OROMA 15:4 - Nanduk Ngget Tul Pidnak Wene

⁴ Mbal Pem Nagawan engga bem-nen-e ninndi luruk purak min ninndi tugup lak tak purak min mul nondosola, Mbal Pem Nagawan ebem ninndi mbung mbung tak wolmakluk mul nundusu me, Mbal Pem Nagawan engga bem mbaridnak wene pidsa nit mul nundurak pem mbariga-o.

OROMA 15:4 ပူးပေါင်းရင်းမြစ်များ

NDAWI ENGGA 102:18

Ap abok ndesa mbuwa-nen karuk, at erembel wanuwakluk, Nagawan Indo-nen kwaroso-ge ap abok wolma enmanggim engga bem mbarer-o.

ABAKUK 2:2

Nde, Nagawan Indo-nen onggo-ge yu nggal yak nirij-o: ”An-nen kat kimbiri bem nam tak pimin mende-ge ap-nen ndag-et nak wonaruwakluk, kat-nen mimi nggweyak-nen konidnak mbarugwi kerep iri na bem mbari-o.

OROMA 12:12

Kenalin kenalen pem-et kinndi-ge at ebem mbung mbung tak wolmer-o. Anggun panggun kenpem mbosola-t nde, kinndi luruk puruk, tepan nak kundugu yogolat wolmer-o.

1 KORINTUS 10:11

It enpem mbidnak mende pidsa iri-ge nit na ”Iri nggal kwat nunpuwa-o” luk nit ninndi wanuwakluk-nen wene engga bem mbarak pid irir-o. Worok tak purak tarem nit worali nenmanggim.

1 TESALONIKA 1:3

Nineid Mbal Pem Nagawan imbiri bem nit-nen yebet keneyagolar-e, kit kinndi angin tubu yidnak pem-nen kwarogolat woragwi nde, ap enabuwa kagolat-nen yabu kenmawi min-et wanugwi nde, Nenagawan Indo Yesus Kerisut ebem kinndi mbung mbung tak pigeb-e mondok tugup lak worali nde, iri mende yebet yebet tak worali-o.

1 PETERUS 1:13

Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.