OROMA 4:11 - Nanduk Ngget Tul Pidnak Wene

¹¹ At iye ambasab-e abok nggwe-nen wabamu-o. Nde, at iye ambasap wabidnak iri-ge, at indi angin tubu yidnak pem-net Mbal Pem Nagawan-nen at iye ambasap wabigit lak ma-net at lud tak nak ibij-o luk ap-nen yenggerak puwakluk-nen wabamu-o. Iri bem-e, it iniye ambasap wabigit lak nab-et nde, inndi angin tubu yidnak pem-net Mbal Pem Nagawan-nen lud tak nak unpusu nap oboksa onmbo-ge Abaram-nen yusu-o.

OROMA 4:11 ပူးပေါင်းရင်းမြစ်များ

NDAK WIRIDNAK WENE 17:24

Nde, Abarakam ar-e olengen sembilan pulu sembilan (99) pem iye ambesap mbariga-o.

NDAWI ENGGA 47:9

Ap enlem lombok nagawan oboksa-nen-e Abarakam-nen erembel wanoso Mbal Pem Nagawan ilirak inmin lambuk yili-o. Mbal Pem Nagawan iri-ge nggweyakma yu me nagawan ereba na enanggul pem nagawan me, mondok kek tak-nen yusu-o.

MBIRIGA WENE 12:13

Nde, wam eyabi kunuwi tumende bem ndarugup iri na karug-e, kir-e iri me worali-o luk yenggerak pimin-o. Mesira nap ondosolat, kir-e kindigit lak, we wot nak keneyamin-o.

MATIUS 16:16

Yosoloma-ge, at Simon Peterus-nen wene erep nggarosolar-e: ”kar-e Kerisut, uruk nak woraso Mbal Pem Nagawan Ambara-nen yusu-o” luk yij-o.

MATIUS 8:11

An-nen yak kendeyeg-o: Ap kwarat, mo luwaso sa-nen na, mo mboso sa-nen na, lobok yuwarik, Mbal Pem Nagawan-nen tenagaidnak wi iri me mburu nokluk, Abaram min Isak min Yakub min inmin kore yuwa-t nde,

LUKAS 19:9

Iri yosoloma-ge, Yesus-nen at yak tosolar-e: ”Kar-e Abaram-nen wigarak me, yawo-net kat min kat kama woragwi nap min Mbal Pem Nagawan-nen kinmiri yij-o.

YOANES 3:33

Nde, at-nen yidnak wene ndemerer-o luk perali nap-nen-e: ”Mbal Pem Nagawan iri-ge lud tak nak kwaroso-nen yusu-o” luk yili-o.

YOANES 3:36

Ambara ebem indi angin tubu yusu nab-e urug-et pem-et woralik nalik wolmomtak elem wanusu-o. Nde, Ambara-nen yidnak wene kuruk tusu nab-e urug-et wolma bug-o. Are, Mbal Pem Nagawan isilepma-ge at ebem mondok puruk wolma-o.

YOANES 6:35

Yogolikma-ge, Yesus-nen it yak ondosolar-e: ”Unlug-et wolmomtak mburu-ge an-er-o. An neram lobok yuwa nab-e mburu nere mondok kujwa bug-o. An nebem indi angin tubu yuwa nab-e yi nere na mondok kujwa bug-er-o.

YOANES 6:40

Nde, an Neid indi-nen perasu-ge yur-o. At Ambara an neyaruk, an nebem inndi angin tubu yuwa nap pidsa-nen unlug-et woralik nalik elem wanuwa-o. Nde, inndi angin tubu yili nab-e i woronosolat tarem-nen an-nen unluk tak inpimin-o” luk yak indij-o.

YOANES 6:47

An-e ndemeret yak kundusu-o. Indi angin tubu yidnak nab-e unlug-et pem-et woralik nalik momtak elem wanarik worasu-o.

YOANES 8:33

Yak ondosoloma, it-nen at yak togolar-e: ”Kir-e Abaram-nen wigarak me, nir-e ap misiger-o luk tet ndegel unpugwi bug-o. Irit nde, kat-nen-e: ’Wisirik kunpuwa-o’ yigen iri-ge ngge yosolat-nen yigen-o?” luk yiga-o.

OROMA 10:11

Mbal Pem Nagawan engga mbarak pem-nen yosolar-e: ”Inndi-ge at ebem angin tubu yuwa nab-e innggiri mondok wuruwa bug-o” luk yij-o.

OROMA 10:4

Musa-nen imiri mbarak pidnak wene na-ge Kerisut-nen ndak tak pidnak me, inndi-ge at ebem angin tubu yuwa nap pidsa-ge lud tak nak unpuwa-o.

OROMA 10:6

Alat nde, inndi angin tubu yidnak pem lud tak nak inpidnak nap yak ondogolar-e: ”Kinndi-nen peragolar-e: ’Ta nde aid arem lujwa-o?’ luk purak pug-o. (Iri yogolar-e, Kerisut waruk mbumomtak yogolar-o.)

OROMA 3:22

It inndi-ge Yesus Kerisut ebem angin tubu yidnak pem-e Mbal Pem Nagawan-nen-e lud tak nak onposo-o. Iri yusu iri-ge Mbal Pem Nagawan-e ap enpage lombonoso buk me, Yesus ebem inndi angin tubu yili nap oboksa-ge lud tak nak unpusu-o.

