OROMA 3:22 - Nanduk Ngget Tul Pidnak Wene

²² It inndi-ge Yesus Kerisut ebem angin tubu yidnak pem-e Mbal Pem Nagawan-nen-e lud tak nak onposo-o. Iri yusu iri-ge Mbal Pem Nagawan-e ap enpage lombonoso buk me, Yesus ebem inndi angin tubu yili nap oboksa-ge lud tak nak unpusu-o.

OROMA 3:22 ပူးပေါင်းရင်းမြစ်များ

YESAYA 61:10

Yosoloma, Yerusalem-nen yosolar-e: ”An-e Nagawan Indo ebem nalin nalen kasu-o. Mbal Pem Nagawan ebem an nindi-ge kijik kijak wurusu-o. Kwe min ap min wok kerak mburak pem inmirik unmuruk konak nak yitli iri na nggal Nagawan Indo-nen an yirik nobosolar-e, inmiri yoso sum min ombol nggwe yugwi sum min yirik nibij-o.

YEREMIA 23:6

Nde, at-nen o tena worala-ge, Yewura nab-e inmiri yosolat, nde, Isarael nab-e kona yamuksa wolma-o. Nagawan iri na imin yogolar-e: ’Nagawan Indo iri-ge nit Ninmiri Yoso Nap-nen yusu-o’ luk yuwa-o” luk yij-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

LUKAS 15:22

Alat nde, eid na-nen at ndegel ubugwi nap yak ondosolar-e: ’Ndag-et nak! Sum konak lombok waruk lobok yuk, yirik uburuk, manggo inggi bem puruk, ijok sum yirik per-o.

YIDNAK YIDNAK WENE 11:12

Wok yogola-ge, Konak Indi-nen an yak norosolar-e: ’Kindi angin lag-et inmin mbiri-o’ luk yak norosoloma-ge, nanggamirak ap enam yu-ge totno mbirigerig-e, ap iri na ama nggwige-o.

YIDNAK YIDNAK WENE 15:9

Mbal Pem Nagawan-nen-e it min nit min neneyasolar-e, arik tak nggal-e mondok lag-o. It inndi angin tubu yidnak pem-et it inndi mbek tak inpidj-o.

YIDNAK YIDNAK WENE 3:16

Nde, Yesus unu bem indi angin tubu yidnak me, at unu iri-nen ap yu-ge kir-e kenlengen-nen karuk yenggerak pili nap yu-ge amawi yaga wok tij-o. Indi-ge Yesus ebem angin tubu yidnak alat, ap yu-ge kit kinmbiri bem-et mondok ki agaid yur-o.

OROMA 1:17

Aid wene na-nen-e Mbal Pem Nagawan-nen at ondomok imin ap mot tak onposo wene iri nam tak pij-o. Mot tak onposolar-e, it inndi angin tubu yidnak kuri-net woroksiyem-e inndi angin tubu yidnak pem nak wolma nab-e Mbal Pem Nagawan engga mbarak pem-nen yosolar-e: ”Inndi angin tubu yidnak pem Mbal Pem Nagawan-nen lud tak nak inpidnak nab-e unlug-et wolma-o” luk yid iri nggal-nen yusu-o.

OROMA 10:12

Nde, Yawuri nab-e arik nggal, enlem nin nap na arik nggal-e lak me, ap pidsa innggiri wuruwa bug-o. Mbal Pem Nagawan misiget iri-ge ap pidsa-nen idnak Nagawan Indo-nen yusu-o. Ap pidsa-nen at ebem nggi yogola-ge, imbiringgat mende kwarat nggilara wok ondoso-o.

OROMA 10:4

Musa-nen imiri mbarak pidnak wene na-ge Kerisut-nen ndak tak pidnak me, inndi-ge at ebem angin tubu yuwa nap pidsa-ge lud tak nak unpuwa-o.

OROMA 2:1

Nanggamirak wa-e. Kit na meya kwarugwi-t nde, kir-e ta nggal-nen nin nap enpem nde wene mbatli-o? Nde, kir-e nin nap enpem wene mbatli-t nde, it-nen kwarugwi mende iri-ge kit-nen na kwarugwi me, kit na kit-net kenambikpebe kenpem wene mbatli irir-o.

OROMA 3:30

Nde, Mbal Pem Nagawan-e misiget nak-nen yusu me, iniye ambasap wabugwi nap na inndi angin tubu yidnak pem-net lud tak nak onposolat, iniye ambasap wabugwi buk nap na irit, it inndi angin tubu yidnak pem-net lud tak nak onposolat ma-o.

