OROMA 16:26 - Nanduk Ngget Tul Pidnak Wene

²⁶ Nde, yawo-nen-e pem-et woraso Mbal Pem Nagawan-nen-e ”iri nggal mag-o” yidnak pem yi nap ndi nap oboksa-nen enaru luk inndi angin tubu yogolat, at-nen yidnak yidnak nak kwarogolat makluk-ge, Mbal Pem Nagawan ene lomboksa yugwi nap-nen mbaridnak engga bem-nen-e kura yidnak wene iri-ge nam tak pili-o.

OROMA 16:26 ပူးပေါင်းရင်းမြစ်များ

NDAK WIRIDNAK WENE 21:33

Iri luk, Mbereseba iri me Abarakam-nen e tamariska misik yagurug-e, iri na me-ge Abarakam na-ge pem-et woraso Mbal Pem Nagawan, Nagawan Indo erembel wanosolat woragij-o.

YESAYA 40:28

Kar-e wene yu-ge karu buk, kuligit lak woraso-a? Nagawan Indo iri-ge pem woraso Mbal Pem Nagawan o yu ndak worak pid iri na-net yusu-o. Ar-e ababok lak yosolat, amawi lak yosolat mondok yoso buk-nen yusu-o. At-nen yebet kaso-ge ap-nen yebet kudtag-e meya-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

MIKA 5:2

Iri kwarak me, Nagawan Indo-nen-e at ilirag-e keya nak unpuwama, it unuwim nap-nen tebel unpuruk irit worakmu, amawi worak nap iri na ija kwat mag-o luk lenak pidnak iri na-nen-e amawi worak nap iri na ndet ubuwama, at elem nap mbo inpidnak sa worali ereba na-ge it enlem ereba na inmin tuguruk misiget tak unpuwa-o.

MARAKUS 16:15

Met unpuruk, Yesus-nen it yak ondosolar-e: ”Kir-e yi wi ndi wi ap pidsa aid wene yak indil mberer-o.

YIDNAK YIDNAK WENE 10:43

Mbal Pem Nagawan ene lomboksa yugwi nap pidsa-nen at owene yogolar-e: ’At ebem indi angin tubu yuwa nab-e at unu bem it meya yogolat woraidnag-e ambaram tak puruk, urugom tak unpuwa-o’ yiga-o” luk yij-o.

YIDNAK YIDNAK WENE 6:7

Nde, Mbal Pem Nagawan-nen yidnak wene iri-ge wigak yosolar-e, o Yerusalem-nen aid wene wanidnak nab-e misik nambek misik nambek irit kwarat yogolat, tepan omborak kwarat-nen na inndi Yesus ebem angin tubu yogolat kwariga-o.

OROMA 1:2

Aid wene iri-ge Mbal Pem Nagawan-net obi-net urul paga Mbal Pem Nagawan ene lomboksa yugwi nap enpem posola, it-nen konak engga bem mbariga-o.

OROMA 1:20

Mbal Pem Nagawan-nen nggweyak yu ndak wirid kuri-nen yawo kuri-ge Mbal Pem Nagawan abage kagwi buk abage iri-ge at woralik nalik yoso amawi min abage Mbal Pem Nagawan woraso min iri-ge ab-e nam-et kagolar-e, at-nen ndak worak pidnak tengge bem-nen ap-nen-e at yenggerak kali me-ge, it innggiri worosola, it-nen-e onggo yurag-e meya-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 15:18

An-e kwiye lag-et wene yusu yu-ge, yu bem-nen yusu-o. Kerisut an narem worala-nen-e enlem nin nap iri-nen Mbal Pem Nagawan-nen yidnak yidnak kwarugwi nap makluk, nene bem-nen na, kwaroso bem-nen na,

OROMA 15:4

Mbal Pem Nagawan engga bem-nen-e ninndi luruk purak min ninndi tugup lak tak purak min mul nondosola, Mbal Pem Nagawan ebem ninndi mbung mbung tak wolmakluk mul nundusu me, Mbal Pem Nagawan engga bem mbaridnak wene pidsa nit mul nundurak pem mbariga-o.

