OROMA 14:15 - Nanduk Ngget Tul Pidnak Wene

¹⁵ Nde, kat-nen nunggwi mende bem Kerisut ebem kanggam mbi indi abi meya rak posola-ge, at abuwa kasolat-nen yusu-ge lag-o. Kerisut-e ap iri amanggim wat yidnak me, kat-nen nunggwi mende bem at are purak pug-o.

OROMA 14:15 ပူးပေါင်းရင်းမြစ်များ

OROMA 13:10

Nde, ap enabuwa kagolar-e, ap meya rak unpugwi bug-o. Iri bem-e nin nap enabuwa kali nab-e imiri mbarak pidnak wene oboksa-nen yidnak yidnak kwatli-o.

OROMA 14:20

Nde, kar-e nunggwi mende iri-ne ndowaga Mbal Pem Nagawan eyabu na meya rak purak pug-o. Nunggwi mende pidsa-ge nalma nak-nen yusu-t nde, kat-nen nunggun iri-nen ndowaga ap erep meya yogola-ge, kat nasu iri-ge meya irit kwat yusu-o.

OROMA 15:2

Are, nenggamirak na kwara inndi angin tubu maklug-e, nit nondomok tak-nen it enalen tak purak mende-t kwaruwog-o.

1 KORINTUS 13:1

An-nen-e ki nap enne bem ala na irit, aid nap enne bem ala na irit, te irit yimin-et nde, ap enabuwa kagwi elem nde an narem lak-nen-e an-e posid owak lel kagola, ene nggwe yidnak nggal-nen yusu-o.

1 KORINTUS 8:1

Nde, yawo-ge kugiwak amanggim pidnak nunggwi mende wene yimin-o. ”Nit pidsa ninndi worag-o” yugwi iri-ge nir-e nenaru-o. Iri nggal yogolar-e, ap enambik-nen kek yili-o. Alat nde, ap enabuwa kagwi elem iri-nen-e inndi tugup lak tak onposo-o.

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

EPESUS 5:2

Kerisut na-ge nit nenabuwa kagaid nggal, iri nggal kir-e ap enabuwa kagwi elem pem-et waring kagolat wolmer-o. Kerisut-e nit nenabuwa kasolar-e, nit nenmanggim at-nen at ondomok indi wisirik posolar-e, Mbal Pem Nagawan indi alen tak poso emben konak mende nggal luk, at eyabi Mbal Pem Nagawan amanggim pij-o.

2 PETERUS 2:1

Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

1 YOANES 2:2

Nde, nit meya yidnak amberam tak puwakluk, Kerisut-e mirin ngal yij-o. Nde, nit meya yidnak nag-e lag-o. Are, ap pidsa meya yidnak amberam tak puwakluk, mirin ngal yid irir-o.