OROMA 3:25 - Nanduk Ngget Tul Pidnak Wene

²⁵ Mbal Pem Nagawan-nen-e Yesus iri-ge wam wosa eyabi at amanggim pidnak nggal pid iri-ge, at eyabi mbiridnak pem at ebem inndi angin tubu yidnak nap-nen meya yidnak lak tak peyekluk pij-o. Mbal Pem Nagawan-nen Yesus pid iri-ge at lud tak nak kwaroso na mirik nenpeyekluk-nen pij-o. Nandug-e ap-nen meya kwarogola, eneyasolar-et nde, Mbal Pem Nagawan-nen at indi luruk puruk, indisem woragaij-o.

OROMA 3:25 ပူးပေါင်းရင်းမြစ်များ

NDAWI ENGGA 119:142

Kat-nen mot mot nak kwaroso-ge pem irit wolma-o. Kat-nen idnak imiri mbarak pidnak wene-ge pempa ndemeret lud tak nak irit wolma-o.

NDAWI ENGGA 22:31

It-nen-e abok ndesa mbuwa nap ereba na yak ondogolar-e: ”Nagawan Indo-nen at ilirag-e inmiri yamu-o” luk yak unduwa-o.

NDAWI ENGGA 40:10

Inmiri yurak wene iri na-ge an narik narem na-ge yemndak pigit lag-o. Kat-nen tugup lak yongga nenderenak woraso wene iri na-ge pempa an-e yak ondosolat woraso-o. Kat kilirak ndok worak ennggendumu-ge an nene lak woraso bug-o. Alat nde, kat-nen tugup lak nenabuwa kaso wene iri na-ge wigal tenak woraso-o.

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

TEPAN OMBO-NEN KWARURAK WENE 16:10

Nde, Asasel amanggim lena labuk yidnak iri na-ge Isarael nap meya yidnak lak tak puwakluk waruk lobok yuwarik, urug-et Nagawan Indo eram puruk, Asasel amanggim walma nggwe sera wirik purag-o.

TEPAN OMBO-NEN KWARURAK WENE 16:15

Iri rak purug-e, Arun-nen Isarael nap meya yidnak korak purak amanggim pidnak kambing iri na wutluk, eyabi-ge o mondok marak iri na me waruk ngguruk, yanem sapi eyabi kwaridnak iri na nggal-et kwasa urul pidnak labu mbarak usurup pem nggweyel karuk, urul pidnak wene labu mbarak at ambigit nam nggwe tuju bem nggweyel karuk, kwarurag-o.

YOANES 6:47

An-e ndemeret yak kundusu-o. Indi angin tubu yidnak nab-e unlug-et pem-et woralik nalik momtak elem wanarik worasu-o.

YIDNAK YIDNAK WENE 14:16

Nanduk ereba woragola-ge, ab-e ap pidsa-t it untula ndomok mburuwag-o luk Mbal Pem Nagawan-e yumbuk nak eneyasolat woragaij-o.

YIDNAK YIDNAK WENE 15:18

nanduk-net wene yu kwarosolat enaru rak pid nap Nagawan Indo-nen-e irit yij-o.’

YIDNAK YIDNAK WENE 17:30

It enaru buk woraiga tarem-e Mbal Pem Nagawan-nen we yik nak eneyaruk keya inpij-et nde, yawo-nen-e yi wi ndi wi worali nap pidsa ’Kondok yer-o’ luk yak undusu-o.

YIDNAK YIDNAK WENE 2:23

Mbal Pem Nagawan-nen at indi-n pidnak pem at-nen irit kwarimin-o luk peragaid iri na ndak ndak tak posolar-e, Yesus na-ge wesera kininggem pamu, kit-nen-e it wene tarugwi nap endam pogola, it ininggi-nen-e e lang pang tak pem panggarak ibiga-t nde, kit-net wirigep nar-o.

YIDNAK YIDNAK WENE 3:18

Alat nde, iri kwarigep iri-ge Mbal Pem Nagawan-nen at ene lomboksa yugwi nap pidsa enmendam tak posolar-e: ’An-nen idnak Kerisut-e yane wuruwa-o’ yid iri na-t ndak tak posolat-nen kwarigeb-o.

YIDNAK YIDNAK WENE 4:28

Ndok wiriga iri-ge, kat kamawi min kat kindi-nen irit kwaruwag-o luk nanduk peraigen mende irit lud makluk kwariga-o.

OROMA 2:4

Mbal Pem Nagawan-nen ap unpud kaso min indi yanggonak woraso min indi luruk puruk woraso min nggok iri-ge kir-e te rak pili-a? Kit meya yidnak keya buruk, kondok yuwakluk, ar-e kit kunpud kasu iri-ge kir-e kenaru buk yili-a?

OROMA 3:26

Alat nde, yawo-nen-e Mbal Pem Nagawan-e at lud tak nak kwaroso nam tak posolar-e, inndi-ge Yesus ebem angin tubu yuwa nab-e Mbal Pem Nagawan-nen lud tak nak onposo-o luk mirik nunpusu-o.

