OROMA 3:19 - Nanduk Ngget Tul Pidnak Wene

¹⁹ Nit nenaru yili wene-ge yu-o: Musa-nen imiri mbarak pidnak wene arem-nen yidnak wene na-ge, imiri mbarak pidnak wene wanugwi nap nenmanggim yidnak-nen yusu-o. Iri yid iri-ge ap pidsa wene onggo yigit lak makluk, nggweyak ma nap pidsa enpem Mbal Pem Nagawan-nen wene mbaruwakluk-nen yij-o.

OROMA 3:19 ပူးပေါင်းရင်းမြစ်များ

AYUP 5:16

Mbal Pem Nagawan-e enarengge lak nap enmanggim na inndi ebem mbung mbung tak wolmomtak mende wok ondoso-o. Mot mot kwarugwi buk nab-e Mbal Pem Nagawan-nen enemnde tu nggelak poso-o.

NDAWI ENGGA 107:42

Mot mot nak kwarugwi nap-nen-e iri kwat inpidnak ereba karug-e enalen kali-t nde, meya kwarugwi nab-e enemnde nggelak pusu-o.

NDAWI ENGGA 63:11

Mbal Pem Nagawan-nen yongga worosola, nagawan-e alen kasolat wolma-o. Mbal Pem Nagawan unu bem owak mbatli nab-e inndi-nen-e kek yogolat wolma-t nde, ennesiget yugwi nap enemnde-ge usurup lerak puwa-o.

YOANES 15:25

Nde, iri kwat ninpili iri-ge it-nen idnak imiri mbarak pidnak wene bem-nen yosolar-e: ’Elem lag-et nde, insili rak nibiga-o’ luk yid iri na ndak ndak tak pogolat-nen kwat ninpili-o.

YOANES 8:9

Wene na yak ondosoloma kulurug-e, it yu na mborogolar-e, inndi worak nanduk-nen nggigi nggigi, pidsa mbiriga-o. Alama-ge, Yesus min kwe mendak na min enaruk keya inpiga-o.

OROMA 1:20

Mbal Pem Nagawan-nen nggweyak yu ndak wirid kuri-nen yawo kuri-ge Mbal Pem Nagawan abage kagwi buk abage iri-ge at woralik nalik yoso amawi min abage Mbal Pem Nagawan woraso min iri-ge ab-e nam-et kagolar-e, at-nen ndak worak pidnak tengge bem-nen ap-nen-e at yenggerak kali me-ge, it innggiri worosola, it-nen-e onggo yurag-e meya-o.

OROMA 3:2

Lag-o. Iri mende-ge nggulok-nen yusu-o. Nanduk tak posolar-e, Mbal Pem Nagawan-nen-e at owene-ge Yawuri nap ininggem pij-o.

OROMA 3:23

Ap oboksa-ge meya nak kwarugwi me, kek tak woraso Mbal Pem Nagawan na imin-e mbok tak woragwi-o.

OROMA 3:4

Mondok lag-o! Ap oboksa ennesiget yugwi-t nde, Mbal Pem Nagawan-e mondok ndemeret wene nak yoso-o. Mbal Pem Nagawan engga mbarak pem-nen yosolar-e: ”Kat-nen wene yosola-ge, lud tak wene nak yij-o luk yuwag-o. Nde, kat kebem wene mbarogola-ge, kar-et ombol pem yugun-o” luk mbarij-o.

OROMA 3:9

Iri ala-ge, nit Yawuri nab-e kek tak woragola, enlem nin nab-e teberak woragwi-a? Mondok lag-o! Nde, an nanduk yak kodosolar-e, Yawuri nap na irit, enlem nin nap na irit pik paksa-ge meya yugwi elem-nen teberak unpuruk woraso-o luk yak kindigi nar-o.

1 KORINTUS 1:29

Iri bem-e, ap misiger-o luk tet Mbal Pem Nagawan imbiri bem at ondomok indi kek tak purag-e meya-o.

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.

NGGALATIA 4:21

Imiri mbarak pidnak wene urugwe nggwe wolmomtak kinndingen nab-e wene mbi an yak nerer-o: Imiri mbarak pidnak wene-nen yoso-ge kir-e kulili bug-a?

NGGALATIA 4:5

imiri mbarak pidnak wene urugwe nggwe woraidnak nap nonggo buruk weserak nunpuruk, Mbal Pem Nagawan ilirak tak nunpuwakluk ibil lobok yid irir-o.

NGGALATIA 5:18

Alat nde, Konak Indi-nen ndemel kunpuruk waring kasola-ge, kir-e imiri mbarak pidnak wene urugwe nggwe worali-ge lag-o.

1 SEMUEL 2:9

Nde, tugup lak woragwi nab-e Nagawan Indo arem yamuksa worali-o. Alat nde meya yugwi nab-e ndamuk arem yabera lak yili-o. Nggweyakma nap ondomok enmawi bem-nen-e ombol nggwe-ge yugwi bug-o.