OROMA 2:5 - Nanduk Ngget Tul Pidnak Wene

⁵ Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

OROMA 2:5 ပူးပေါင်းရင်းမြစ်များ

NDAWI ENGGA 110:5

Nagawan Indo-ge kat kinggi kigit ambigit nggwe worasu-o. At-nen nde isilepma yosola-ge, nagawan nagawan-e urugwe nggwe rak unpuwa-o.

NDAWI ENGGA 95:8

”Nanduk konmborak-nen o Meriba iri me-nen eneyanggo lak yiga iri na nggal-e kwarurak pug-o. Nembaga o Masa iri me-nen kwariga iri na nggal-e kwarurak pug-o.

MBIRIGA WENE 14:17

Nde, Mesira nap ereba-ge an-nen inndi amawi rak pumu, mondok kit Isarael nap muk kiniyil lobok yuwa-o. An-nen-e Mesira nagawan iri min at-nen idnak ap kere ereba min onnggweyak koma min ebem koreyak ereba min enambigit an namawi wal kamin-o.

MBIRIGA WENE 32:34

Kar-e mburugundik, it inmin luk o unu yak kirigi sa iri na me mbiri-o. Mborosola-ge, an-nen idnak aid nap-nen-e ndegel kuburuk mburuwa-t nde, it meya yidnak iri-ge an nen enpem wene mbarurak tarem-e awo worasu-o” luk yak tij-o.

MBIRIGA WENE 8:15

Nde, nagawan-nen yik kagaidnggal, mangge yeba na-ge wat yidnak karug-e, Nagawan Indo-nen yosolar-e: ”Musa min Arun min enne-ge no mende nggal tak puwa-o” yid iri na ndak ndag-et tuguruk indi amawi irit yij-o.

NGGOMO WENE 1:18

meya yugwi nap-nen-e it enambik enare pogolar-e, enambik ngonok yurak sabu logo pili-o.

YESKIEL 3:7

Alat nde, it enlem Isarael nap iri-nen-e kene kuluwa bug-o. An nene-t nde, kulili buk iri nar-o. It oboksa-ge wene kulugwi buk, an nimin eyak nak wurugwi-net yili-o.

NDANIEL 5:20

Alat nde, Nagawan Nebukatnesat iri na indi kek yosolat, wene koloso buk kwat yosolat, isilepma worak erengen lamburak nak kwaroso yosolat, kwarosola-ge, at-nen nagawan woraso iri na-ge lak tak ibij-o. Iri yosola-ge, at-nen nggok kek tak woraso iri na-ge lak yij-o.

OSEA 13:12

Nagawan Indo-nen yosolar-e: ”Isarael nap-nen meya kwarugwi min lugud tak kwarugwi min-e engga bem mbatluk, ndok worak pigirik worasu-o.

AMOS 3:10

Nagawan Indo-nen yosolar-e: ”It ereba-nen-e nagawan woragwi sa, it woragwi sa ereba na me-ge ap lel mberel onpogolat, insilepma bem wanidnak silobulo ereba na yebet tak pili-o. Nde, it iri-ge mondok mot mor-e kwarugwi bug-o.

OROMA 1:18

Ap-nen meya yidnak iri-nen ndowaga Mbal Pem Nagawan enaru yurak iri kabak tak pusu bem-e Mbal Pem Nagawan isilepma-ge aid arem-nen ap-nen wene kuruk tugwi min meya kwarugwi min oboksa ebem nam tak pusu-o.

OROMA 11:25

Nowe nowosi wa-e. Kit-nen-e: ”Nir-e ninndi nggat ponok tak-net yili-o” luk peragup naru-nen kit kenaru tobok-nen kura wene misik yak kendeyeg-o. Isarael nap ereb-e inndi amawi irit worakmu, enlem nin nap abu ndegera Mbal Pem Nagawan eram wok yogola-net inndi ndeyak ma-o.

OROMA 9:22

Nde, iri nggal-et Mbal Pem Nagawan-nen kwaroso-o. At isilepma-ge nam tak posolat, at amawi na mirik onposolat eyekluk yij-et nde, at isilepma rak pili nab-e lak tak enpeyekluk lid lud tak pij-et nde, it inmin-e indi luruk puruk woragaij-o.

2 KORINTUS 5:10

Lag-e lag-o. Nit oboksa-ge Kerisut-nen ap enpem wene mbareyekluk kore yurak sa iri me wok yul-o. Iri me-nen-e ap enariktak-nen unluk woragolat-nen kwarogolat woraidnak na onggo wanogolar-e, konak nak kwaridnak ala na, meya kwaridnak ala na, onggo-ge ndak ndag-et wanuwa-o.