OROMA 5:1

Iri bem-e, nit ninndi angin tubu yidnak pem lud tak nak ninpidnak me, Nenagawan Indo Yesus Kerisut ebem nir-e Mbal Pem Nagawan imin lambuk tak ninpidnak worali-o.

OROMA 5:11

Nde, ninmiri yurak iri nag-e lag-o. Are, Nenagawan Indo Yesus Kerisut ebem-nen Mbal Pem Nagawan ebem-e nenalin nenalen kali-o. Yesus ebem-net Mbal Pem Nagawan imin kundik ninpij-o.

OROMA 5:18

Ap misik-nen meya yidnak pem-e ap pidsa nenpem angin worak mende pid iri nggal-et ap misik-nen lud tak nak kwaridnak pem-e, ap pidsa lud tak nak nunpuruk, nunluk wolmomtak elem wok nundusu-o.

OROMA 5:9

Yawo-ge Yesus eyabi bem-nen lud tak nak ninpidnak worali iri-ge ija-t nde, Mbal Pem Nagawan isilepma-ge nit nenpem mbuma naru, Yesus-nen ninmiri yuwa iri perak nde ija lombog-o.

1 KORINTUS 5:7

Kir-e nanduk woraidnak meya lomboroso mende iri-ge mbo ber-o. Iri ala-ge, kir-e nggeret konidnak oroti lomboroso mende pigit lak yidnak oroti iri nggal-et kwat yobokluk. O Anggul Pandok Mbiridnak tarem lomba wam wurugwi nggal, nit Nonlomba Kerisut iri-ge nenmanggim wiriga-o.

2 KORINTUS 5:21

Kerisut ebem-nen Mbal Pem Nagawan-nen lud tak nak kwaroso nggal tak nenpeyeklug-e, Kerisut na meya yoso bug-et nde, nit nondolmasa Mbal Pem Nagawan-nen-e meya yoso nap tak ibij-o.

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

EPESUS 2:13

Alat nde, yawo-ge Kerisut Yesus ebem-nen kit wud tak woraigep nab-e Kerisut eyabi bem-nen Mbal Pem Nagawan eram panggo rak kinpij-o.

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

IBERANI 10:4

Nde, sapi wam kusi eyabi min kambing wam kusi eyabi min-nen-e ap-nen meya yogolat woraidnak iri-ge korak unpurag-e mondok pem lag-o.

IBERANI 11:14

Nde, nit yu-ge ap sal-net yili-o luk yugwi nab-e it unuwi pem uwi kore yogolat-nen yili-o luk nam-et enperali-o.

IBERANI 11:17

Nde, Mbal Pem Nagawan-nen-e Abaram na indi kayekluk yosola-ge, Abaram na indi angin tubu yidnak pem-net at ambara Isak na-ge wosa Mbal Pem Nagawan amanggim eyabi wirik peyekluk yij-o. Nde, Mbal Pem Nagawan-nen wene urul paga Abaram yak tij-et nde, at ambara misiget nderak iri-ge indi angin lag-et Mbal Pem Nagawan amanggim wosa peyekluk yij-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

IBERANI 9:28

Iri nggal-et Kerisut-e ap kwarat-nen meya yogolat woraidnak iri lak tak peyekluk, misiget pem nak at eyabi-ge Mbal Pem Nagawan amanggim pamu-o. Nde, ar-e mberen pem tak posolat abok nam marig-e, ap-nen meya yogolat woraidnak waneyekluk nam ma-ge lag-o. Are, at lobok yuwa-o luk yik karok woraidnak nap inmiri yurak pem nam ma-o.

IBERANI 9:5

Nde, labu mbarak na ombol pem-e abinal worak aid nap ndak worak iri ponok ponok woragaij-o. Nde, aid nap iri enlap labe erep kwindik worala, ap-nen meya yogolat woraidnak korak poso sa iri-ge indipma rak piga-o. Alat nde, iri wene oboksa yawo-t kwara ndindera yurag-e meya-o.

1 YOANES 1:10

Nde, nit-nen nde: ”Nit meya yugwi bug-o” luk yogolar-e, nit-nen-e Mbal Pem Nagawan na enesiget yoso nap tak pili-o. Nde, at-nen yidnak wene-ge nit nenarem-e mondok lag-o.

1 YOANES 2:2

Nde, nit meya yidnak amberam tak puwakluk, Kerisut-e mirin ngal yij-o. Nde, nit meya yidnak nag-e lag-o. Are, ap pidsa meya yidnak amberam tak puwakluk, mirin ngal yid irir-o.

1 YOANES 4:10

Enabuwa kagwi elem-e yur-o. Nit nanduk-nen Mbal Pem Nagawan abuwa kaige-ge lag-o. Are, at-nen nit nenabuwa karuk, nit meya yidnak amberam tak puwakluk at Ambara pil mbuwagaij-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

NAM PARA WENE 20:15

Nde, unluk nak wolmomtak engga arem unnu mbarigit lak nab-e kan mare arem mbo inpil nggwij-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.