OROMA 16:18 - Nanduk Ngget Tul Pidnak Wene

¹⁸ Iri nggal kwarugwi nab-e Nenagawan Indo Kerisut na ndegel ibili-ge lag-o. Are, it ondomok ukwe mende na lesa wanuwokluk-nen yili-o. Nde, iri kwarogolar-e, enaru buk woragwi nap na onmbol pem lagolat, enne amburu bem inndi wanili-o.

OROMA 16:18 ပူးပေါင်းရင်းမြစ်များ

2 SEMUEL 15:6

Nde, ap Isarael nap-nen wene worala konurak Nagawan Ndaut eram lobok yogola-ge, Apsalom-nen-e it oboksa iri nggal kwat onposolar-e, inndi wanosolat woragij-o.

NDAWI ENGGA 119:130

Kat-nen mul ondoso wene ereba nde ”Iri nggal-o” luk, engen wanogola-ge, ap inndi yaya rak posolat, enaru buk nap na yebet kudtak inndi tenggerak posolat yusu-o.

NDAWI ENGGA 19:7

Nagawan Indo-nen idnak imiri mbarak pidnak wene iri-ge inndi uruk tak poso iminep mbarak-nen yusu-o. Nagawan Indo-nen ”Irit kwarurag-o” yidnak wene iri-ge ndemerer-o luk ebem inndi wat tak pugwi-nen yusu-o. Inndi lak ala, inndi nggat nggat worak tak poso-nen yusu-o.

NGGOMO WENE 22:3

Inndi worak nap-nen-e lak tak unpurak mende enpem mburak nde karug-e, mondok inggi mbal koragwi-o. Alat nde, ap wid-nen-e kagit ereba-t mburukmu, lak tak onposo mende-ge enpem mboso-o.

NGGOMO WENE 8:5

Inndi tenggerak elem tena woragwi buk nab-e inndi tenggerak woragwi elem-e kenaru yer-o. Kit wid kinndi worak nab-e kwara yebet karuk-nen kenaru mer-o.

YEREMIA 23:17

Nde, it ereba-nen ap an nene kulurak insili yili nap yak ondogolar-e: ’Kir-e konak irit woragub-o’ luk yak ondogolat, nde, ap wene kulugwi buk ereba na yak ondogolar-e: ’Kir-e lak tak kunpurak mende-ge kenpem mbuma bug-o’ luk yak indili-o” luk yij-o.

MIKA 3:5

Ennesiget Mbal Pem Nagawan ene lomboksa yugwi nap ereba-ge onggo wok ondogola-ge, ”Kir-e yamuksa woragub-o” luk wene yak ondogolat, nde, onggo wok indigit lak nab-e inmin sirid mbarogolat ereba kwat onpogolar-e, an nelem nap enmberam lali-o. Ennesiget Mbal Pem Nagawan ene lomboksa yugwi nap ereba nggal ereba na Nagawan Indo-nen yak ondogolar-e:

MALEAKI 1:10

Nagawan Indo Mondok Amawi worak iri na-nen yosolar-e: ”Kir-e wewesa an namanggim wam wosa kan pugwi ondoro iri na me-ge kan amare rak perenak woragup naru, an nuwi iri-ge mondok tu lerak puruk keya burag-e mondok konag-o. An-e kit yik kiniyudtak na mondok nisili-o. Kit-nen an namanggim pili mende na wanurag-e mondok nisili-o.

MATIUS 24:11

Nde, enesiget Mbal Pem Nagawan ene lomboksa yugwi nap kwarat men yogolar-e, ap kwarat onmbol pem lujwa-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

MATIUS 6:24

”Ap misik-nen-e eidtak mberentak ndegel unpugwi bug-o. Nde, iri kwarogolar-e, eid misik iri na isili rak posolat, misik iri na abuwa kujwa nde ma-o. Are, misik iri na kwara ndegel obosolat, nde, misik na kwara ndegel ibigit lak yosolat ma-o. Iri nggal, kit-nen na Mbal Pem Nagawan min nggweyak ma mende mberen ndugururag-e meyar-o.

MATIUS 7:15

”Enesiget wene owak ngara yugwi nap iri enabiyem-o luk kwil kwalsa wolmer-o. It iri na kit kendamlobok yogolar-e, enpage-ge lomba wam abage nggal lobok yuwa-t nde, it enarem-e ndemeret isilepma worak ndakngge-net yili-o.

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

OROMA 14:18

Nde, iri nggal kwasa Kerisut ndegel ubusu nab-e Mbal Pem Nagawan indi alen tak posolat, ap erep-nen na at kek tak ibili-o.

OROMA 16:19

Kir-e Mbal Pem Nagawan-nen yidnak wene-nen yidnak yidnak nak kwatli wene-ge ap oboksa-nen kuliga-o. Kit-nen iri kwatli iri bem an-e nalen kasu-o. Konak kwarurak pem-e kinndi nggat nggat worak woragolat, nde, meya kwarurak pem-e kenaru buk wid nggal wolmomtak iri-ge nindingen-o.

