OROMA 3:4 - Nanduk Ngget Tul Pidnak Wene

⁴ Mondok lag-o! Ap oboksa ennesiget yugwi-t nde, Mbal Pem Nagawan-e mondok ndemeret wene nak yoso-o. Mbal Pem Nagawan engga mbarak pem-nen yosolar-e: ”Kat-nen wene yosola-ge, lud tak wene nak yij-o luk yuwag-o. Nde, kat kebem wene mbarogola-ge, kar-et ombol pem yugun-o” luk mbarij-o.

OROMA 3:4 ပူးပေါင်းရင်းမြစ်များ

AYUP 40:8

Kar-e an-nen lud tak nak kwaroso iri na-ge lak tak puruk, kat-nen-e mot mot kwaroso nggal kwarosolat, an-e meya kwaroso rak nubugun-a?

NDAWI ENGGA 100:5

Nagawan Indo iri-ge konak-nen yusu-o. At-nen unpud kaso elem-e pem irit unpud kasolat, at-nen mot mot tugup lak woraso elem-e pem irit woraso-o.

NDAWI ENGGA 116:11

An-e kwiye yosolar-et nde, an-nen yosolar-e: ”Ap misiger-o luk mbi ebem nindi wat tak purag-e meya-o” luk yigi-o.

NDAWI ENGGA 138:2

Kar-e tugup lak pempa nenabuwa kaso me, an nanggul-e kat kuwi ambigit ndimirik puruk, tud luk, kat kunu kek tak pusu-o. Kat-nen-e ap-nen yebet keyali iri-ge marik tak puruk, kat-nen kwat unpurak urul yak indidnak wene-ge kar-e mondok nggok tak poso-o.

NDAWI ENGGA 51:4

Ndemeret kat kimin, kat kimin nag-et meya kwarigi-o. An-e kat-nen meya-o luk yik kaso mende irit kwarigi-o. Iri bem-e kat-nen ap enpem wene konoso-ge mot mor-et mbenaroso me, kat-nen nebem angin worak pugun iri-ge il pem-et pugun-o.

MIKA 7:20

Nanduk kwat nunpurak urul nonmborak yak indigen iri na ndak ndag-et kat-nen tugup lak kwat onposo min kat-nen kundugu enabuwa kaso min iri na-ge kat kilirak Abarakam min Yakup min-nen wigarak irit mirik nunpugun-o.

MATIUS 11:19

Nde, Ap Ambara an lobok yosolar-e, mburu min yi min nasola karuk, it-nen yogolar-e: ’Nunggwi mende karum karum naso nap, anggut engen amburu ndonggosa naso nap, pemerinta enmanggim tol ndok wurugwi nap min meya yugwi nap min ennggam iri nde ker-o!’ Mbal Pem Nagawan indi tenggerak iri-ge at-nen kwaroso bem-nen enaru rak poso-o” luk yij-o.

LUKAS 20:16

Yabu winde iri lobok yuwarig-e, ap ereba na unduruk, yabu na nin nap-nen parugu wolmakluk wok unduwa-o” luk yij-o. Iri yosoloma, kuluruk yigarig-e, it-nen yogolar-e: ”Ije! Iri kwarurag-e meya-o!” luk yiga-o.

YOANES 3:33

Nde, at-nen yidnak wene ndemerer-o luk perali nap-nen-e: ”Mbal Pem Nagawan iri-ge lud tak nak kwaroso-nen yusu-o” luk yili-o.

OROMA 11:1

An kin waneyeg-o. Mbal Pem Nagawan-nen at winde nap amberam tak inpid, lak? Mondok lag-o! Nde, an na irit Isarael nap, Abaram-nen wigarak, nelem-e Mbenyamin nap-nen yusu-o.

OROMA 11:11

Iri ala-ge, an kin waneyeg-o. Yawuri nab-e unuwok pijaksa mondog-et wosa mbiga-a? Mondok lag-o! It-nen mborok tidnak pem it Yawuri nap-nen enlengen ale enlem nin nap enpem puwakluk, enlem nin nap inmiri yij-o.

OROMA 3:31

Iri ala-ge, ninndi angin tubu yili iri-ge imiri mbarak pidnak wene iri-ge lak tak purak pem kwatli-a? Mondok lag-o! Are, Musa-nen imiri mbarak pidnak wene na-ge mondok tugup lak tak puwokluk-nen yili-o.

OROMA 6:15

Iri ala, no kwarul-o? Nir-e imiri mbarak pidnak wene-nen urugwe nggwe rak ninpidnak worali-ge lak me, Mbal Pem Nagawan we wok ondoso elem pem worali me-ge, meya kwat tenak wulmul-a? Iri-ge mondok lag-o!

OROMA 6:2

Mondok lag-o! Meya yugwi elem wisirik pogolat wat yidnak nap nit-nen-e nggerak puruk meya kwat tenak wulmul-a?

