OROMA 15:19 - Nanduk Ngget Tul Pidnak Wene

¹⁹ kwaril nosolar-e, yenggerak purak mende amawi min kwiye worak mende amawi bem-nen na iri pidsa Konak Indi amawi bem-nen kwaril nigi-o. Iri nggal kwaril nosolar-e, o Yerusalem-nen Kerisut-nen idnak aid wene na-ge kwara timbiril timbiril Ilirikum kuri pigi-o.

OROMA 15:19 ပူးပေါင်းရင်းမြစ်များ

MATIUS 12:28

Alat nde, an nde Mbal Pem Nagawan Indi amawi bem-nen kugi wirik pusu ala-ge, Mbal Pem Nagawan-nen tenagaidnak wi-ge kit kendam lobok yarik worasu-o.

YOANES 4:48

Yosoloma-ge, Yesus-nen at yak tosolar-e: ”Kit-nen nde kagwi buk mende min kwiye worak mende min kagit lak-nen-e kinndi-ge an nebem angin tubu yugup pug-o” luk yak tij-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 13:14

Alat nde, ir-e Perega-nen mborogolar-e, o Pisiria-nen Antiokia wi wok yiga-o. Wok lug-e, we woragwi tarem-e ir-e tepan yugwi ma nggwigarik kore yiga-o.

YIDNAK YIDNAK WENE 13:51

Langgara wirik onpogola-ge, it unuwok liri na-ge it endam pil karuk mborogolar-e, Ikonium mbiriga-o.

YIDNAK YIDNAK WENE 14:10

ene ngguloksa-t yak tosolar-e: ”Kat kijok-net wurungsa men yi-o” luk yak tosoloma-ge, ap iri-ge wurungsa men lug-e, lobok lik mbitlik kwarij-o.

YIDNAK YIDNAK WENE 14:20

Alat nde, Yesus ene wanugwi nap iri na at eralu lop lop worak worakmu-ge, at na menluk, tuguruk o siri iri na me nggwij-o. Nene luk kub-e, Mbaranabas imin luk o Nderebe mbiriga-o.

YIDNAK YIDNAK WENE 14:25

Aid wene-ge Perega-nen yuruk, Atalia mbiga-o.

YIDNAK YIDNAK WENE 14:6

Wene mbariga iri na enaru lug-e, wirik inpidnak nap mberen na-ge kwiye mborogolar-e, o Likaonia nggweyak pem o siri Listera min Nderebe min o siri ereya inggi inggi ereba nggwe mbiriga-o.

YIDNAK YIDNAK WENE 15:12

Yak ondosoloma-ge, ereba ndok wiridnak nap pidsa ene lak nak woragolar-e, Mbal Pem Nagawan-e Mbaranabas min Paulus min inmin woralat, enlem nin nap ennggendumu-nen kagwi buk mende min kwiye worak mende min kwaril niga na kenggera yak ondogola-ge, kolak woraiga-o.

YIDNAK YIDNAK WENE 16:18

Iri nggal kwarosolar-e, kwarat tarem nggal nene yij-o. Alama, Paulus na puk momtag-e meya alama-ge, nden karuk, kugi na yak tosolar-e: ”Yesus Kerisut unu bem kwe yu arem-nen mbiri-o” luk yak tosola ereya na-net kugi na-ge kwe na arem-nen mbirij-o.

YIDNAK YIDNAK WENE 17:10

Nde, o ndamuk yosola ereya na-net ennggamirak tak inpidnak nap iri me woragwi-nen Paulus min Silas min-e Mberea wirik inpiga-o. Iri me wok lug-e, it-nen-e Yawuri nap-nen tepan yugwi ma nggwiga-o.

YIDNAK YIDNAK WENE 17:15

Nde, Paulus na imin mbiriga nab-e at ndemera Atena ibiga-o. Uburuk, it na mborogola-ge, ”Silas min Timotius min na ndaget nak an neram lobok yuwag-o” luk Paulus-nen wene wosa enpem posoloma, unuwok lem mbiriga-o.

YIDNAK YIDNAK WENE 18:1

Iri rak purug-e, Paulus na-ge Atena keya buruk, Korintus mbirij-o.

YIDNAK YIDNAK WENE 18:19

Iri rak purug-e, it na-ge Epesus wok lug-e, it mberen na iri me keya unpuruk, at Paulus ariget nak Yawuri nap-nen tepan yugwi ma nggwarik, Yawuri nap inmin wene yosolat woragaij-o.

