OROMA 14:6 - Nanduk Ngget Tul Pidnak Wene

⁶ Hari misik nggulok tak pusu nap iri-ge iri kwarusu iri-ge Nagawan Indo kek tak ubusu-o. Nde, nunggwi mende ugun nasu nab-e, ”Mbal Pem Nagawan wa-o” luk nasu me, Nagawan Indo kek tak posolat-nen nasu-o. Nde, ugun naso buk nap-nen-e ”Mbal Pem Nagawan wa-o” luk keya busu me, Nagawan Indo kek tak posolat-nen ninggit lak yusu-o.

OROMA 14:6 ပူးပေါင်းရင်းမြစ်များ

MBIRIGA WENE 12:14

Olengen misik arem tanggal iri wok yosola-ge, pempa ap pem lud woragolar-e, kinndi yebet yebet tak Nagawan Indo an kek tak nobogolar-e sakolat woragup na-e’ yij-o” luk yak indid.

MBIRIGA WENE 12:42

Kubu it mbiriga tarem-e Nagawan Indo-nen Mesira wi-nen it wok unpuruk mbereyekluk yik karok woragij-o. Nde, kubu it mbiriga tarem-e pempa ap pem lud woragolar-e, Nagawan Indo amanggim lenak pidnak yebet kagwi tarem-o. Nde, kubu iri tarem-e Isarael nab-e unluk nak irit woragwi-o.

MBIRIGA WENE 16:25

Musa-nen yosolar-e: ”Yawo tarem-e Mbal Pem Nagawan we woraidnak tarem, Nagawan Indo nak kek tak purak tarem me, yeba-ge kit yawo norak nunggwi mende-nen yusu-o. Nde, nunggwi mende-ge worali sa yeba we mbepme ombol nggwe-nen-e mondok marig-et tet wanugup pug-o.

YESAYA 58:5

Kit-nen nunggwi mende keya buruk, tepan yogolar-e, kondomok-nen andi bandi rak pogolat, tusuangge-nen kwaroso nggal kenanggul mbara ujo rak pogolat, kunsum abak yemarak puruk, mabe pil yaga keya buruk, ebem mbiring yili-o. Kit-nen nunggwi mende keya buruk, tepan nak yik tenak woragwi-ge iri kwatli irir-a? Kit kinndi-nen-e: ’Nit-nen iri kwatli iri-nen Nagawan Indo-ge indingen nenperasu-o’ luk perali-a?

MATIUS 14:19

Yurug-e, ap ereba na yak ondosolar-e: ”Tusuwangge bem kore yer-o” luk yak unduruk-nen mburu lima ereya na min keyane mberen ereya min wanuruk yarik, erengen aid arem nggwe lik karok woralat-nen-e Mbal Pem Nagawan wa yak tij-o. Iri luk, mburu ereya na ndek pendeksa at owosirak ininggem pamu-ge, it-nen-e ap ereba na tembesa mak indiga-o.

MATIUS 15:36

mburu tuju ereya na min keyane min wanosoluk, Mbal Pem Nagawan wa yak turuk, mbara ligik purug-e, at owosirak iri na wok ondosola, it-nen-e ap kwarat iri na tembesa mak indiga-o.

YOANES 6:28

Yosoloma-ge, it-nen Yesus yak togolar-e: ”Nir-e Mbal Pem Nagawan indi-n pidnak nak kwaruwoklug-e no nde kwarul-o?” luk yiga-o.

NGGALATIA 4:10

Kit-nen-e iri tarem ala na, waneya tarem ala na, nggulok sakwi tarem ala na, olengen iri tarem ala na, iri nak kwara nggok tak pogolat worali-o.