OROMA 4:15 - Nanduk Ngget Tul Pidnak Wene

¹⁵ Imiri mbarak pidnak wene-nen Mbal Pem Nagawan isilepma nam tak pusu-o. Alat nde, imiri mbarak pidnak wene worasu buk sa-ge kuruk tugwi mende na lak woraso-o.

OROMA 4:15 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 22:13

”An min Yewura nap oboksa min nenmanggim engga yu arem mbarak worasu yeba wene-ge ngge kwarag-o luk Nagawan Indo kin wok ibil mberer-o. Nde, nonmborak-nen-e engga yu arem ’Iri nggal kwarurag-o’ luk yidnak wene mbarak worasu yeba-ge ndak ndag-e kwarigit lak yidnak me, Nagawan Indo isilepma-ge nit nenpem pusu-o” luk yij-o.

YOANES 15:22

Nde, an-e lobok yigirik, wene yak indigit lak yiginggal-e, it meya yidnag-e enpem pigit lak yeleb-o. Alat nde, yawo-ge it meya yidnak lumuruwokluk tu kore yurak na meya-o.

YOANES 3:36

Ambara ebem indi angin tubu yusu nab-e urug-et pem-et woralik nalik wolmomtak elem wanusu-o. Nde, Ambara-nen yidnak wene kuruk tusu nab-e urug-et wolma bug-o. Are, Mbal Pem Nagawan isilepma-ge at ebem mondok puruk wolma-o.

OROMA 1:17

Aid wene na-nen-e Mbal Pem Nagawan-nen at ondomok imin ap mot tak onposo wene iri nam tak pij-o. Mot tak onposolar-e, it inndi angin tubu yidnak kuri-net woroksiyem-e inndi angin tubu yidnak pem nak wolma nab-e Mbal Pem Nagawan engga mbarak pem-nen yosolar-e: ”Inndi angin tubu yidnak pem Mbal Pem Nagawan-nen lud tak nak inpidnak nab-e unlug-et wolma-o” luk yid iri nggal-nen yusu-o.

OROMA 5:13

Musa-nen imiri mbarak pidnak wene na wok indigit lak ma-ge, meya kwarugwi elem-e nggweyak ma yu me worala-t nde, imiri mbarak pidnak wene na lak me, it-nen meya yidnag-e enpem pigit lak yij-o.

1 KORINTUS 15:56

Meya yogolat woraidnak pem wat yugwi elem-nen eyak yilik onposo-o. Nde, meya yogolat woraidnak amawi rak poso-ge imiri mbarak pidnak wene-nen yusu-o.

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.

NGGALATIA 3:19

Iri ala-ge, imiri mbarak pidnak wene iri-ge ngge kwarurak pem-nen nam tak pij-o? Meya kwarugwi nam tak puwakluk-nen nambek tak pid iri-ge Abaram-nen wigarak lobok yuwa-o luk urul yak tidnak nap na lobok yigit lak worala-ge, imiri mbarak pidnak wene iri-ge woragaij-o. Nde, imiri mbarak pidnak wene iri-ge aid nap enpem pamu, ap misig-e ngarak koro na inggem pij-o.

EPESUS 5:6

Ap-nen-e ebe lak wene iri na yak kondogolat, konmbol pem ludtag-e meya-o. Iri nggal kwarogolat woraidnak pem-e Mbal Pem Nagawan isilepma-ge at-nen yidnak wene kuruk tugwi nap enpem mbuma-o.

KOLOSE 3:6

Iri mende kwarugwi na bem-e Mbal Pem Nagawan isilepma-ge at-nen yidnak yidnak kuruk tugwi nap enpem mbuma-o.

1 YOANES 3:4

Meya elem iri-ge Mbal Pem Nagawan imiri mbarak pidnak wene kuruk toso-nen yusu me, ap-nen nde meya kwarogolar-e, Mbal Pem Nagawan imiri mbarak pidnak wene irit kuruk tili-o.

NAM PARA WENE 19:15

At emendam-e yalawi anggat worak mbi kenanggo. Nde, yalawi iri bem-nen ap enlem oboksa urugwe nggwe rak unpuruk, at-nen-e posid wangun pem it tena unpuruk wolma-o. Nde, at-nen-e anggut engen amburu mbutlugwi ondoro Mbal Pem Nagawan Amawi Worak iri na isilepma kwiye worak iri na me-nen anggut engen amburu mbutluwa-o.