OROMA 15:7 - Nanduk Ngget Tul Pidnak Wene

⁷ Iri bem-e, Mbal Pem Nagawan unu kek tak puwakluk, Kerisut-nen kit wok kinpid nggal-et kit na kit-net wok kerak mber-o.

OROMA 15:7 ပူးပေါင်းရင်းမြစ်များ

MATIUS 10:40

”Ta-nen nde kit wok kunpusu nab-e an-et wok nubusu-o. Nde, an wok nubusu nab-e an wirik nibil lobok yid nap na-t wok ubusu-o.

MARAKUS 9:37

”Ta-nen nde la marik yu nggal yu an nunu bem wok obosolar-e, iri-ge an-et wok nubusu-o. Nde, ta-nen nde an wok nobosolat ala-ge, an nak wok nubusu-ge lag-o. Are, an wirik nibil lobok yid nap Mbal Pem Nagawan iri na-t wok ubusu-o” luk yak indij-o.

LUKAS 15:2

Iri ala-ge, Parisi nap min imiri mbarak pidnak wene enaru nap min-nen at obok pogolar-e: ”At yu-ge meya yugwi nap imin tak unpuruk, inmin mburu nasu yu nde ker-o” luk yiga-o.

LUKAS 9:48

it yak ondosolar-e: ”An nunu bem la marik yu wanuwa nab-e an irit wok nubusu-o. Nde, an wok nubusu nab-e an wirik nibil lobok yidnak nap irit wanusu-o. Kit kennggenggerak marik worasu nap iri-ge nggulok-nen yusu-o” luk yij-o.

YOANES 13:34

An-nen-e imiri mbarak pidnak wene ngget yu wok kundusu-o: Nabuwa kabuwa nak kagolat wolmer-o. An-nen kit kenabuwa kaso nggal kit-nen na nabuwa kabuwa irit kagolat wolmer-o.

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

OROMA 15:9

Nde, Mbal Pem Nagawan-nen it unpud kaidnak pem Yesus-nen-e enlem nin nap min-et Mbal Pem Nagawan kek tak ubugwi rak inpij-o. Mbal Pem Nagawan engga bem-nen yosolar-e: ”Iri bem-e, enlem nin nap ennggendumu-nen an-e kat kerembel wanosolat, ndawi bem kat kunu kek tak posolat woramin-o” luk yij-o.

OROMA 5:2

Nit ninndi angin tubu yidnak pem nir-e Mbal Pem Nagawan-nen idnak we wok ondoso elem pem worali-o. ”Mbal Pem Nagawan unu kek tak pogola, at ondok yul-o” luk iri kwarurak pem ninndi mbung mbung tak woragolar-e, nenalen kali-o.

EPESUS 1:12

Len ninpid iri-ge awo ma-net ninndi Kerisut ebem mbung mbung tak woraige nap nir-e Mbal Pem Nagawan unu kek tak pogolar-e, at erembel wanugwi rak ninpij-o.

EPESUS 1:18

An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,

KOLOSE 3:13

Kit na kit-net kennggam imin mamak puruk woragolat, kit meya rak kinpidnak mbi worala-ge, ”Wiwa-o” luk yak kerak mbogolar-e, lak tak pogolat wolmer-o. Nagawan Indo-nen kit meya yidnak amberam tak pid nggal, kit-nen na iri nggal-et nin nap-nen meya rak kinpidnak mondok kenmberam tak per-o.