OROMA 15:2 - Nanduk Ngget Tul Pidnak Wene

² Are, nenggamirak na kwara inndi angin tubu maklug-e, nit nondomok tak-nen it enalen tak purak mende-t kwaruwog-o.

OROMA 15:2 ပူးပေါင်းရင်းမြစ်များ

OROMA 14:19

Iri bem-e nit-nen pempa kwarurag-e, lambuk tak onposo mende min ninndi uwi yak kerak mburak mende min kwaruwog-o.

1 KORINTUS 10:23

”Yi mende ndi mende pidsa nalma-nen yusu-o” yili-t nde, iri kwarurak mende ereb-e terak lesa wok nunduwa-ge lag-o. ”Yi mende ndi mende pidsa nalma-nen yusu-o” luk yili-t nde, yi mende ndi mende iri-nen yongga nunduwa bug-o.

1 KORINTUS 10:24

Ap misik-nen at ondomok amanggim nak ndugururak pug-o. Are, ap erep enmanggim-et ndugururag-o.

1 KORINTUS 10:33

An-nen kwaroso nggal irit kwarogolat wolmer-o. An-nen yi mende ndi mende pidsa bem ap oboksa enalen tak posolar-e, it pidsa inmiri yaga wok unduwakluk, an nondomok namanggim-e lag-o. Are, it enmanggim-et kwaroso-o.

1 KORINTUS 13:5

Ap enabuwa kagwi-ge kwarugwi buk mende na kwaroso buk, ondomok amanggim arengge na kore yoso buk, ndaget isilepma yoso bug-o. Ap enabuwa kagwi-nen-e at lel ibidnak na nggotloso bug-o.

1 KORINTUS 14:26

Nanggamirak wa-e. Ngge yosolat-nen yigi kali? Kir-e ndok wutluk, kenariktag-et kwarogolar-e, misig-e ndawi yogolat, nin-e mul ondogolat, misig-e Mbal Pem Nagawan-nen kura bidnak wene nam tak pogolat, nin-e nin wene nan wene bem yogolat mer-o. Alat nde, iri kwarogolar-e, ap inndi mendak purak pem kwarogolat wolmer-o.

1 KORINTUS 14:3

Alat nde, ap mbi-nen Mbal Pem Nagawan-nen yidnak wene lomboksa yosolar-e, ab-et yak undusu me, mendak onposolat, nggomo ondosolat, inndi yangonosolat yusu-o.

2 KORINTUS 12:19

Kit-nen nenperagolar-e: ”It iri-ge nit ninmbiri bem-e it enambikpebe lud tak nak kwarugwi nab-o luk yuwakluk engga iri mbatli-o” luk nenperali-t nde, iri-ge lag-o. Nir-e Mbal Pem Nagawan imbiri bem-et Kerisut ebem ala wene yu yili-o. Nennggamirak kenabuwa worak wa-e. Nit-nen kwatli mende oboksa-ge kit kinndi angin tubu yidnak iri mendak pogolat-nen kwatli-o.

2 KORINTUS 13:9

Nir-e ndeyag-et nde, kit kenmawi ala karuk, nit nenalin nenalen kali-o. Nde, kir-e iminep mbal yobok-nen nir-e kenmanggim tepan yili-o.

EPESUS 4:12

Iri rak inpid iri-ge, marak nap oboksa-ge aid wene na ndegel puwakluk, Kerisut ebe na o wiridnak nggal wuruwakluk, lid lud tak onposolat-nen yij-o.

EPESUS 4:29

Kit kenmende nggwe-nen meya wene wirik purak pug-o. Are, it-nen kuluruk, inndi yek tak purak wene nak yogola-ge, kit-nen yidnak wene kuluwa nap iri-ge inmbiringgat tak pugub-o.