OROMA 2:27 - Nanduk Ngget Tul Pidnak Wene

²⁷ Imiri mbarak pidnak wene engga bem mbaridnak iri-ge kit Yawuri nap-nen winde woragolat, kiniye ambasap wabidnak na woragolar-et nde, imiri mbarak pidnak wene-nen yidnak yidnak iri-ge kit-nen kuruk witli-o. Nde, it iniye ambasap wabigit lag-et nde, imiri mbarak pidnak wene-nen yidnak yidnak irit kwatli me, enlem nin nap-nen-e kit Yawuri nap kenpem wene mbaruwa-o.

OROMA 2:27 ပူးပေါင်းရင်းမြစ်များ

MATIUS 3:15

Yosoloma-ge, Yesus-nen yak tosolar-e: ”Irit nde, yawo-ge ereba mag-o. Iri nggal kwarogolar-e, Mbal Pem Nagawan indi-n pidnak obok ndak ndak pogolat-nen kwarul-o” luk yak tosoloma-ge, Yoanes na-ge at-nen yidnag-et kwarij-o.

YIDNAK YIDNAK WENE 13:22

Iri luk, Mbal Pem Nagawan-nen Saul na kona waburuk, Ndaud na it enmanggim nagawan mendak puruk, Mbal Pem Nagawan-nen Ndaud owene konggorosolar-e: ’Isai ambara Ndaud iri-ge an nindi kumburak-nen yusu-o. An nindi-n pidnak nak kwaruwa ala-nen wanigi-o’ luk yij-o.

OROMA 13:10

Nde, ap enabuwa kagolar-e, ap meya rak unpugwi bug-o. Iri bem-e nin nap enabuwa kali nab-e imiri mbarak pidnak wene oboksa-nen yidnak yidnak kwatli-o.

OROMA 2:15

It-nen kwatli iri-nen-e imiri mbarak pidnak wene na-ge it inndi arem mbarak worasu-o nam tak pusu-o. It inndi-nen peragwi iri-nen-e nin tarem-e ”Meya kwarigen-o” luk yak ondosolat, nin tarem-e ”Mot mot kwarigen-o” luk yak ondosolat yoso me, it-nen yebet kagwi inndi-nen na irit, imiri mbarak pidnak wene na it inndi arem mbarak worasu-o luk mirik unpusu-o.

OROMA 2:20

enaru buk nap mul ondogolat, li marik mul undugwi nab-e nir-er-o” luk peragwi-o. Kit-nen peragolar-e: ”Imiri mbarak pidnak wene iri bem-e inndi tenggerak elem min lud tak nak kwarugwi elem min winde-ge nit nag-o” luk perali-o.

OROMA 2:25

Kit-nen Musa-nen imiri mbarak pidnak wene-nen yidnak yidnak kwarogola-ge, kit kiniye ambasap wabili iri-ge ebe worak mende rak pili-o. Nde, kit-nen nde imiri mbarak pidnak wene-nen yidnak yidnak kuruk togola-ge, kiniye ambasap wabugwi na-ge ebe lak mende kwat yusu-o.

OROMA 2:26

Nde, iniye ambasap wabigit lak nap enlem nin nab-et nde, imiri mbarak pidnak wene-nen yidnak yidnak kwarosola-ge, Mbal Pem Nagawan-nen-e iniye ambasap wabugwi nap nggal iyujwa bug-a?

OROMA 2:29

Are, it inndi-ret Yawuri yidnak nab-e ndemeret Yawuri nap-nen yusu-o. Nde, ndemeret iniye ambasap wabidnak iri-ge Mbal Pem Nagawan Indi-nen it enarem yabu wanosola, inndi ambasap wabidnak iri-net yusu-o. Nde, iri-ge imiri mbarak pidnak wene-nen kwaridnag-e lag-o. Mbal Pem Nagawan Indi-nen kwaridnak-nen yusu-o. Iri kwat ibidnak nap erembel wanogolar-e, ki nap-nen wanuwa-ge lag-o. Mbal Pem Nagawan-net at erembel wanuwa-o.

OROMA 3:30

Nde, Mbal Pem Nagawan-e misiget nak-nen yusu me, iniye ambasap wabugwi nap na inndi angin tubu yidnak pem-net lud tak nak onposolat, iniye ambasap wabugwi buk nap na irit, it inndi angin tubu yidnak pem-net lud tak nak onposolat ma-o.

OROMA 8:4

Mbal Pem Nagawan-nen iri kwarid iri-ge nit ki nap-nen kwarugwi mende kwarigit lak, are, Mbal Pem Nagawan Indi-n pidnak nak kwarugwi nap nit-nen kwarogolat wolmakluk lud tak nak yoso imiri mbarak pidnak wene iri na nit ninndi arem kwat makluk-nen iri kwarij-o.

1 KORINTUS 7:19

Iniye ambasap wabugwi min wabugwi buk min iri-ge ija-ge lag-o. Are, Mbal Pem Nagawan-nen ”Irit kwaru-o” yidnak iri na-t yidnak yidnak kwarurak iri perak nggulog-o.

2 KORINTUS 3:6

At nak-nen nenpem tak pidnak pem-nen nir-e ngget urul pidnak wene iri na ndugurugwi nap-nen yili-o. Urul pidnak wene iri-ge engga bem mbaridnak imiri mbarak pidnak wene-nen yusu-ge lag-o. Are, Konak Indi-nen idnak-nen yusu-o. Engga bem mbaridnak imiri mbarak pidnak wene iri-ge ap worak onposo-t nde, Konak Indi-ge ap unluk tak poso-o.

NGGALATIA 5:14

Nde, imiri mbarak pidnak wene oboksa-ge wene misiget nak arem worasu-o. Wene iri-nen yosolar-e: ”Kat kambik kabuwa kasu nggal, kat kimin woragwi nap enabuwa kasolat wolmin-o” luk yij-o.

EPESUS 2:11

Kir-e kenlem nin nap nderak nanduk woraigep na yebet yebet tak wolmer-o Yawuri nap-nen kit kinmin-e ”Iniye ambasap wabugwi buk nab-o” luk yugwi-o. Nde, it ondomok inmin-e ”Niniye ambasap wabugwi nab-o” luk yili-t nde, iri-ge ap ininggi-nen enaboro mbaridnak pem nak yili-o.

2 TIMOTIUS 3:15

Kar-e la marik pem-net Mbal Pem Nagawan engga karu woraigen iri-ge mondok yeberak wolmin-o. Mbal Pem Nagawan engga-nen-e Kerisut Yesus ebem kindi angin tubu yusola, kimiri yuwakluk kat kindi nggat nggat worak tak purag-e ndag-o.

IBERANI 11:3

Nde, ninndi angin tubu yidnak pem-net mbal min nggweyak min yi mende ndi mende oboksa Mbal Pem Nagawan ene nak-nen ndak worak pij-o luk perali-o. Iri ndak worak posolar-e, nenlengen-nen kali buk mende iri bem-nen-e nenlengen-nen kali mende ndak worak pij-o.