OROMA 2:25 - Nanduk Ngget Tul Pidnak Wene

²⁵ Kit-nen Musa-nen imiri mbarak pidnak wene-nen yidnak yidnak kwarogola-ge, kit kiniye ambasap wabili iri-ge ebe worak mende rak pili-o. Nde, kit-nen nde imiri mbarak pidnak wene-nen yidnak yidnak kuruk togola-ge, kiniye ambasap wabugwi na-ge ebe lak mende kwat yusu-o.

OROMA 2:25 ပူးပေါင်းရင်းမြစ်များ

YIDNAK YIDNAK WENE 7:51

Kit kinndi tulubuk nap wa-e. Kinndi ambasap wabigit lak, keneyanggo al wabugwi buk nap kir-e noluk-nen Konak Indi ene-ge pempa kuligit lak nak yili-o? Kit kenlawingga-nen kwarogolat woraiga na nggal-et kit na iri nggal-et kwatli-o.

OROMA 2:13

Nde, imiri mbarak pidnak wene na eneyanggo kulidnak pem nak-nen ab-e lud tak nak tak onposo bug-o. Are, imiri mbarak pidnak wene-nen yidnak yidnak kwaruwa nab-et luk tak nak tak onposo-o.

OROMA 2:23

”Imiri mbarak pidnak wene winde-ge nir-o” luk kondomok ija bija yili-t nde, wene iri na kuruk togolar-e, Mbal Pem Nagawan unu mbilaro ngin tak pili-ge lag-a?

OROMA 2:26

Nde, iniye ambasap wabigit lak nap enlem nin nab-et nde, imiri mbarak pidnak wene-nen yidnak yidnak kwarosola-ge, Mbal Pem Nagawan-nen-e iniye ambasap wabugwi nap nggal iyujwa bug-a?

OROMA 2:27

Imiri mbarak pidnak wene engga bem mbaridnak iri-ge kit Yawuri nap-nen winde woragolat, kiniye ambasap wabidnak na woragolar-et nde, imiri mbarak pidnak wene-nen yidnak yidnak iri-ge kit-nen kuruk witli-o. Nde, it iniye ambasap wabigit lag-et nde, imiri mbarak pidnak wene-nen yidnak yidnak irit kwatli me, enlem nin nap-nen-e kit Yawuri nap kenpem wene mbaruwa-o.

OROMA 2:28

Nde, ndemeret Yawuri nab-e unnu nak we Yawuri nap yidnag-e lag-o. Nde, ndemeret iniye ambasap wabidnak nab-e we ndemeret enaboro nak mbaridnak nab-e lag-o.

1 KORINTUS 7:19

Iniye ambasap wabugwi min wabugwi buk min iri-ge ija-ge lag-o. Are, Mbal Pem Nagawan-nen ”Irit kwaru-o” yidnak iri na-t yidnak yidnak kwarurak iri perak nggulog-o.

NGGALATIA 6:13

Nde, it iniye ambasap wabidnak nap-nen-e imiri mbarak pidnak wene-nen yidnak yidnak nak kwarugwi-ge lag-et nde, kit kiniye ambasap waburak wene yili iri-ge we kit kenaboro mbaridnak pem it inndi kek tak puwokluk-nen yili-o.

NGGALATIA 6:15

Iniye ambasap wabidnak na irit, iniye ambasap wabigit lak na irit, iri-ge ebe lak mende-nen yusu-o. Alat nde, nenpage ngget mende kwat yidnak iri perak nde nggulok-nen yusu-o.

TUGURUK YIDNAK WENE 30:6

Kit min kit-nen wigarak min-e kinndi-ge yidnak yidnak nak kwarugwi inndi wok kunduwama, kir-e Nagawan Indo Kenmbal Pem Nagawan mondok kinndi min-et abuwa kwarat kagolat, o iri me pem-et woragub-o.