OROMA 14:2 - Nanduk Ngget Tul Pidnak Wene

² Ap erep-nen peragolar-e, nunggwi mende pidsa norak nak perali-t nde, ap erep kwara inndi angin tubu yigit lak nap-nen-e we mburu mburungga nak norak perali-o.

OROMA 14:2 ပူးပေါင်းရင်းမြစ်များ

NDAK WIRIDNAK WENE 1:29

Nde, yak yoso mende nin tak nan tak, engen tup yoso mende min we engen yoso mende min oboksa-ge kit nok tenak worabok-nen wok kundusu-o.

NDAK WIRIDNAK WENE 9:3

Nggweyak pem yak yoso mende oboksa kat norak mende kwat yid iri na nggal-et, towe mena min urugup worak oboksa ereba-ge kat-nen nanokluk, wok kurusu-o.

NGGOMO WENE 15:17

Uno undu konag-et nonggolar-et nde, kuri worak pem nili iri-ge meya-nen yusu-o. Alat nde, mburungga nak nonggolar-et nde, nabuwa kabuwa bem nili iri-ge mondok konak lombok-nen yusu-o.

NDANIEL 1:12

”Nab-o. Kat-nen nenabut mbaronok-nen wal kasolar-e, mburungga min yi min nak mak nondosolat sepulu tarem wolmog-o.

NDANIEL 1:16

Iri na kwatluk ombol nggwe-ge yik eneyarok woraso nap iri na-nen-e it ereya na enmanggim-e nagawan-nen norag-o luk pidnak nunggwi mende ereba na-ge mak indigit lak, we mburungga min yi min nak nujwakluk keya inpij-o.

OROMA 14:1

Kwara indi angin tubu yigit lak nap iri-ge kit-nen konag-et wok obogolar-e, at indi-n peraso iri na bem wene namawi kamawi yurak pug-o.

OROMA 14:14

An-e Nagawan Indo Yesus imin kundik woraso me, wene yu-ge an-e ”Irir-o” perasu-o. Yi mende ndi mende pidsa ondomok-net wosama yoso bug-o. Alat nde, ap inndi-nen peraidnak pem-et ”Yu-ge wosama-o” luk perasola-ge, iri mende-ge at amanggim-e wosama yusu-o.

OROMA 14:20

Nde, kar-e nunggwi mende iri-ne ndowaga Mbal Pem Nagawan eyabu na meya rak purak pug-o. Nunggwi mende pidsa-ge nalma nak-nen yusu-t nde, kat-nen nunggun iri-nen ndowaga ap erep meya yogola-ge, kat nasu iri-ge meya irit kwat yusu-o.

OROMA 15:1

Nit kwara ninndi angin tubu yidnak worali nap-nen-e kwara yebet kagit lak nap-nen kwiye kali mende min nir-e kwara kwaluk kwaluk wolmomtag-o. Nit nondomok nenalen kudtak pem nak kwarurag-e meya-o.

1 KORINTUS 10:25

Ino onggo wanugwi sa-nen onggo pidnak wam-e limbinigit lag-et, we irit norag-o.

1 KORINTUS 8:9

Alat nde, kit weserak kinpidnak pem kwarugup iri-nen-e ndeyak yidnak nap iri enare pugup naru, kinndi kwara wolmer-o.

1 KORINTUS 9:22

It ndeyak nap wok enpeyekluk, it ennggendumu woralar-e, an-e ndeyak nap nggal kwat yoso-o. It erep inmiri yeklug-e, an-e ap pidsa-nen kwarugwi nggal yi kwarugwi ndi kwarugwi pidsa kwarukmu-o.

NGGALATIA 2:12

Yakobus-nen inpil lobok yidnak nap iri me wok yigit lak ma-ge, Peterus-nen-e nennggamirak enlem nin nap na inmin totno ningga-t nde, it iri na wok yogolikma-ge, iniye ambasap wabugwi nap iri na inndi aye-nen Peterus-e it enlem nin nap keya unpuruk, it inmin ninggit lak woragaij-o.

1 TIMOTIUS 4:4

Mbal Pem Nagawan-nen ndak wiridnak tengge pidsa-ge konak nak-nen yusu-o. Misiget ter-o luk mondok wosama-ge lag-o. Are, pidsa nonggolar-e, Mbal Pem Nagawan wa yak turuk, norag-o.

TITUS 1:15

Marak nap enmanggim-e pidsa marak nak worasu-o. Alat nde, meya kwarugwi nap min inndi angin tubu yugwi buk nap min-e it inndi min yebet kagwi indi min kop kap tobok tak-nen yusu me, it enmanggim-e siyag-et ter-o luk marak worasu-ge lag-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

IBERANI 9:10

Nde, Mbal Pem Nagawan amanggim pugwi iri-ge nunggwi mende nde, yi nunggwi nde, yi mende ndi mende yi marugwi wene nde iri-ge we enaboro-nen kwarugwi mende-o. Iri kwarugwi iri-ge kwat tenag-et worakmu, Mbal Pem Nagawan-nen ngget kwarak puwa tarem wok yosola-nen keya burag-o.