TUGURUK YIDNAK WENE 32:34

Nde, Nagawan Indo-nen-e at ilirak unuwim nap-nen kwarugwi ereba na yebet kasolar-e, onggopurak tarem-net onggo angin worak enpem puwa-o.

2 TESALONIKA 1:5

Iri kwatli iri bem-nen Mbal Pem Nagawan-e mot mor-et ap enpem wene mbaroso-ge nam-et yenggerak kali-o. Nde, kir-e Mbal Pem Nagawan-nen tenagaidnak wi iri-nen ndowaga anggun panggun kali me-ge, kir-e Mbal Pem Nagawan-nen tenagaidnak wi winde yurag-e ndak-nen yusu-o.

IBERANI 3:13

Are, kit kennggendumu ap misiger-o luk tet meya yugwi elem-nen konmbol pem lasola, keneyanggo lak yugup naru kit na kit-nen pempa kinndi eyak wat kerak mbogolat woragolar-e, ”Yanem-er-o” luk unu yaridnak tarem worala ya-t iri nggal kwat tenak wolmer-o.

IBERANI 3:15

Mbal Pem Nagawan engga bem-nen yosolar-e: ”Kir-e yawo Mbal Pem Nagawan ene kulurug-e, kenlawingga nanduk Mbal Pem Nagawan imin eyak wutluk, eneyanggo lak yiga iri nggal kwarurak pug-o” luk yij-o.

IBERANI 4:7

Nde, Mbal Pem Nagawan-nen ”Iri tarem-o” luk yid iri-ge yawo yu min-et yij-o. Nde, iri wene-ge Mbal Pem Nagawan-nen Ndaud emendam tak pij-et nde, olengen kwarat woraruk ombol nggwe yanem abam nggwe yigi engga wene (3:15) iri arem-nen tuguruk yosolar-e: ”Kir-e yawo Mbal Pem Nagawan ene kulurug-e, keneyanggo lak yurak pug-o” luk yij-o.

YAKOBUS 5:3

Kit-nen idnak emas posid min perak posid min-e pase pij-o. Nde, pase pidnak iri-nen-e kit kenare posolat, kan-nen nok onposo nggal kunnuno nujwa-o. Kit kinsilobulo-ge i worok tak purak tarem yu ndok worogolat woraigeb-o.

2 PETERUS 2:9

Iri bem-e, Mbal Pem Nagawan-nen kwaroso nggal kwarugwi nap na it enarem woraga pil nggogola-nen inmiri yurag-e Nagawan Indo aru-o. Nde, lud tak nak kwarugwi buk nap enpem wene mbarurak tarem andi bandi rak unpuwakluk len unpurak na Nagawan Indo-ge aru-o.

2 PETERUS 3:7

yawo worasu mbal min nggweyak min-e kanduk pem-nen lak tak purag-et nde, Mbal Pem Nagawan ene nak-nen towarak worasu yu-ge meya yugwi nap enpem wene mbatluk, lak tak unpurak tarem iri-nen lak tak peyekluk towarak worasu-o.

YURAS 1:6

Wene misik yu na yebet yebet tak wolmer-o. Nde, aid nap ereb-e it inpid-nak sa-t wolmomtag-et nde, it enambik ondoro keya buruk, o nin sa mbiriga me, Mbal Pem Nagawan-nen-e pem-et wolmomtak posid kere-nen kamasa ndamuk arem inpil nggwidnak worali-o. Nde, enpem wene mbarurak Tarem nggulok wok yosola, it enpem wene mbaruwa-o.

NAM PARA WENE 2:21

Kwe iri-ge at meya kwaroso iri keya buruk, kondok makluk, mamak puruk woragi-t nde, ar-e at-nen mbabi kwaroso iri keya burak imbit ala karuk,

NAM PARA WENE 6:17

It insilepma mberak purak tarem nggulok na yawo wok yarik, it insilepma mberak pogola, ap misiger-o luk-nen it entare bem wolmomtag-e meya-o” luk yiga-o.

1 SEMUEL 6:6

Kir-e noluk-nen keneyanggo lak Mesira nagawan min Mesira woragwi nap min-nen kwariga iri na nggal kwatli-o? It iri-ge Mbal Pam Nagawan-nen lel mberel onposola karuk-nen Isaraal nab-e Mesira keya buruk mburuwakluk-nen keya inpiga iri na-ge meme rak purak pug-o.