o luk mirik nonposo-nen yusu-o.

OROMA 4:15

Imiri mbarak pidnak wene-nen Mbal Pem Nagawan isilepma nam tak pusu-o. Alat nde, imiri mbarak pidnak wene worasu buk sa-ge kuruk tugwi mende na lak woraso-o.

1 KORINTUS 15:56

Meya yogolat woraidnak pem wat yugwi elem-nen eyak yilik onposo-o. Nde, meya yogolat woraidnak amawi rak poso-ge imiri mbarak pidnak wene-nen yusu-o.

1 YOANES 3:14

Nde, nennggamirak enabuwa kali iri bem-nen nir-e wat yugwi elem keya buruk, nunlug-et wolmomtak elem tenaige-o luk nenaru yili-o. Ap enabuwa kaso buk nab-e wat yugwi elem arem iri na-t worasu-o.

1 YOANES 3:4

Meya elem iri-ge Mbal Pem Nagawan imiri mbarak pidnak wene kuruk toso-nen yusu me, ap-nen nde meya kwarogolar-e, Mbal Pem Nagawan imiri mbarak pidnak wene irit kuruk tili-o.