2 KORINTUS 11:3

Alat nde, waro indi nggat nggat worak iri bem-nen Awa na ombol pem lagaid nggal, iri nggal kit kinndi kabak tak pogola, kir-e kinndi misiget nak luk Kerisut ariget abuwa kali iri keya bugup naru numud kwarat kasu-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

NGGALATIA 1:10

Wene yu yak kundusu yu-ge, ki nap enalen tak peyekluk-nen yusu-a? Lag-o. Mbal Pem Nagawan alen tak peyekluk-nen yusu-o. Are, ki nap-nen inndingen tak nubuwak tu kore yusu-a? Ki nap-nen inndingen tak nubuwakluk kwariginggal-e, an-e Kerisut ndegel oboso nap yelep pug-o.

PILIPI 2:21

It ereb-e inndi-ge it ondomok-nen kwarurak nak nggok tak pogolar-e, Yesus Kerisut owene-ge marik tak pili-o.

PILIPI 3:19

It iri-ge worok tak posolat tarem-e lag-et ma-o. Mbal Pem Nagawan ondolma-ge it unluk amanggim nggok tak pili-o. It-nen-e innggiri kagwi mende irit kek tak pili-o. Nde, ir-e nggweyak ma mende nak yebet yebet tak woragwi-o.

KOLOSE 2:4

Iri ala, ap misiger-o luk tet-nen konak wene yak kondosolat konmbol pem lujwa naru-nen an-e wene yu yak kundusu-o.

KOLOSE 3:24

Nde, Nagawan Indo-nen onggo wok kondosolar-e, at elem nap enmanggim pidnak na kit na wok kundurag-e kenaru nar-o. Nde, kir-e Nagawan Indo Kerisut nak ndegel ibili-o.

2 TESALONIKA 2:10

meya nak kwarugwi mende bem lak tak unpurak nap onmbol pem lasolat ma-o. Nde, it lak tak unpuwa iri-ge, it-nen-e it inmiri yurak ndemeret wene iri na insili rak puruk, wanigit lak yidnak pem-nen kwat unpuwa-o.

1 TIMOTIUS 6:5

yebet kagwi mende lak yidnak nap min ndemeret wene kabak tak pidnak nap min-nen pempa kundugu neyak puk keyak puk tenak worali-o. It-nen peragolar-e, aid wene iri bem-e silobulo terak lesa wanugwi-o luk perali-o.

YAKOBUS 1:1

Mbal Pem Nagawan min Nagawan Indo Yesus Kerisut min ndegel onposo nap Yakobus an-nen kit Yawuri nap kenlem duabelas ap ennggendumu nat karuk worali na wiwa-o yak kundusu-o.

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.

YURAS 1:1

Yesus Kerisut ndegel oboso nap, Yakobus owot Yuras an-nen-e Nineid Mbal Pem Nagawan ebem-nen kenabuwa worak nap, Yesus Kerisut amanggim ndegel konposolar-e, Mbal Pem Nagawan-nen wene mbo kinpid nap kit kenmanggim engga yu mbarusu-o.

YURAS 1:12

Kir-e kenggamirak inmin kondogolat-nen nunggwi mende nggok saguruk nonggola tarem it inmin nonggola-ge, it iri-ge innggiri lak kasa kasa nili iri-ge kik tak konpogolat, it ondomok nak nggok tak pili-o. Nde, obube-nen puk kaso nggan nggan-et nde, talme waruk lobok yoso buk nggan nggan nggal, e engen poso tarem-et nde, engen poso buk e nggal, elem konak pidnak ma mondok umbuk yidnak e nggal-et it-nen yili-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.

NAM PARA WENE 1:1

Engga yu arem-e Yesus Kerisut-nen abok-nen kwat momtak mende nam tak pidnak wene mbarak worasu-o. Nde, yanem-et kwat ma mende iri-ge Mbal Pem Nagawan-nen at ndegel ubugwi nap mirik unpuwakluk, Kerisut wok tij-o. Nde, Kerisut-nen-e kwat ma mende iri na-ge at ndegel oboso nap Yoanes na mirik ubuwaklug-e, at-nen idnak aid nab-e Yoanes eram ibil lobok yij-o.

1 SEMUEL 2:29

Iri yidnag-et nde, noluk-nen kar-e an nelem nap-nen an namanggim wam wosa pidnak ereba na yik karug-e, kebem-e lasu bug-o? Noluk-nen Eli kar-e an kek tak nuburak iri na keya buruk, kambararak nde kek tak onposolat, an nilirak-nen namanggim wosa pidnak ereba na oboksa-ge an-e abok tak nuburuk, uno konak ereba na-ge it enmanggim nak wanuwakluk kar-e larok nak yusu-o?