OROMA 4:3 - Nanduk Ngget Tul Pidnak Wene

³ Mbal Pem Nagawan engga bem-nen yosolar-e: ”Abaram-e Mbal Pem Nagawan ebem nak indi angin tubu yidnak pem-e Mbal Pem Nagawan-nen at lud tak nak ibij-o” luk yid nar-o.

OROMA 4:3 ပူးပေါင်းရင်းမြစ်များ

NDAK WIRIDNAK WENE 15:6

Yak tosoloma-ge, Abaram na-ge ndemerer-o luk Nagawan Indo ebem indi angin tubu yosola karug-e, Nagawan Indo-nen-e ”At yu-ge an nindi alen tak poso nab-o” eberasolug-e, wok ibij-o.

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

MATIUS 20:9

Alama-ge, jam lima bem yabu nggwiga nap na lobok yigarik, onggo-ge enambiktak kerep tol misiget irit waniga-o.

MARAKUS 12:10

Mbal Pem Nagawan engga bem-nen yosolar-e: ’O wurugwi nap-nen mbo bidnak kerep iri-ge o unggut paro pidnak irit kwat yij-o.

OROMA 10:11

Mbal Pem Nagawan engga mbarak pem-nen yosolar-e: ”Inndi-ge at ebem angin tubu yuwa nab-e innggiri mondok wuruwa bug-o” luk yij-o.

OROMA 11:2

Mbal Pem Nagawan-nen-e at winde nap nanduk-net len inpidnak na-ge amberam tak inpigit lag-o. Mbal Pem Nagawan engga mbarak arem-nen Elia-nen kwaridnak wene iri-ge kir-e kenaru buk yili-a? Isarael nap enpem wene mbaruwakluk Elia-nen Mbal Pem Nagawan emengen mbarosolar-e, yu nggal yij-o:

OROMA 4:11

At iye ambasab-e abok nggwe-nen wabamu-o. Nde, at iye ambasap wabidnak iri-ge, at indi angin tubu yidnak pem-net Mbal Pem Nagawan-nen at iye ambasap wabigit lak ma-net at lud tak nak ibij-o luk ap-nen yenggerak puwakluk-nen wabamu-o. Iri bem-e, it iniye ambasap wabigit lak nab-et nde, inndi angin tubu yidnak pem-net Mbal Pem Nagawan-nen lud tak nak unpusu nap oboksa onmbo-ge Abaram-nen yusu-o.

OROMA 4:5

Nde, yabu-ge wanigit lag-et nde, we inndi-ge meya yugwi nap lud tak nak onposo Mbal Pem Nagawan na ebem inndi angin tubu yogola-ge, Mbal Pem Nagawan-nen-e it inndi angin tubu yidnak pem-net lud tak nak onposo-o.

OROMA 4:9

Nde, enalen kali nab-o yid iri-ge iniye ambasap wabugwi nap inmin nak yij-a? Are, iniye ambasap wabugwi buk nap na inmin yij-a? Mbal Pem Nagawan engga mbarak pem-nen yosolar-e: ”Abaram-e Mbal Pem Nagawan ebem nak indi angin tubu yidnak peme Mbal Pem Nagawan-nen at lud tak nak ibij-o” luk yanem yige nar-o.

OROMA 9:17

Mbal Pem Nagawan engga mbarak pem at-nen Pireon yak tosolar-e: ”An-nen mendak kibigi yu-ge an namawi kat kebem-nen nam tak posolat, an nunu yi wi ndi wi wigarak posolat yonokluk-nen mendak kubukmu-o” luk yij-o.

YAKOBUS 2:23

Iri kwarid iri-ge, engga wene misik-nen yidnak ndak ndak tak pij-o. Engga wene iri-nen yosolar-e: ”Abaram na-ge Mbal Pem Nagawan ebem indi angin tubu yid iri bem-nen Mbal Pem Nagawan-nen at lud tak nak tak ibij-o.” Iri bem-nen Abaram na unu misik yogolar-e: ”Mbal Pem Nagawan anggam-o” yugwi-o.

YAKOBUS 4:5

Mbal Pem Nagawan engga bem-nen wene misik yosolar-e: ”Mbal Pem Nagawan-nen nit nenarem pid indi iri-ge mondok ukwe ukwe nak yoso indi irit pamu-o” luk yid iri-ge we ereya-t yij-e lag-o.