OROMA 15:15 - Nanduk Ngget Tul Pidnak Wene

¹⁵ Alat nde, Mbal Pem Nagawan-nen yabu yu wanurak nebem pidnak me, yu wene-ge ”Yu nggal-o. Iri nggal-o” luk kwiye lag-et engga yu bem yeberak kunpusu-o.

OROMA 15:15 ပူးပေါင်းရင်းမြစ်များ

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 12:3

Nde, Mbal Pem Nagawan-nen we wok ondoso elem wok nirid iri na bem-nen kit oboksa nggomo kindimin-o. Woragwi ndak ndak kek yurak na keya buruk, kit na kit-net terak mena kek yurak pug-o. Are, kat woraso kabage na yebet karuk, kinndi tebe luk, kit kondomok tak-nen Mbal Pem Nagawan-nen kinndi angin tubu yugwi mende wok kindidnak na ndak ndag-et ”An-e iri nggal worasu-o” luk yebet ker-o.

OROMA 12:6

Mbal Pem Nagawan-nen we wok ondoso mende nenarik tak nin tak nan tak wok nindid iri-ge at-nen nit nunpud kaso bem-net wok nindid mende iri na-ge nir-e iri na bem-nen yabu wanogolat wolmomtag-o. We wok ondoso mende aid wene yurak wok tidnak nap-nen-e at indi angin tubu yidnak ndak ndag-et yosolat wolmag-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

1 KORINTUS 3:10

Mbal Pem Nagawan-nen we wok ondoso elem iri wok niridnak pem-e o kona woroso aru nap-nen woroso nggal an-nen-e o paro pigi-o. Nde, o paro pigi na bem-e ap misik-nen o wurusu-o. Alat nde, o enarik tak worogolar-e, indi lid puruk-net o wuruwag-o.

NGGALATIA 2:9

Iri ala-ge, it-nen-e Mbal Pem Nagawan-nen we wok ondoso mende an wok niridnak na karug-e, ap sarok Yakobus min Peterus min Yoanes min-nen-e an min Mbaranabas min nininggi tena buruk, wa yak kerak mbogolar-e, nit ninndi misiget yogolar-e, yu nggal yige-o: Nit nenmbereg-e enlem nin nap endam mborogolat, nde, ir-e Yawuri nap endam mborogolat mul-o luk yige-o.

1 TIMOTIUS 4:6

Kat-nen nde wene yu pidsa nennggamirak mul ondosola-ge, Kerisut Yesus ndegel oboso nap konak irit kwat yugun-o. Kwat yosolar-e, ninndi angin tubu yidnak elem iri-nen na, kat-nen yawo woralat langgal luk mburusu wene owak iri-nen na kat kindi umut nduruwa-o.

2 TIMOTIUS 1:6

Iri bem-e, an ninggi tena kobosola, Mbal Pem Nagawan-nen we wok ondoso wok kirid iri na uruk tak ponokluk yeberak kubusu-o.

2 TIMOTIUS 2:14

Wene yu-ge kweyap yeberak inpi-o. Mbal Pem Nagawan imbiri bem-et kene amawi min-et yak ondosolar-e: ”Yi wene ndi wene bem-e ngguno purak pug-o” luk yak indi-o. Iri kwarugwi iri-ge ebe lak wene kulili nap iri na inndi kabak tak unpurak wene-nen yusu-o.

TITUS 3:1

Kat-nen nggomo ondoso nap na yeberak onposolar-e: ”Nggweyak tena woragwi nagawan min pemerinta nap min-nen yidnak wene kuluruk, it-nen yidnak yidnak nak kwarogolar-e, yi mende ndi mende konak nak kwarurak pem-e lid lud tak puruk wolmer-o.

IBERANI 13:22

Nanggamirak wa-e. An-e kit kinndi eyak worosolat mbarigi wene yu-ge kenalen min-et wanobokluk-nen yak kundusu-o. Nde, engga mbarigi yu-ge mor-e lak, we poro-t mbal kindigi-o.

1 PETERUS 5:12

An engga poro-t kenmanggim mbarigi yu-ge an-nen eberasolat mot mor-et yoso nonowot Silas-nen yongga norosola, mbarigi-o. ”Wene yu-ge ndemeret Mbal Pem Nagawan-e we wok ondoso elem-nen yusu-o” luk kinndi embem tak posolat-nen engga yu mbarusu-o. Mbal Pem Nagawan we wok ondoso pem-et tugup lak mendak wolmer-o.

2 PETERUS 3:15

Nenagawan Indo-nen mamak puruk worasu iri-ge nit ninmiri yuwakluk-nen kwarusu-o luk yebet ker-o. Nit nanggam abuwa worak Paulus-nen na wene iri nggal-et kit kenmanggim mbarid iri-ge Mbal Pem Nagawan-nen we wok tidnak indi nggat nggat iri na bem-net mbarij-o.

1 YOANES 5:13

Mbal Pem Nagawan Ambara unu bem kinndi angin tubu yigep napnen-e nir-e nunlug-et woralik nalik momtak elem irit winde yige-o luk kenaru yobokluk-nen engga yu mbal kundusu-o.