YIDNAK YIDNAK WENE 19:1

Apolos-e Korintus worala-ge, Paulus-e o siri anggul nggwe ereba waring kil kil-e Epesus wok yij-o. Iri me-ge Yesus ene wanugwi nap erep inmin lambuk lug-e,

YIDNAK YIDNAK WENE 20:20

Nde, kit konak tak kunpurak mende mbi larok yigit lak yigi-o. Are, ap inmbiri bem-nen na, kit kenma ya nggwilik waring kasolat-nen na nggomo kondosolat, mul kondosolat woragi-o.

YIDNAK YIDNAK WENE 20:6

Alat nde, Oroti Lomboroso Mende Pigit lak Woraga Nunggwi tarem woraruk ombol nggwe-ge nir-e Pilipi-nen e koma arem mborogolar-e, lima nene lug-e, it endam Teroas wok yigerik, iri me-ge tuju nene yige-o.

OROMA 15:13

Ap inndi ebem mbung mbung tak wolmomtak elem-e Mbal Pem Nagawan-nen yusu-o. Kit kinndi-ge at ebem angin tubu yidnak me, at-nen-e enalin enalen kagwi elem min lambuksa woragwi elem min kobong tak kunpuwag-o. Iri ala, Konak Indi amawi bem-e kit kwara Mbal Pem Nagawan ebem kinndi mbung mbung tak worabokluk kobong tak kunpuwag-o.

OROMA 15:16

Enlem nin nap ndegel unpuwakluk, Mbal Pem Nagawan-nen Kerisut Yesus ndegel oboso nap kwarak nibij-o. Nde, an-e tepan ombo nggal yosolar-e, enlem nin nab-e wam eyuruk Mbal Pem Nagawan amanggim pidnak nggal makluk, Mbal Pem Nagawan indingen kaso mende pidnak nggal Konak Indi-nen Mbal Pem Nagawan amanggim len inpidnak makluk, an-e Mbal Pem Nagawan-nen idnak aid wene ap yak indil nusu-o.

OROMA 15:24

an-e Spaniol mborosolar-e, kit kenma nggwe wok yimin-o. Wok yosolar-e, kit kinmin lambuk luk, totno nenalen min yek ngek mbul-o. Mburug-e, an Spaniol nggwe mborosola, ndimirik nibil-et mburugub-o luk perasu-o.

1 KORINTUS 2:4

An-nen yoso wene min an-nen tomboroso aid wene min-e ap inndi tenggerak pem inndi lunugwi wene bem-nen yigi-ge lag-o. Alat nde, Konak Indi amawi-nen mirik onposo bem-nen yak kindigi-o.

2 KORINTUS 12:12

Wirik ibidnak nap-nen yusu-o luk yenggerak nuburak mende oboksa-ge kit kennggendumu-nen nindi mamak puruk kwarosolar-e, yenggerak purak mende min kagwi buk mende min kwiye worak mende min kwarosolat woragi-o.

NGGALATIA 3:5

Mbal Pem Nagawan-nen-e Konak Indi we wok kondosolat, kit kennggendumu-nen kwiye worak mende kwarusu iri-ge, kir-e imiri mbarak pidnak wene-nen yidnak yidnak nak kwarogola-nen iri kwarusu, lak? Are, kir-e aid wene kuluruk, iri bem kinndi angin tubu yigep pem-nen kwarusu-a?

KOLOSE 1:25

Kit konak tak kunpurak pem Mbal Pem Nagawan-nen an nebem eyabu posolar-e, lambuk tak inpidnak nap ndegel onposo nap tak nibij-o. Nde, an neyabu-ge at-nen yidnak wene ndegera ap yak undurak iri-net yusu-o.

1 TESALONIKA 1:5

Nde, nit-nen-e aid wene kit kendam waruk lobok yige iri-ge, we nenne nak-nen yak kindigit lag-o. Are, Konak Indi amawi bem-nen na ”Yu-ge ndemeret wene-net yusu-o” luk, mondok nenaru yidnak pem-nen na yak kindige nar-o. Nde, kit kenmanggim ala, nir-e kit kennggendumu woragolat-nen yabu wanige na-ge kenaru nar-o.

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.

IBERANI 2:4

Iri kwarogola ereya na-net it-nen kinggiridnak wene lomboksa Mbal Pem Nagawan-nen na kenggera yak nondosolar-e, yenggerak purak mende kwatlik, kwiye worak mende kwatlik, kagwi buk mende kwarat kwatlik kwarosolar-e, at indi-n pidnak pem-net Konak Indi-nen we wok ondoso mende na tembesa wok ondoso-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.