OROMA 4:16

Nde, urul pidnak wene iri-ge Mbal Pem Nagawan ebem indi angin tubu yidnak pem-net yak tij-o. Iri yak tid iri-ge, urul pidnak wene iri-ge we wok ondoso elem pem Abaram-nen ndagaidnak lolo pidsa-nen winde yuwakluk-nen yak tij-o. Imiri mbarak pidnak wene-nen yidnak yidnak nak kwarugwi nap enmanggim nag-e lag-o. Are, Abaram indi angin tubu yid nggal, iri nggal ninndi angin tubu yul nap na nenmanggim-nen yusu-o. Nde, Abaram iri-ge nit pidsa nineid-nen yusu-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

OROMA 9:30

Iri ala-ge, nir-e no nde yul-o? Yu nggal yuwog-o. Enlem nin nap iri-ge lud tak nak kwarugwi elem-e langgal luk mbirigit lak yiga-t nde, it inndi angin tubu yidnak pem-e Mbal Pem Nagawan imin-e lud tak nak inpij-o.

1 KORINTUS 12:13

Iri nggal-et, nit pidsa-ge Yawuri nap na irit, Yunani nap na irit, ndegel unpuwakluk onnggo pidnak nap na irit, weserak woragwi nap na irit, Konak Indi misiget iri-nen nit pidsa ebe misiget tak nenpeyekluk yi ma nonposola, nit pidsa-nen yi ninggidnak nggal Konak Indi misiget nak mak nondosola, nili-o.

1 KORINTUS 4:7

Kar-e ta-nen nde kek tak keyasu-o? Kat karengge worasu iri-ge Mbal Pem Nagawan-nen wok kirigit lag-a? Iri bem-e, we wok kiridnag-et nde, kar-e noluk-nen kat-nen wanidnak nggal tak puruk, kondomok kek yusu-o?

NGGALATIA 2:16

Alat nde, wene yu nir-e nenaru-o. Imiri mbarak pidnak wene-nen yidnak yidnak nak kwaridnak pem-nen ap lud tak onposo bug-o. Inndi-ge Yesus Kerisut ebem angin tubu yidnak pem-net lud tak onposo-o. Nit-nen na irit, Kerisut Yesus ebem ninndi angin tubu yige iri-ge, lud tak nunpuwakluk-nen ninndi-ge Kerisut ebem angin tubu yige-o. Nde, imiri mbarak pidnak wene-nen yidnak yidnak kwaridnak pem-nen-e lud tak nenpelep pug-o. Imiri mbarak pidnak wene-nen yidnak yidnak nak kwaridnak pem-nen-e ap lud tak onposo bug-o.

NGGALATIA 2:20

An nuruk worasu yu-ge an-nen nuruk worasu-ge lag-o. Are, Kerisut perak nde an narem uruk worasu-o. Nde, yawo an nuruk worasu yu-ge, an nabuwa-nen at-net at ambikpebe iminep wesel koragaid nap, Mbal Pem Nagawan Ambara ebem nindi angin tubu yidnak pem-net nuruk worasu-o.

NGGALATIA 3:22

Alat nde, Mbal Pem Nagawan engga bem-nen yosolar-e, nggweyak ma nap oboksa-ge meya kwarugwi elem urugwe nggwe rak ninpidnak worali-o. Iri bem-e, inndi-ge Yesus Kerisut ebem angin tubu yidnak nap-nen urul pidnak na-ge wok unduwa-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

EPESUS 3:12

At ebem-nen nir-e Mbal Pem Nagawan eram nggogolar-e, at ebem ninndi angin tubu yidnak pem kwiye lag-et ninndi embem min-et nggwili-o.

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

KOLOSE 3:11

Iri bem-e, enlem nin nab-o luk, Yawuri nab-o luk na lak, iniye ambasap wabidnag-o luk iniye ambasap wabigit lag-o luk na lak, ap enlem oboksa ennggendumu-nen misik kek tak, misik teberak na lak, ndegel unpugwi-o luk, weserak woragwi-o luk na lag-o. Are, oboksa iri-ge Kerisut-nen yusu-o. Kerisut it oboksa inmin misiget yidnak-nen yusu-o.

YAKOBUS 2:23

Iri kwarid iri-ge, engga wene misik-nen yidnak ndak ndak tak pij-o. Engga wene iri-nen yosolar-e: ”Abaram na-ge Mbal Pem Nagawan ebem indi angin tubu yid iri bem-nen Mbal Pem Nagawan-nen at lud tak nak tak ibij-o.” Iri bem-nen Abaram na unu misik yogolar-e: ”Mbal Pem Nagawan anggam-o” yugwi-o.