OROMA 3:9 - Nanduk Ngget Tul Pidnak Wene

⁹ Iri ala-ge, nit Yawuri nab-e kek tak woragola, enlem nin nab-e teberak woragwi-a? Mondok lag-o! Nde, an nanduk yak kodosolar-e, Yawuri nap na irit, enlem nin nap na irit pik paksa-ge meya yugwi elem-nen teberak unpuruk woraso-o luk yak kindigi nar-o.

OROMA 3:9 ပူးပေါင်းရင်းမြစ်များ

NGGOMO WENE 20:9

Ap erep-nen yogolar-e: ”An-e meya kwaroso buk me, mondok nindi-ge marak-nen yusu-o” luk yurag-e ndag-er-a?

YESAYA 65:5

it-nen ap yak ondogolar-e: ’Nir-e mondok marak nenarik lenag-et me, kit kinmin nit nenpem purak pug-o. Ndak mboksa mberer-o’ luk yili-o. It-nen iri kwatli iri kasolar-e, mondok mamak purag-e meya yusu-o. An nisilepma-ge nigi yoso buk kanduk nggal mondok enpem puruk worasu-o.

LUKAS 7:39

Yesus imin ”Totno nog-o” yak tid Parisi nap na-ge kwe iri-nen kwaridnak karuk, at arem-nen perasolar-e: ”Ap yu nde ndemeret Mbal Pem Nagawan ene lomboksa yoso nap nggal-e, at tenabusu kwe na aru yosolat, uwingga mbaroso kwe-nen yusu-o luk yenggerak peleb-o!” luk peragaij-o.

OROMA 1:18

Ap-nen meya yidnak iri-nen ndowaga Mbal Pem Nagawan enaru yurak iri kabak tak pusu bem-e Mbal Pem Nagawan isilepma-ge aid arem-nen ap-nen wene kuruk tugwi min meya kwarugwi min oboksa ebem nam tak pusu-o.

OROMA 11:32

Mbal Pem Nagawan-nen ap oboksa unpud kayeklug-e, ap pidsa-ge yidnak yidnak kwarugwi buk iri na arem nggitlik keya enpamu-o.

OROMA 11:7

Iri ala-ge, no nde yul-o? Isarael nap-nen kore yogolat woraiga mende iri-ge wanigit lak yiga-o. Mbal Pem Nagawan-nen len inpidnak nap wonarak nggal nak-nen perak nde waniga-o. Nde, it erep iri-ge inndi amawi-t yiga-o.

OROMA 2:1

Nanggamirak wa-e. Kit na meya kwarugwi-t nde, kir-e ta nggal-nen nin nap enpem nde wene mbatli-o? Nde, kir-e nin nap enpem wene mbatli-t nde, it-nen kwarugwi mende iri-ge kit-nen na kwarugwi me, kit na kit-net kenambikpebe kenpem wene mbatli irir-o.

OROMA 3:1

Iri ala-ge, no lesa wanurak pem Yawuri nap kwat yurag-o? Nde, no amanggim-nen iniye ambasap wabugwi-o?

OROMA 3:19

Nit nenaru yili wene-ge yu-o: Musa-nen imiri mbarak pidnak wene arem-nen yidnak wene na-ge, imiri mbarak pidnak wene wanugwi nap nenmanggim yidnak-nen yusu-o. Iri yid iri-ge ap pidsa wene onggo yigit lak makluk, nggweyak ma nap pidsa enpem Mbal Pem Nagawan-nen wene mbaruwakluk-nen yij-o.

OROMA 3:5

Nde, nit-nen meya yidnak pem-nen-e Mbal Pem Nagawan-nen lud tak nak kwaroso iri na nam tak posola-ge, nir-e no wene nde yul-o? Nit meya yidnak pem Mbal Pem Nagawan isilepma nenpem posola-ge, ”Kar-e mot mot kwat nunpusu bug-o” luk yak tul-a? (An-e ki nap inmin yidnak nggal yigi-o.)

OROMA 6:15

Iri ala, no kwarul-o? Nir-e imiri mbarak pidnak wene-nen urugwe nggwe rak ninpidnak worali-ge lak me, Mbal Pem Nagawan we wok ondoso elem pem worali me-ge, meya kwat tenak wulmul-a? Iri-ge mondok lag-o!

OROMA 7:14

Imiri mbarak pidnak wene iri-ge Mbal Pem Nagawan Indi-nen pidnak wene-nen yusu-o luk nenaru yili-o. Alat nde, an-e ki nap-nen yusu-o. Nde, meya kwarugwi elem-nen nonggo posola an-e meya kwarugwi elem ndegel oboso-nen yusu-o.

1 KORINTUS 10:19

Wene yigi yu-ge ngge yosolat-nen yigi-o? Kugiwak amanggim pidnak nunggwi mende min kugiwak min-e ebe worak mende-nen yusu-o luk yosolat-nen yigi-a?

1 KORINTUS 14:15

Iri bem-e ngge yimin-o? An nindi bem-net tepan yosolar-e, an-nen yebet kaso iri bem-nen na tepan yimin-o. An nindi bem-net ndawi yosolar-e, an-nen yebet kaso iri bem-net ndawi yimin-o.

1 KORINTUS 4:7

Kar-e ta-nen nde kek tak keyasu-o? Kat karengge worasu iri-ge Mbal Pem Nagawan-nen wok kirigit lag-a? Iri bem-e, we wok kiridnag-et nde, kar-e noluk-nen kat-nen wanidnak nggal tak puruk, kondomok kek yusu-o?

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.

NGGALATIA 3:22

Alat nde, Mbal Pem Nagawan engga bem-nen yosolar-e, nggweyak ma nap oboksa-ge meya kwarugwi elem urugwe nggwe rak ninpidnak worali-o. Iri bem-e, inndi-ge Yesus Kerisut ebem angin tubu yidnak nap-nen urul pidnak na-ge wok unduwa-o.

PILIPI 1:18

Alat nde, iri yili iri-ge ereba mag-o. Kerisut owene wigarogolar-e, ir-e enaboro nak-nen ala na, ir-e ndemeret inndi-nen ala na, Kerisut owene wigarak pili me, an-e nalen kasu-o. Ye. Nde, an-e yu bem nalen pempa kasolat woramin-o: