OROMA 16:17 - Nanduk Ngget Tul Pidnak Wene

¹⁷ Nowe nowosi wa-e. Ap kuri worak onpogolat, inndi angin tubu yidnak lak tak pogolat, mirik kinpidnak wene owak na kuruk togolat kwarugwi nap enabiyem-o luk kir-e kwil kwalsa wolmer-o luk an-e kiri keresa kenmengen mbarusu-o.

OROMA 16:17 ပူးပေါင်းရင်းမြစ်များ

MATIUS 18:17

Alat nde, at-nen nde it iri na enne na kuligit lak ala-ge, wene iri-ge lambuk tak inpidnak nap inmbiri bem-net yurag-o. Yukmu nde, at-nen-e lambuk tak inpidnak nap na enne na kuligit lag-et ala-ge, at iri na-ge Mbal Pem Nagawan aru buk nap nggal, pemerinta enmanggim tol ndok woroso nap nggal irit yik kagolat wolmomtag-o.

MATIUS 18:7

Nggweyak ma yu me-nen ap meya makluk enarem woraga pil nggoso mende nin tak nan tak worasu me, enabuwa-o. Iri mende-ge mondok wolma-t nde, enarem woraga pil ngguwa nab-e abuwa-o.

MATIUS 7:15

”Enesiget wene owak ngara yugwi nap iri enabiyem-o luk kwil kwalsa wolmer-o. It iri na kit kendamlobok yogolar-e, enpage-ge lomba wam abage nggal lobok yuwa-t nde, it enarem-e ndemeret isilepma worak ndakngge-net yili-o.

LUKAS 17:1

Yesus-nen at owosirak yak ondosolar-e: ”Meya yuwakluk ap enarem woraga pil nggurak mende lak ma-ge lag-o. Irit pempa kwarogolat wolma-o. Alat nde, nin nap meya rak inpili nap enpem mbuma mende bem enabuwa-o!

YIDNAK YIDNAK WENE 15:24

Nit-nen kologolar-e, nit nennggendumu-nen mbiridnak nap ereb-e nit-nen ’Wene iri yer-o’ luk yak indigit lag-et nde, it inndi-n pidnak pem nak yak kondogolar-e, nari wari rak konpogolat, kinndi mberen tak pili wene kulige-o.

1 KORINTUS 11:18

Nanduk tak posolar-e, kir-e lambuk tak kinpidnak nap nggal ndok witli-t nde, kuri worak nggal-et worali-o yogola konpok kuligirik me, iri yidnak wene ereb-e ndemerer-o luk an-e perasu-o.

1 KORINTUS 3:3

Kir-e nggweyak ma nap enpage worak me, yawo na irit kir-e tara nunggwi mende norag-e awo worali-o. Iri bem-nen kit kennggendumu-ge kit na kit-net kenlengen ale yogolat, kuri wat kerak mbogolat yugwi me, kir-e nggweyak ma nab-et woragolat, nggweyak ma nap-nen kwarugwi irit kwatli iri-ge kali bug-a?

NGGALATIA 2:4

Alat nde, ennesiget yogolar-e nir-e konowe konowot-nen yili-o luk, nit ninmin lambuksa wene mbariga nap erep-nen-e at iye ambasap waburak yiga-o. It iri na-ge mbik mbok lobok yigarik, nendam ngguruk, nir-e Kerisut Yesus ebem-nen weserak woragwi na mbenat nunpuwokluk nggwigarig-e, teberak nunpuwokluk yiga-o.

PILIPI 3:17

Nowe nowosi wa-e. Kit pidsa-ge an-nen kwaroso nggal-et kwarogolat wolmer-o. Kit na iri nggal-et kwarobokluk, nit-nen kwarogolat woragwi iri nggal kwatli nab-e kwara lombot pogolat wolmer-o.

KOLOSE 2:8

Iri ala-ge, ap-nen kinndi wanogolar-e, ki nap enaru yidnak wene bem-nen na, ebe lak mende onmbol pem lagwi wene, ki nap-nen mul undugwi wene lom nde nggweyak ma yu tena woraso indi-nen yidnak wene bem-nen na ming kunpuwa naru, kwara-t wolmer-o. Wene iri-ge Kerisut-nen yidnag-e lag-o.

2 TESALONIKA 3:6

Nennggamirak wa-e. Nennggamirak perari worak nap min nit-nen kit yak kindidnak wene iri na-nen yidnak yidnak kwarugwi buk nap min it endam-nen nuruksa wolmer-o luk, nir-e Nagawan Indo Yesus Kerisut unu bem-et kiri keresa yak kindili-o.

1 TIMOTIUS 1:3

Nde, an-e Makeronia nggwe mbereyekluk yosolar-e, ”Kar-e mondok Epesus wolmin-o” luk yak kirigi nar-o. Nde, Epesus woralar-e, iri me-nen ap kabak tak unpugwi wene mul indili nap ereba na inmin-e ”Wene iri yurak pug-o” luk met unpurag-o.

2 TIMOTIUS 3:5

Enaboro nak-nen aid wene wanili-t nde, aid wene amawi-ge it enarem nggurag-e insili ma-o. Iri nggal kwarugwi nab-e kombol wok indi-o.

TITUS 3:10

Ap mbi-nen ndowaga lambuk tak inpidnak nap ennggendumu kuri wat onposo nap iri mberen pem-et nggomo wurugun-et nde, kuligit lak ala-ge, at imin-e are kundurak pug-o.

1 YOANES 2:19

Kerisut imin sirid nap iri-ge nit ninmin woragwi na-t nde, ndemeret ninmin kundigit lak me, keya nunpuruk mbiridnak nap-net yili-o. It nde nit ninmin kundik nap nggal-nen-e ndemeret nit ninmin woraleb-o. It iri-ge ap misiger-o luk tet nit nab-e lag-o luk yenggerak puwakluk, nit keya nunpuruk mbiriga-o.

YURAS 1:19

It iri-ge, Konak Indi it enarem lak me, it enaboro-nen ukwe ukwe yugwi mende nak kwarugwi bem-e ap kuri worak unpugwi-o.