OROMA 7:13

Iri ala-ge, konak wene iri-nen-e wat momtak elem nebem pij-a? Mondok lag-o! Meya kwarugwi elem iri-net worak nibij-o. Konak iri na bem-nen meya kwarugwi elem iri-nen-e an worak nibij-o. Iri kwat nibid iri-ge meya kwarugwi iri-ge ndemeret meya kwarugwi elem-nen yusu-o luk yenggerak puwakluk-nen kwarij-o. Iri bem-e, ”Iri nggal kwaru-o” yidnak wene iri na bem-nen-e meya kwarugwi elem iri-ge meya mondok nggulok pare nam tak pusu irir-o.

OROMA 7:7

Iri ala-ge, nir-e no nde yul-o? Imiri mbarak pidnak wene iri-ge meya mende-nen yusu-o luk yul-a? Mondok lag-o! Irit nde, imiri mbarak pidnak wene lak nggal-e, an-nen-e iri-ge meya kwarusu-o luk, naru yelep pug-o. Imiri mbarak pidnak wene-nen yosolar-e: ”Ukwe ukwe yurak pug-o” luk yigit lak nggal-e, ukwe ukwe yugwi iri-ge no mende-o luk an-e naru yelep pug-o.

OROMA 9:14

Iri yidnak ala-ge, nir-e no nde yul-o? Mbal Pem Nagawan-e mot mot kwaroso buk-nen-o yul-a? Mondok lag-o.

1 KORINTUS 6:15

Kit kenpe-ge Kerisut inggi ujok na-ge kir-e kenaru bug-a? Nde, an-e Kerisut inggi ujok na waga uwingga mbaroso kwe inggi ujok nggal tak pimin-a? Mondok lik laksa-o!

2 KORINTUS 1:18

Mbal Pem Nagawan-e ndemeret wene nak yoso me, wene urul an-nen yak kondosolar-e: ”Ob-o, Lag-o” yurak pem yak kundusu-ge lag-o.

NGGALATIA 2:17

Alat nde, nit-nen nde Kerisut ebem-nen lud tak nak nunpuwakluk nenmawi kunduruk tu kore yili-t nde, nit Yawuri nab-et nde enlem nin nap nggal meya yugwi nde ala-ge, iri-nen-e Kerisut-e meya kwarugwi elem ndegel poso-nen yusu-o luk eberaul-a? Mondok lag-o.

NGGALATIA 2:21

An-nen-e Mbal Pem Nagawan-nen we wok ondoso elem iri-ge nimbir-o yimin pug-o. Imiri mbarak pidnak wene bem-nen ap lud tak nak onposo nggal-nen-e Kerisut-e wewesa wat yeleb-o!

NGGALATIA 6:14

An perak nde Nenagawan Indo Yesus Kerisut-nen idnak e lang pang tak iri bem nak nindi kek tak pimin-o. E lang pang tak iri-nen nggweyak ma nap-nen kwarugwi inndi-ge namanggim wat yamu-o. Nde, e lang pang tak iri bem-et an na nggweyak ma nap-nen kwarugwi inndi amanggim wat yukmu-o.

TUGURUK YIDNAK WENE 32:4

Nagawan Indo yongga kondoso amawi worak, yabu-ge mondok iminep mbarak nak wanosolat, at-nen kwaril mboroso oboksa-ge mot mot nak kwaroso. Mbal Pem Nagawan iri-ge mondok mot mot nak kwaroso, ap enmberam laso buk-nen yusu-o. Ar-e ndemeret mondok konak nak kwaroso.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

TITUS 1:2

Enesiget yoso buk Mbal Pem Nagawan-nen o ndak wirigit lak ma-net: ”Unlug-et woralik nalik wolmomtak elem irit wok kindimin-o” luk urul pid iri na bem ninndi mbung mbung tak worali-o.

IBERANI 6:18

Mbal Pem Nagawan-nen urul pid min owak mbarid min wene mberen iri-ge tuguruk nden kujwa-ge lak me, Mbal Pem Nagawan-e enesiget yurag-e meya-o. Iri bem-e nit ninmiri yuwakluk Mbal Pem Nagawan indipma worali nap nit-nen-e abok-nen wok nundurak lid lud tak pidnak iri na bem nit ninndi mbung mbung tak pidnak iri-ge puksa tena wolmomtag-o.

1 YOANES 5:10

Iri bem-e, ta-nen nde Mbal Pem Nagawan Ambara ebem indi angin tubu yuwa nab-e kinggiridnak wene na-ge at arem worasu-o. Nde,ta-nen nde Mbal Pem Nagawan-nen kinggiridnak na wanigit lak me, Mbal Pem Nagawan-e enesiget yoso nap tak pusu-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

NAM PARA WENE 3:7

”Pilandelpia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge ndemeret marak nap iri-nen yusu wene-o. Nde, at iri-ge Ndaud-nen idnak tu imig worak pugwi tena woraso-o. Nde, at-nen nde tu kuwarak posoma-ge, ap misiger-o luk-nen lerak purag-e meya-o. Nde, at-nen tu lerak posoma-ge, ap misiger-o luk-nen kuwarurag-e meya-o.