OROMA 15:1 - Nanduk Ngget Tul Pidnak Wene

¹ Nit kwara ninndi angin tubu yidnak worali nap-nen-e kwara yebet kagit lak nap-nen kwiye kali mende min nir-e kwara kwaluk kwaluk wolmomtag-o. Nit nondomok nenalen kudtak pem nak kwarurag-e meya-o.

OROMA 15:1 ပူးပေါင်းရင်းမြစ်များ

OROMA 14:1

Kwara indi angin tubu yigit lak nap iri-ge kit-nen konag-et wok obogolar-e, at indi-n peraso iri na bem wene namawi kamawi yurak pug-o.

OROMA 14:2

Ap erep-nen peragolar-e, nunggwi mende pidsa norak nak perali-t nde, ap erep kwara inndi angin tubu yigit lak nap-nen-e we mburu mburungga nak norak perali-o.

OROMA 4:20

Mbal Pem Nagawan-nen urul paga yak tidnak na-ge ar-e indi mberen yigit lak, indi angin tubu yidnak wat tak irit worasolar-e, at indi angin tubu yidnak pem amawi rak obosola-ge, Mbal Pem Nagawan erembel wanosolat woragaij-o.

1 KORINTUS 4:10

Kerisut ebem-e nir-e wid alat nde, kir-e Kerisut ebem-e kinndi tenggerak worali-o! Nir-e ndeyag-et nde, kir-e kenmawi kwarar-o! Nir-e mbilaro ngin worali-t nde, kir-e kunnu kek tak irit worali-o!

1 KORINTUS 9:22

It ndeyak nap wok enpeyekluk, it ennggendumu woralar-e, an-e ndeyak nap nggal kwat yoso-o. It erep inmiri yeklug-e, an-e ap pidsa-nen kwarugwi nggal yi kwarugwi ndi kwarugwi pidsa kwarukmu-o.

2 KORINTUS 12:10

Kerisut ebem-nen ndeyak yosolat na, andi bandi rak nobogola na, anggun worak mende nebem mbosola na, lel mberel nobogola na, siri mbosolat na, an-e nalen kaso-o. Nde, an ndeyak yosola, ereya na-net namawi yoso-o.

EPESUS 6:10

Worok tak posolar-e, Nagawan Indo ebem woragolar-e, at amawi kwarat iri bem kenarong worak irit wolmer-o.

PILIPI 2:4

Kit kenmanggim nak nggok tak pili-ge meyog-o. Are, nin nap enmanggim irit nggok tak purag-o.

1 TESALONIKA 5:14

Nennggamirak wa-e. Kir-e wene kuruk tugwi nap iri nggomo ondogolat, inndi terak yugwi nap iri inndi uwi ya bogolat, ndeyak woragwi nap iri na yongga ondogolat, ap oboksa inmin kinndi luruk puruk wolmer-o luk kenmengen mbatli-o.

2 TIMOTIUS 2:1

Nambara wa-e. Nir-e Kerisut Yesus imin misiget yogola, we wok ondoso elem wok nundusu iri na bem kamawisa wolmin-o.

1 YOANES 2:14

Nilirak wa-e. Kir-e Nineid Mbal Pem Nagawan kenaru yigep pem engga yu mbal kundusu-o. Neidtak wa-e. Tel kuridnak kuri-net woraso Wene na kenaru yigep pem engga yu mbal kundusu-o. Kit ap sugwe wa-e. Kir-e kenmawi worak, Mbal Pem Nagawan-nen yidnak wene na kit kenarem worasolat, Meya Kwaroso Nap na urugwe nggwe rak pogolat yigep pem engga yu mbal kundusu-o.