OROMA 15:26 - Nanduk Ngget Tul Pidnak Wene

²⁶ Nde, lambuk tak inpidnak nap Makeronia woragwi min Akaya woragwi min-nen-e Yerusalem woragwi Mbal Pem Nagawan-nen len inpidnak nap ennggendumu insilobulo lak nap iri na yongga undurak uwang ndok wurul-o luk inndi misiget luk, wene mbariga-o.

OROMA 15:26 ပူးပေါင်းရင်းမြစ်များ

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

MATIUS 26:11

Insilobulo lak nab-e pem-et kit kinmin wolma-t nde, an-e kinmin pempa woramin pug-o.

LUKAS 14:13

Iri bem-e, kat-nen nunggwi mende saburug-e, insilobulo lak nap min unuwok kago worak min kambung puk tak woragwi min enlengen ngguru min yonggo unpugun ala-ge,

LUKAS 6:20

Iri lug-e, Yesus na at owosirak yik eneyasolat-nen yosolar-e: ”Kinsilobulo lak nap wa-e. Mbal Pem Nagawan-nen tenagaidnak wi iri-ge kit winde me, kir-e kenalen ker-o!

YIDNAK YIDNAK WENE 16:12

Iri me-nen Oroma nap-nen tenagaidnak wi Pilipi wok yige-o. Nde, Makeronia nggweyak pem o siri nggulog-e Pilipi irir-o. Nir-e o iri me woragolar-e, siyak woraige-o.

YIDNAK YIDNAK WENE 16:9

Nde, Paulus-nen kubu nggwe nabi nggal kasolar-e, Makeronia nap misik men luk, at emengen mbarosolar-e: ”Makeronia yu me yongga nindil ndil sug-o” luk yak tij-o.

YIDNAK YIDNAK WENE 18:12

Alat nde, ap Nggalio na-ge nagawan men luk Akaya nggweyak tena worala-ge, it Yawuri nap men yogolar-e, Paulus wuruwokluk wene mbenarugwi sa ibil lobok yogolat-nen

YIDNAK YIDNAK WENE 19:21

Iri rak purug-e, Paulus indi-nen konosolar-e, Makeronia wok Akaya wok lug-e, Yerusalem wok yil mbirimin-o peragaij-o. Perasoluk, at-nen yosolar-e: ”Iri me wok lug-e, Oroma min-et mondok kamin-er-o” luk yij-o.

YIDNAK YIDNAK WENE 9:13

Yak tosoloma-ge, Ananias-nen wene erep nggarosolar-e: ”Nagawan Indo wa-e. Marak nap Yerusalem woragwi nap meya rak onposo wene-ge ap kwarat-nen obok yogola koloso-o.

1 KORINTUS 16:15

Nenggamirak wa-e. Wene misik kenpem peyeg-o. Sepanus ogwela inmin-e kir-e kenaru-o. O Nggerika-nen it nanduk-net aid wene wanigarik, korak inpidnak nab-e it-net kwara ndegel onpogolat worali-o.

1 KORINTUS 16:5

Nde, an-e Makeronia nandug-et mbururak peragirik me, an-e Makeronia wi nggwe-nen-e kit kendam lobok yimin-o.

2 KORINTUS 1:16

Perasolar-e, kit kendam wok luk, iri me-nen-e Makeronia wok luk, nde iri me-nen-e kit kendam tuguruk wok luk, kit-nen-e Yurea nggwe ndimirik nubugub-o luk peragi-o.

2 KORINTUS 11:9

Nde, an kit kinmin woralat norol lak woralar-e, ap misiget ter-o luk kenpem tol nggi yigit lag-o. An-nen ukwe yidnak mende oboksa-ge nenggamirak Makeronia-nen lobok yidnak nap iri-nen wok niriga-o. Kit kenpem angin pimin naru, yi mende ndi mende bem an nindi-n luruk puruk worakmu, nde, abok na iri nggal-et kwarosolat woramin-o.

2 KORINTUS 2:13

Alat nde, nenggam Titus iri na kagit lak me, an nindi mondok kabak alar-e, o iri nap na an-e mburusu-o yak unduruk, Makeronia mbirigi-o.

2 KORINTUS 7:5

Nde, Makeronia wok luk ombol nggwe-nen-e nir-e nenaboro yamuksa woragit lag-o. Nin me, nin me na nir-e anggun panggun nak kagolar-e, ap erep inmin ngguno nak pogolat, nenarem-nen-e kwiye kagolat woraige-o.

2 KORINTUS 9:12

Kit-nen lubug-et timbitli iri-ge marak nap inndi kabak yidnak mende na ndak tak unpurak pem nag-e lag-o. Are, Mbal Pem Nagawan wa yak togolar-e, mondok kwarat wiwa-o yak turak amanggim min-er-o.

2 KORINTUS 9:2

It yongga undurak pem kit kenalen yili iri-ge naru me, an-e Makeronia nap inmbiri bem kit kentembel wanosolar-e: ”Akaya nap iri-ge olengen nanduk woraige bem-net yongga undurak lid lud tak puruk woraiga-o” luk yak ondosolakmu-ge, kit kenmawi kwindigep iri na karuk, ap kwarat inndi te rak pigeb-o.

2 KORINTUS 9:4

Kit lid lud tak pigit lak worakmu-ge, Makeronia nap nde an nimin lobok yelep nggal-e, nir-e kit kentembel kwarat wanugwi me, nit ninnggiri kwarat kagolat, kit na kinnggiri kagolat yeleb-o.

PILIPI 4:15

Nde, kit Pilipi nab-e wene yu perak kenaru nar-o. An-e Makeronia-nen mborosolar-e, mondog-et aid wene tomboroso tel korosola-ge, lambuk tak inpidnak nap o misiger-o luk tet-nen uwang an wok nirigit lag-et nde, kit nak-nen perak nde yongga nirigeb-o.

1 TESALONIKA 1:7

Iri kwarigep pem-e Makeronia min Akaya min woragwi inndi angin tubu yidnak nap-nen-e kit kenpage iri nggal waniga-o.

1 TESALONIKA 1:8

Nagawan Indo owene-ge kit kendam-nen wigak yosolar-e, Makeronia min Akaya min nak mbirigir-e lag-o. Are, Mbal Pem Nagawan ebem kinndi angin tubu yidnak wene-ge yi wi ndi wi wigak yij-o. Iri bem-e, nit-nen wene mbi yurag-e lag-o.

1 TESALONIKA 4:10

Nde, kit-nen-e nabuwa kabuwa yugwi elem-e Makeronia woragwi nennggamirak oboksa inmin ndemeret kwatli-t nde, nennggamirak wa-e. Iri bem-e, it-nen kwatli iri-ge mondok kwara kwarogolat wolmer-o luk kenmengen mbatli-o.

1 TIMOTIUS 1:3

Nde, an-e Makeronia nggwe mbereyekluk yosolar-e, ”Kar-e mondok Epesus wolmin-o” luk yak kirigi nar-o. Nde, Epesus woralar-e, iri me-nen ap kabak tak unpugwi wene mul indili nap ereba na inmin-e ”Wene iri yurak pug-o” luk met unpurag-o.

PILEMON 1:5

Nde, iri yoso iri-ge kat-nen marak nap oboksa enabuwa kasolat, Nagawan Indo Yesus ebem kindi angin tubu yosolat yoso iri-nen yoso-o.