OROMA 3:31 - Nanduk Ngget Tul Pidnak Wene

³¹ Iri ala-ge, ninndi angin tubu yili iri-ge imiri mbarak pidnak wene iri-ge lak tak purak pem kwatli-a? Mondok lag-o! Are, Musa-nen imiri mbarak pidnak wene na-ge mondok tugup lak tak puwokluk-nen yili-o.

OROMA 3:31 ပူးပေါင်းရင်းမြစ်များ

NDAWI ENGGA 119:126

Nagawan Indo wa-e. Ap-nen-e kat-nen idnak imiri mbarak pidnak wene kwid togola, kat-nen it kwat unpurak tarem-e abu wok yij-o.

NDAWI ENGGA 40:8

’Mbal Pem Nagawan wa-e. Kat kindi-n pidnak kwarurak iri-ge an-e nindingen-o. Kat-nen idnak imiri mbarak pidnak wene-ge an narem pukmu-o’ luk mbarak worasu-o” yigi-o.

YESAYA 42:21

Inmiri yurak iri-ge Nagawan Indo-ge alen kwarar-o. At-nen yidnak wene ndak ndak kwarogolat, kek tak purak iri-ge ar-e mondok indingen-o.

MATIUS 15:6

yoso nap iri-ge at eid ija enne kulusu buk iri-ge ob-o’ luk yili-o. Nde, kit-nen iri nggal yogolar-e, kit kenlawingga-nen kwarugwi nak kwarogolar-e, Mbal Pem Nagawan-nen yidnak wene na lak tak pili-o.

MATIUS 3:15

Yosoloma-ge, Yesus-nen yak tosolar-e: ”Irit nde, yawo-ge ereba mag-o. Iri nggal kwarogolar-e, Mbal Pem Nagawan indi-n pidnak obok ndak ndak pogolat-nen kwarul-o” luk yak tosoloma-ge, Yoanes na-ge at-nen yidnag-et kwarij-o.

MATIUS 5:17

”Nde, kit kenarem-nen yebet kagolar-e, ’At yu lobok yij-e imiri mbarak pidnak wene min Mbal Pem Nagawan ene lomboksa yugwi nap-nen yidnak wene min lak tak peyekluk-nen lobok yij-o’ luk peragub-o. Nde, an-e iri lak tak peyekluk-nen lobok yigi-ge lag-o. Are, wene na ndak tak peyekluk-net lobok yigi-o.

MATIUS 5:20

Nde, an-nen yak kendeyeg-o: Engga enaru nap min Parisi nap min-nen lud tak nak kwarugwi-t nde, kit-nen-e it-nen kwarugwi na mondok ombol nggwe terak minik nggal lud tak nak kwarigit lak yugupndig-e, Mbal Pem Nagawan-nen tenagaidnak wi-ge nggugup pug-o.

LUKAS 20:16

Yabu winde iri lobok yuwarig-e, ap ereba na unduruk, yabu na nin nap-nen parugu wolmakluk wok unduwa-o” luk yij-o. Iri yosoloma, kuluruk yigarig-e, it-nen yogolar-e: ”Ije! Iri kwarurag-e meya-o!” luk yiga-o.

OROMA 10:4

Musa-nen imiri mbarak pidnak wene na-ge Kerisut-nen ndak tak pidnak me, inndi-ge at ebem angin tubu yuwa nap pidsa-ge lud tak nak unpuwa-o.

OROMA 2:20

enaru buk nap mul ondogolat, li marik mul undugwi nab-e nir-er-o” luk peragwi-o. Kit-nen peragolar-e: ”Imiri mbarak pidnak wene iri bem-e inndi tenggerak elem min lud tak nak kwarugwi elem min winde-ge nit nag-o” luk perali-o.

OROMA 3:4

Mondok lag-o! Ap oboksa ennesiget yugwi-t nde, Mbal Pem Nagawan-e mondok ndemeret wene nak yoso-o. Mbal Pem Nagawan engga mbarak pem-nen yosolar-e: ”Kat-nen wene yosola-ge, lud tak wene nak yij-o luk yuwag-o. Nde, kat kebem wene mbarogola-ge, kar-et ombol pem yugun-o” luk mbarij-o.

OROMA 3:6

Mondok lag-o! Mbal Pem Nagawan-e mot mot kwaroso buk nggal-e, nggesa-nen nggweyak ma nap oboksa enpem wene mbatleb-o?

OROMA 4:14

Nde, imiri mbarak pidnak wene-nen yidnak yidnak kwarugwi nap nak-nen Mbal Pem Nagawan urul pidnak wene winde yurak nggal-e, inndi angin tubu yugwi iri-ge ebe lak mende kwat yeleb-o. Nde, Mbal Pem Nagawan-nen urul pidnak wene iri na lak tak peleb-o.

OROMA 7:22

Nde, an nindi arem-nen-e Mbal Pem Nagawan-nen idnak imiri mbarak pidnak wene wanurag-e nindingen-et nde,

OROMA 7:25

Nenagawan Indo Yesus Kerisut ebem-nen Mbal Pem Nagawan nak wiwa-o yak turag-o. Iri ala-ge, an-e yu nggal kwarusu-o. An nindi-nen-e Mbal Pem Nagawan-nen idnak imiri mbarak pidnak wene na ndegel ubusu-t nde, nebage ki nap iri-nen kwarosolar-e, meya kwarugwi elem irit ndegel ubusu-o.

OROMA 8:4

Mbal Pem Nagawan-nen iri kwarid iri-ge nit ki nap-nen kwarugwi mende kwarigit lak, are, Mbal Pem Nagawan Indi-n pidnak nak kwarugwi nap nit-nen kwarogolat wolmakluk lud tak nak yoso imiri mbarak pidnak wene iri na nit ninndi arem kwat makluk-nen iri kwarij-o.

1 KORINTUS 9:21

Nde, enlem nin nap wok enpeyekluk, it ennggendumu woralar-e, an-e imiri mbarak pidnak wene tena woraso buk nap nggal kwat yoso-o. Alat nde, Mbal Pem Nagawan-nen yidnak yidnak wene an-e keya bigit lag-et nde, Kerisut-nen yidnak yidnak wene bem nak woraso-o.

NGGALATIA 2:19

Nde, imiri mbarak pidnak wene bem-e an-e wat yigi-o. Mbal Pem Nagawan amanggim nak nuruk worayekluk imiri mbarak pidnak wene arem-nen wat yigi-o. An-e Kerisut imin e lang pang tak pem nindiga-o:

NGGALATIA 2:21

An-nen-e Mbal Pem Nagawan-nen we wok ondoso elem iri-ge nimbir-o yimin pug-o. Imiri mbarak pidnak wene bem-nen ap lud tak nak onposo nggal-nen-e Kerisut-e wewesa wat yeleb-o!