Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




OROMA 16:21 - Nanduk Ngget Tul Pidnak Wene

21 At totno yabu misiget erep wanugwi nap Timotius min an nelem nap Lukius min Yason min Sosipatet min-nen ”Wiwa-o” luk yak kindili-o.

အခန်းကိုကြည့်ပါ။ ကော်ပီ




OROMA 16:21
24 ပူးပေါင်းရင်းမြစ်များ  

Antiokia-nen-e lambuk tak inpidnak nap ennggendumu-ge Mbal Pem Nagawan ene lomboksa yugwi nap min ap mirik unpugwi nap min woraiga-o. Iri yidnak nap unu-ge Mbaranabas min Simeon na unu misig-e Niget min Koreni nap unu-ge Lukius min Manaen min Saulus min irit woraiga-o. Nde, Menaen iri-ge Nagawan Erores eid-nen nggwel pidnak nap irit woragaij-o.


Iri yogola-ge, enggamirak tak inpidnak nap-nen Paulus na yi koma eyak pem nggwe ndaget nak wirik piga-t nde, Silas min Timotius min na-ge Mberea-t woraiga-o.


Alat nde, Yawuri nab-e enlengen ale lug-e, onggo wanugwi sa-nen we nak woragwi meya nap kwarat ndok worak unpuruk, o iri na me laga mbaga rak pogolar-e, inni enne rak piga-o. Iri kwarogolar-e, Paulus min Silas min-e ap Yason ama worali-o luk, ap kwarat endam inpil lobok yuwog-o peragolug-e, Yason uwi na mijaruwokluk yiga-o.


Nde, Silas min Timotius min-e Makeronia-nen wok yogola-ge, Paulus na-ge pempa aid wene yik tenak woralat-nen Yawuri nap yak ondosolar-e: ”Yesus iri-ge Mesias-nen yusu-o” luk kenggera yak ondosolat woragaij-o.


Nde, at yongga tugwi nap mberen, Timotius min Erastus min Makeronia nanduk wirik inpij-o. Alat nde, at ariget nak siyak Asia iri me woragaij-o.


Mberea nap Sopater, Pirus ambara min Tesalonika nap mberen Aristarakus min Sekunduk min Nderebe nap Nggayus min Timotius min Asia nap mberen Tikikus min Teropimus min Paulus na imin mbiriga-o.


An nelem nap Erorion min Narikitus ama woragwi Nagawan Indo ene wanidnak nap min inmin-e ”Wa yak kindij-o” luk yak undurag-o.


An nelem nap an totno o kubu me ninpil nggwidnak nap Andoronikus min Yunias min inmin-e ”Wa yak kindij-o” luk yak undurag-o. Mberen nap iri-ge wirik inpidnak nap ennggenggerak-nen unnu kek tak pidnak nap-nen yili-o. An-e awo Kerisut ebem nindi angin tubu yigit lak ma-net it nanduk inndi angin tubu yidnag-o.


An nelem nap iri enabuwa-nen it enmanggim-e an-nen perasolar-e: ”An-e imbiri lamut tak nuburuk, Kerisut eram-nen arik tak nebeleb-o!” luk peraso-o.


Mbal Pem Nagawan indi-n pidnak pem Kerisut Yesus-nen idnak wirik nibidnak nap an Paulus min nennggam Timotius min-nen-e Mbal Pem Nagawan-nen idnak lambuk tak inpidnak nap Korintus woragwi kit kenmanggim na, Akaya uwi oboksa woragwi marak nap kit pidsa kenmanggim na, engga yu mbatli-o.


Nde, Mbal Pem Nagawan Ambara Yesus Kerisut na owene kit kennggendumu-ge Silwanus-nen na, Timotius-nen na, an-nen na yak kindi-ge owene iri-ge ”Ob-o, Lag-o” yoso-nen yusu-ge lag-o. Are, at ebem-e ”Ob-o” iri nak worasu-o.


Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.


Mbal Pem Nagawan indi-n pidnak pem Kerisut Yesus-nen wirik nibidnak nap an Paulus min nonowot Timotius min nit-nen


I Paulus min Silwanus min Timotius min-nen-e Tesalonika woragwi lambuk tak inpidnak Nineid Mbal Pem Nagawan min Nagawan Indo Yesus Kerisut min-nen idnak nap kit kenmanggim engga yu mbatli-o. Mbal Pem Nagawan-nen we wok ondoso elem min lambuk tak woragwi elem min kit kinmin wolmag-o.


nit nonowot Timotius, nit totno Mbal Pem Nagawan eyabu wanogolar-e, Kerisut-nen yidnak aid wene yak ondoso nap iri-ge wirik ubuwog-o” luk yige-o. Nde, wirik uburak yige iri-ge, kit kinndi angin tubu yidnak na kwara uwi yabosolat, nggomo kondosolat,


Nde, yawo Timotius na-ge kit kendam-nen tuguruk nit nendam lobok yarik, kit kinndi angin tubu yidnak wene nde, kit-nen nit nenabuwa kali wene nde, konak wene irit waruk lobok yij-o. At-nen yak nondosolar-e: ”It iri-ge pempa kit yebet keneyagolar-e, enalen min-et yebet keneyali-o. Nde, kit-nen it iniyudtak perali nggal, it-nen na irit kit kiniyudtak perali-o” luk yak nindij-o.


Nit Paulus min Silwanus min Timotius min-nen-e Tesalonika woragwi lambuk tak inpidnak nap, Nineid Mbal Pem Nagawan min Nagawan Indo Yesus Kerisut min-nen idnak nap kit kenmanggim engga yu mbatli-o.


kat kindi angin tubu yidnak pem ndemeret an nambara kwat yidnak Timotius kamanggim engga yu mbarusu-o. Nde, Nineid Mbal Pem Nagawan min Nenagawan Indo Kerisut Yesus min-nen we wok ondoso elem min ap unpud kagwi elem min yamuksa woragwi elem min-e kimi wolmag-o.


Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.


Timotius wa-e. Kat kebem pidnak mende iri-ge kwara parugu wolmin-o. Nde, ebe lak wene min Mbal Pem Nagawan indi-n peraso buk wene min enaru yugwi mende-o luk yidnag-et nde, iri wene lit lit eyak wat kerak mbugwi wene min erep tenagurak pug-o.


kabuwa worak nambara Timotius kamanggim mbarusu-o. Nineid Mbal Pem Nagawan min nit Nenagawan Indo Kerisut Yesus min-nen-e we wok ondoso elem min ap unpud kagwi elem min yamuksa woragwi elem min wok kuruwag-o.


Nit nennggam Timotius na-ge o kubu me ibil nggwiga na-ge yawo weserak ibiga-o luk kenaru yobokluk-nen yak kundusu-o. Nde, at nde an worasu sa lobok yosola-ge, an-e kit kendam lobok yosolar-e, imin lobok yimin-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