OROMA 2:1 - Nanduk Ngget Tul Pidnak Wene

¹ Nanggamirak wa-e. Kit na meya kwarugwi-t nde, kir-e ta nggal-nen nin nap enpem nde wene mbatli-o? Nde, kir-e nin nap enpem wene mbatli-t nde, it-nen kwarugwi mende iri-ge kit-nen na kwarugwi me, kit na kit-net kenambikpebe kenpem wene mbatli irir-o.

OROMA 2:1 ပူးပေါင်းရင်းမြစ်များ

LUKAS 12:14

Yosoloma-ge, Yesus-nen at yak tosolar-e: ”Nab-o. Kit kenmberek kenpem wene mbarosolat, kit kinmining angge iri tembet kondosolat makluk, ta-nen mendak nibij-o?” luk yij-o.

LUKAS 19:22

Yosoloma-ge, eid na-nen at yak tosolar-e: ’Ndegel noboso nap meya yu-ge wa-e. Kat-nen yigen iri ndak ndag-et kebem wene mbarimin-o. An-e nindi amawi me, an-nen pigit lag-et nde wanosolat, an-nen yakit lak sa-t nde mbarosolat yoso iri-ge kar-e karu nar-o.

LUKAS 6:37

Yuruk, at-nen yosolar-e: ”Mbal Pem Nagawan-e kit kenpem wene mbaruwa naru, kit-nen ap enpem wene mbarurak pug-o. Nde, Mbal Pem Nagawan-nen kit meya yidnak onggo kenpem puwa naru, kit-nen na it nin meya yidnak onggo enpem purak pug-o. Mbal Pem Nagawan-nen kit meya yidnak amberam tak puwakluk, kit-nen na nin nap meya yidnak kenmberam tak per-o.

OROMA 14:22

Kat-nen konag-o luk peraso mende iri-ge kat kondomok kamanggim Mbal Pem Nagawan imbiri bem nak kwarosolat wolmin-o. Nde, at-nen konag-et kwarusu-o luk kwaridnak pem at na at ondomok ebem wene mbaroso buk nab-e alen min-et worasu-o.

OROMA 2:2

Iri mende kwarogolat woragwi nap enpem wene mbarosolar-e, Mbal Pem Nagawan-nen lud tak wene nak mbarusu-o luk, nit nenaru yili-o.

OROMA 2:3

Alat nde, nanggamirak kir-e nin nap enpem wene mbarogolat-net nde, kit-nen na meya mende iri nggal kwarugwi me, Mbal Pem Nagawan-nen-e kit kenpem wene mbaruwa bug-o luk perali-a?

OROMA 3:9

Iri ala-ge, nit Yawuri nab-e kek tak woragola, enlem nin nab-e teberak woragwi-a? Mondok lag-o! Nde, an nanduk yak kodosolar-e, Yawuri nap na irit, enlem nin nap na irit pik paksa-ge meya yugwi elem-nen teberak unpuruk woraso-o luk yak kindigi nar-o.

OROMA 9:20

Alat nde, naptak wa-e. Kir-e Mbal Pem Nagawan imin eyak wururag-e ndag-a? Nde, nggweyak yimbe-nen at ndak worak ibid nap na yak tosolar-e: ”Kar-e noluk-nen yu nggal ndak wat nibigen-o?” luk yak turag-e ndag-a?

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

1 KORINTUS 7:16

Kun worak kwe wa-e. Kat kun iri kat-nen imiri yugun, lak? Nde, ogwe worak nap wa-e. Kat kogwe iri kat-nen imiri yugun, lak?

YAKOBUS 2:20

Kar-e wid indi worak-nen yusu-o! Inndi angin tubu yogolar-et nde, ininggi-nen kwarugwi mende kwarigit lak iri-ge ebe lak mende-nen yusu-o luk mirik kuburak kindingen-a?

YAKOBUS 4:11

Nanggamirak wa-e. Kit na kit-net nobokpe kobokpe yurak pug-o. Ta-nen nde anggam obok posolat, anggam ebem wene mbarosolat yoso ala-ge, at iri-nen-e imiri mbarak pidnak wene na meya rak posolat, imiri mbarak pidnak wene iri na ebem wene mbaroso nap-nen yusu-o. Alat nde, kar-e imiri mbarak pidnak wene iri na ebem wene mbaroso ala-ge, kar-e imiri mbarak pidnak wene-nen yidnak yidnak kwaroso nab-e lag-o. Are, imiri mbarak pidnak wene iri na ebem wene mbaroso nap-nen yusu-o.