OROMA 4:9 - Nanduk Ngget Tul Pidnak Wene

⁹ Nde, enalen kali nab-o yid iri-ge iniye ambasap wabugwi nap inmin nak yij-a? Are, iniye ambasap wabugwi buk nap na inmin yij-a? Mbal Pem Nagawan engga mbarak pem-nen yosolar-e: ”Abaram-e Mbal Pem Nagawan ebem nak indi angin tubu yidnak peme Mbal Pem Nagawan-nen at lud tak nak ibij-o” luk yanem yige nar-o.

OROMA 4:9 ပူးပေါင်းရင်းမြစ်များ

NDAK WIRIDNAK WENE 15:6

Yak tosoloma-ge, Abaram na-ge ndemerer-o luk Nagawan Indo ebem indi angin tubu yosola karug-e, Nagawan Indo-nen-e ”At yu-ge an nindi alen tak poso nab-o” eberasolug-e, wok ibij-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

LUKAS 2:32

At iri-nen-e kat keram lobok yuwakluk, enlem nin nap untula yaya rak posolat kat kelem nap Isarael nap unnu kek tak puwa nap-nen yusu-o” luk yij-o.

OROMA 4:10

At lud tak nak ibid iri-ge ngge tarem-nen kwat ibij-o? At iye ambasap wabidnak ma-nen, lak? Are, at iye ambasap wabigit lak ma-nen lud tak nak ibij-a? Lag-o. At iye ambasap wabigit lak ma-net irit kwat ibij-o. At iye ambasap wabidnak ombol nggwe-nen-e lag-o.

OROMA 4:3

Mbal Pem Nagawan engga bem-nen yosolar-e: ”Abaram-e Mbal Pem Nagawan ebem nak indi angin tubu yidnak pem-e Mbal Pem Nagawan-nen at lud tak nak ibij-o” luk yid nar-o.

NGGALATIA 3:14

Mbal Pem Nagawan-nen Abaram urul yak tidnak imbiringgat mende iri-ge Kerisut Yesus ebem-nen enlem nin nap wok unduwakluk, nit-nen na ninndi angin tubu yidnak pem Mbal Pem Nagawan-nen urul pidnak Konak Indi wanuwakluk, Kerisut-e imbiri lamut agaid irir-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

KOLOSE 3:11

Iri bem-e, enlem nin nab-o luk, Yawuri nab-o luk na lak, iniye ambasap wabidnag-o luk iniye ambasap wabigit lag-o luk na lak, ap enlem oboksa ennggendumu-nen misik kek tak, misik teberak na lak, ndegel unpugwi-o luk, weserak woragwi-o luk na lag-o. Are, oboksa iri-ge Kerisut-nen yusu-o. Kerisut it oboksa inmin misiget yidnak-nen yusu-o.