OROMA 4:5 - Nanduk Ngget Tul Pidnak Wene

⁵ Nde, yabu-ge wanigit lag-et nde, we inndi-ge meya yugwi nap lud tak nak onposo Mbal Pem Nagawan na ebem inndi angin tubu yogola-ge, Mbal Pem Nagawan-nen-e it inndi angin tubu yidnak pem-net lud tak nak onposo-o.

OROMA 4:5 ပူးပေါင်းရင်းမြစ်များ

ABAKUK 2:4

Kenaru wolmer-o. Meya kwarugwi nab-e inmiri yuwa bug-o. Alat nde, Mbal Pem Nagawan indi-nen pidnak kwat tenak worasu nab-e at-nen tugup lak Mbal Pem Nagawan-nen yidnak yidnak kwat tenak worasu bem-et mondok urug-et wolma-o” luk yij-o.

MARAKUS 9:23

Yosoloma-ge, Yesus-nen at yak tosolar-e: ” ’Yongga nundurak nde ndak ala-ge’ yigen-a? Pidsa kwat unpurak iri-ge ndak-nen yusu-o. Alat nde, nggog-e inndi angin tubu yurak iri nag-o” luk yak tij-o.

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

YOANES 6:29

Yogolikma-ge, Yesus-nen it yak ondosolar-e: ”Mbal Pem Nagawan indi-n kit-nen kwaruwag-o luk perasu-ge yu-o: At-nen wirik nibil lobok yidnak nap an nebem nak kinndi angin tubu yer-o” luk yak indij-o.

OROMA 10:3

Mbal Pem Nagawan-nen ap lud tak nak unpurak kwaroso iri-ge ir-e nenaru buk me, it inndi-n pidnak pem lud tak nak unpuwa-o luk peragolar-e, ir-e Mbal Pem Nagawan indi-nen pidnak na kwatli bug-o.

OROMA 3:22

It inndi-ge Yesus Kerisut ebem angin tubu yidnak pem-e Mbal Pem Nagawan-nen-e lud tak nak onposo-o. Iri yusu iri-ge Mbal Pem Nagawan-e ap enpage lombonoso buk me, Yesus ebem inndi angin tubu yili nap oboksa-ge lud tak nak unpusu-o.

OROMA 4:24

Are, nir-e Nagawan Indo Yesus wat yidnak nap ennggendumu-nen uruk tak pid Mbal Pem Nagawan ebem ninndi angin tubu yul me, lud tak nak nunpuwa nap nit nenmanggim na irit mbaridnak-nen yusu-o.

OROMA 4:3

Mbal Pem Nagawan engga bem-nen yosolar-e: ”Abaram-e Mbal Pem Nagawan ebem nak indi angin tubu yidnak pem-e Mbal Pem Nagawan-nen at lud tak nak ibij-o” luk yid nar-o.

OROMA 4:6

At-nen kwaroso mende bem-e lag-et nde, Mbal Pem Nagawan-nen-e lud tak nak ibidnak nab-e alen kasu-o luk, Ndaud-nen alen kaso nap na imin yosolar-e:

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

YOSUA 24:2

Wok yogola, Yosua-nen it yak ondosolar-e: ”Nagawan Indo Isarael nap Kenmbal Pem Nagawan-nen yak kunduwa wene-ge kwara kulurag-o. At-nen yosolar-e: ’Nanduk konmborag-e yi Eperat eyak ele bem woragolar-e, kugwiwak erembel wanogolat woraiga-o. Nde, it ennggendumu ap misig-e Abarakam min Naot min ineid Tera irir-o.