OROMA 2:21 - Nanduk Ngget Tul Pidnak Wene

²¹ Nde, kit-nen-e nin nap mul indili-t nde, kit kondomog-o mul korali bug-a? Kit-nen nin nap nggomo ondogolar-e: ”Yariya wanurak pug-o” luk yak indili-t nde, kir-e yariya wanili bug-a?

OROMA 2:21 ပူးပေါင်းရင်းမြစ်များ

YESAYA 42:20

Isarael wa-e. Kar-e kwarat kasu-t nde, kwara-ge lombot pusu bug-o. Kat keyanggo-ge kuwarag-et nde, kar-e kwara kulusu bug-o” luk yij-o.

MIKA 3:11

O siri ereba tena woragwi nap-nen-e o tenakolar-e, uang lesa wanurak pem nak o tena worali-o. Nde, tepan ombo-nen Nagawan Indo-nen imiri mbarak pidnak ereba na ap mul indili-ge onggo wanurak pem nak mul indili-o. Nde, Mbal Pem Nagawan ene lomboksa yugwi nap-nen Nagawan Indo-nen mirik unpuwakluk nggi yili-ge uang lesa wanurak pem nak nggi yili-o. Nde, it oboksa-nen iri nggal kwarogolar-e, it inndi-nen yebet kagolar-e: ”Nagawan Indo-ge nit nennggendumu worasu-o” luk yebet karug-e, it-nen yogolar-e: ”Nagawan Indo-ge nit ninmin worasu-o. Nde, iri ala-ge, nit nenpem-e lak tak onposo mende-ge mbuma bug-o” luk yili-o.

MATIUS 21:13

it yak ondosolar-e: ”Mbal Pem Nagawan engga mbarak pem-nen wene yu mbarak worasu-o: ’An nama iri imin-e tepan yugwi ma-o luk yuwa-o’ luk yij-et nde, kit-nen-e o ma yu-ge yariya wanugwi nap ondoro nggal tak pili-o” luk yak indij-o.

LUKAS 11:46

Yosoloma-ge, Yesus-nen yosolar-e: ”Imiri mbarak pidnak wene mul undugwi nap wa-e. Kit na irit kenpem mbuma bem-e kenabuwa-o! Kit-nen-e angin worak mende-t nde, ’Kwarurag-o’ luk ap enpem pili-t nde, it-nen kwaruwakluk marig-et ter-o luk yongga indili bug-o.

LUKAS 12:47

Nde, ndegel oboso nab-e at eid indi-n pidnak iri aru-net nde, lid lud tak pigit lak, eid iri na indi-n pidnak kwarusu buk nab-e nggambu andi kwarat kujwa-o.

LUKAS 19:22

Yosoloma-ge, eid na-nen at yak tosolar-e: ’Ndegel noboso nap meya yu-ge wa-e. Kat-nen yigen iri ndak ndag-et kebem wene mbarimin-o. An-e nindi amawi me, an-nen pigit lag-et nde wanosolat, an-nen yakit lak sa-t nde mbarosolat yoso iri-ge kar-e karu nar-o.

LUKAS 4:23

Yogolikma-ge, Yesus-nen it yak ondosolar-e: ”Kit-nen-e nden karuk wene yu yak nurugub-o luk nindi yebet kasu-o: ’Ndoktet wa-e. Kat kondomok-net ki yi-o’ luk yak norogolat, ’Kaperenaum-nen kwiye worak mende kwarigen kobok kulige na-ge kat kelem ma yu me-nen na kwari-o’ luk yak norogolat yugub-o” luk yak indij-o.

1 KORINTUS 9:27

An-nen aid wene-ge nin nap yak indidnag-et nde, an mbo nubuwa naru, an nebe tebesa wolmaklug-e, an na an-net wat korasu-o.

NGGALATIA 6:13

Nde, it iniye ambasap wabidnak nap-nen-e imiri mbarak pidnak wene-nen yidnak yidnak nak kwarugwi-ge lag-et nde, kit kiniye ambasap waburak wene yili iri-ge we kit kenaboro mbaridnak pem it inndi kek tak puwokluk-nen yili-o.