OROMA 3:26

Alat nde, yawo-nen-e Mbal Pem Nagawan-e at lud tak nak kwaroso nam tak posolar-e, inndi-ge Yesus ebem angin tubu yuwa nab-e Mbal Pem Nagawan-nen lud tak nak onposo-o luk mirik nunpusu-o.

OROMA 3:30

Nde, Mbal Pem Nagawan-e misiget nak-nen yusu me, iniye ambasap wabugwi nap na inndi angin tubu yidnak pem-net lud tak nak onposolat, iniye ambasap wabugwi buk nap na irit, it inndi angin tubu yidnak pem-net lud tak nak onposolat ma-o.

OROMA 4:10

At lud tak nak ibid iri-ge ngge tarem-nen kwat ibij-o? At iye ambasap wabidnak ma-nen, lak? Are, at iye ambasap wabigit lak ma-nen lud tak nak ibij-a? Lag-o. At iye ambasap wabigit lak ma-net irit kwat ibij-o. At iye ambasap wabidnak ombol nggwe-nen-e lag-o.

OROMA 9:30

Iri ala-ge, nir-e no nde yul-o? Yu nggal yuwog-o. Enlem nin nap iri-ge lud tak nak kwarugwi elem-e langgal luk mbirigit lak yiga-t nde, it inndi angin tubu yidnak pem-e Mbal Pem Nagawan imin-e lud tak nak inpij-o.

OROMA 9:33

Kerep iri wene-ge Mbal Pem Nagawan engga bem-e yu nggal mbarak worasu-o: ”Kwara yebet ker-o. O Sion iri me-ge ap unuwok abis pijaksa mburak kerep an-nen pusu-o. Kerep nggulok na bem-e ab-e pijaksa mbud yuwa-o. Alat nde, kerep na ebem inndi angin tubu yuwa nab-e abog-e innggiri wuruwa bug-o” luk yij-o.

OROMA 9:6

Alat nde, Mbal Pem Nagawan-nen urul pidnak wene-ge kwarigit lak ma-o luk yusu-ge lag-o. Nde, Isarael-nen wigarak lolo iri oboksa-ge Mbal Pem Nagawan-nen len inpidnak nap nak-nen yili-ge lag-o.

2 KORINTUS 1:22

at arengge rak nonposolar-e, yenggerak purak mende nenpem posolat, abok-nen kwat nunpurak wene urul pidnak nggal Konak Indi-ge nit nenarem wolmakluk wok nondosolat yij-o.

NGGALATIA 3:22

Alat nde, Mbal Pem Nagawan engga bem-nen yosolar-e, nggweyak ma nap oboksa-ge meya kwarugwi elem urugwe nggwe rak ninpidnak worali-o. Iri bem-e, inndi-ge Yesus Kerisut ebem angin tubu yidnak nap-nen urul pidnak na-ge wok unduwa-o.

NGGALATIA 3:29

Alat nde, kit nde Kerisut arengge ala-ge, kit na Abaram-nen wigarak-net yili me, Mbal Pem Nagawan urul pidnak iri na wanurak nap-nen yili-o.

NGGALATIA 3:7

Iri ala-ge, inndi angin tubu yidnak nab-e ndemeret Abaram ilirak-nen yili-o luk kenaru mer-o.

NGGALATIA 5:5

Nde, Konak Indi bem-nen nit ninndi angin tubu yidnak pem lud tak nak nunpuwa-o luk ninndi mbung mbung tak worali iri kwat nunpuwakluk yik karok worali-o.

NGGALATIA 6:16

Nde, ”Iri nggal kwaru-o” yidnak wene yu-nen yidnak yidnak kwatli nap iri na enpem-e lambuksa woragwi elem min unpud kaso elem min-e it enpem mbuwag-o. It enpem na, Mbal Pem Nagawan arengge Isarael nap pidsa enpem na mbuwag-o!

EPESUS 1:13

Nde, at ebem-nen kit na iri nggal-et kwat kinpij-o. Kir-e ndemeret wene kinmiri yurak aid wene iri na kuluruk yigepndig-e, Kerisut ebem kinndi angin tubu yigeb-o. Iri lug-e, ”It yu-ge an nilirak-nen yili-o” luk yenggerak kunpuwaklug-e, Mbal Pem Nagawan-nen-e urul pidnak Kona Indi na kenpem pij-o.

EPESUS 4:30

Nde, Mbal Pem Nagawan-nen idnak Konak Indi iri-ge indi puru rak purak pug-o. Mbal Pem Nagawan-nen-e ”At ilirak-nen yili-o” luk, yenggerak kunpuwakluk, Konak Indi kenpem posolat, ”Kit kinmiri yurak tarem-e ndemeret wok ma-o” luk Konak Indi ebem-nen urul yak kondosolat yij-o.

TUGURUK YIDNAK WENE 30:6

Kit min kit-nen wigarak min-e kinndi-ge yidnak yidnak nak kwarugwi inndi wok kunduwama, kir-e Nagawan Indo Kenmbal Pem Nagawan mondok kinndi min-et abuwa kwarat kagolat, o iri me pem-et woragub-o.

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

NAM PARA WENE 9:4

Sil ereba yak tosolar-e: ”Tusuwangge min e min yaidnak mende min norak pug-o. Are, inmbiriwak pem Mbal Pem Nagawan-nen idnak lop nok tak pugwi mende pigit lak nap nak nok unpurag-o” luk yak tij-o.