OROMA 15:6 - Nanduk Ngget Tul Pidnak Wene

⁶ Yongga kondosola-ge, kir-e kinndi min kenne min misiget nak woragolar-e, kit pidsa Nenagawan Indo Yesus Kerisut Eid Mbal Pem Nagawan nak erembel wanogolat worabog-o.

OROMA 15:6 ပူးပေါင်းရင်းမြစ်များ

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

YIDNAK YIDNAK WENE 4:24

Yak ondogolikma-ge, it kuluruk yigarik, it inndi misiget luk, Mbal Pem Nagawan eram tepan yogolar-e: ”Nagawan Indo wa-e. Mbal min nggweyak min yi koma min arem worasu mende pidsa-ge kat nak-nen ndak wirigen-o.

YIDNAK YIDNAK WENE 4:32

It inndi Yesus ebem angin tubu yidnak nap pidsa-ge inndi misiget luk lambuksa woragolar-e, insilobulo-ge enariktak-nen-e ”Yu-ge an narengge-o” luk yigir-e lak. Are, ”Nit nenarengge-o” luk insilobulo-ge lambuksa irit winde woraiga-o.

2 KORINTUS 1:3

Nenagawan Indo Yesus Kerisut eid Mbal Pem Nagawan iri-ge, ap unpud kaso Nineid pem ap inndi yangonoso elem-e Mbal Pem Nagawan at nak erembel wanuwog-o.

2 KORINTUS 11:31

An-nen yusu wene yu-ge nenesiget yusu-ge lag-o. Nagawan Indo Yesus Eid Mbal Pem Nagawan-e aru-o. At unu-ge kek tak irit woralik nalik wolmag-o.

EPESUS 1:17

”Konak Indi wok indi-o” luk Nenagawan Indo Yesus Kerisut Eid unu kek tak woraso Mbal Pem Nagawan na emengen mbaroso iri-ge, Konak Indi iri-nen-e kinndi nggat nggat elem wok kondosolat, Mbal Pem Nagawan kenaru yoboknen nam yaga mirik konposolat ma-o.

EPESUS 1:3

Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.

KOLOSE 1:3

Nir-e pempa kit kenmanggim tepan yogolar-e, nit Nenagawan Indo Yesus Kerisut Eid Mbal Pem Nagawan imin-e wa-o luk pempa yak tili-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

NAM PARA WENE 1:6

at Eid Mbal Pem Nagawan eyabu wanuwakluk, tepan ombo rak nonposolar-e, nagawan tak ninpij-o. Yesus Kerisut iri-ge kek tak, amawi worak pem-et woralik nalik irit wolma-o! Amen.