OROMA 3:21

Alat nde, Mbal Pem Nagawan-nen ap lud tak nak onposo wene yawo nam tak pid iri-ge imiri mbarak pidnak wene-nen-e nam tak pigit lag-o. Alat nde, Musa-nen imiri mbarak pidnak wene min Mbal Pem Nagawan ene lomboksa yugwi nap min-nen iri kwaroso wene yak nondogolar-e:

NGGALATIA 3:8

Enlem nin nab-e inndi angin tubu yidnak pem-net Mbal Pem Nagawan-nen lud tak nak unpurak wene na awo ma-net aru luk, Mbal Pem Nagawan-nen at engga bem mbarosolar-e, aid wene-ge Abaram yak tosolar-e: ”Kat kebem-net yi nap ndi nap enlem pidsa-ge imbiringgat tak unpuwa-o” luk yak tij-o.

EPESUS 1:9

Mbal Pem Nagawan-nen at indi-n pidnak kura wene nit mirik nonposolar-e, ar-e Kerisut ebem-nen ”Irit timin-o” luk nanduk-net lud tak pidnak kura wene iri-ge nam tak puruk mirik ninpij-o.

EPESUS 2:20

O ugwi wirik inpidnak nap min Mbal Pem Nagawan ene lomboksa yugwi nap min enpem-nen wiridnak nab-e kit-nen yili-o. Nde, o paro pidnak iri-ge Kerisut Yesus-net yusu-o.

TUGURUK YIDNAK WENE 33:27

Mbal Pem Nagawan-e pem kit nggetlel kunpuruk woraso-nen yusu-o. Pem woraso erabit pem kit yogo kunpuruk worasu-o. At-nen kunuwim nap kenndam-nen maga wirik onposolar-e, ”Mondok lak tak enper-o” yak kindij-o.

KOLOSE 1:26

Nde, at-nen idnak kura wene iri-ge obi-net ineid onmbo ereba-n waruk la nderak pem lud ereba woragolar-e, kura woragaij-et nde, yawo-nen-e nam tak paga at winde nap yak undusu-o.

1 TIMOTIUS 1:17

Woralik nalik yoso Nagawan, lak yoso buk Nagawan, ap-nen kagwi buk, misig-et nak woraso Mbal Pem Nagawan iri nak erembel wanogolat, unu kek tak pogolat pem-et woralik nalik mag-o. Amen.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

2 TIMOTIUS 1:10

Alat nde, at-nen we wok ondoso elem iri-ge Ninmiri Yoso Nap Kerisut Yesus na lobok yid iri-nen nam tak pij-o. Nde, Kerisut-nen-e wat yugwi elem na lak tak puruk, aid wene bem-nen unlug-et woralik nalik momtak elem na nam tak pij-o.

IBERANI 13:8

Yesus Kerisut-e tono-n na irit, yawo-n na irit, abok woralik nalik worasolat-nen na irit, nin yoso buk, iri na-t woraso-nen yusu-o.

IBERANI 9:14

Kerisut eyabi-nen-e terak minik irit kwat nonposo-o. Nde, Kerisut-nen at ondomok indi wesera Mbal Pem Nagawan amanggim posolar-e, mondok iminep mbarak mende pid iri-ge urug-et pem-et woralik nalik woraso Konak Indi bem-net pij-o. At eyabi-nen-e nir-e ebe lak mende kwarugwi ninndi iri na mat nunpuruk, nir-e uruk nak woraso Mbal Pem Nagawan na ndegel tenak wolmakluk, marak nunpurag-e ndag-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

NAM PARA WENE 1:17

Nde, an-nen at yik kaginggal-e, ap wat yidnak nggal luk, at eralu mbud yigi-o. Alat nde, at-nen at inggi kigit nggwe-nen an tena nuburuk, yak norosolar-e: ”Kwiye kasu meyog-o! An-e tel koroso min woroksiyem min-nen yusu-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.