OROMA 14:10 - Nanduk Ngget Tul Pidnak Wene

¹⁰ Iri bem-e, kar-e noluk-nen kat kowe kowot enpem wene mbarusu-o? Nde, kar-e no luk-nen kowe kowot pesel unpusu-o? Mbal Pem Nagawan-nen ap enpem wene mbareyekluk kore yoso sa iri na me nit oboksa nenpem wene mbaruwakluk, eram wok mul-o.

OROMA 14:10 ပူးပေါင်းရင်းမြစ်များ

AID WENE YOSO NAP 11:9

Ap sujwe wa-e. Kunsujwe woragolat-net kenalin kenalen yogolat wolmer-o. Kit kinndi-nen ukwe yidnak min kinndi pidnak min-nen yidnak yidnag-et kwarogolat wolmer-o. Alat nde, kwara kenaru wolmomtag-o. Mbal Pem Nagawan aid arem worasu iri-nen-e kit-nen kwarugup oboksa-ge mbenaruwa-o.

MATIUS 7:1

”Mbal Pem Nagawan-nen kenpem wene mbaruwa naru, kit-nen na ap enpem wene mbarurak pug-o.

LUKAS 18:9

Nden karuk wene yu-ge it ondomog-e lud tak nak kwarugwi nap nggal kwarogolat, nde, ap oboksa-ge teberak nggal yik eneyagwi nap iri na Yesus-nen yak endamu-o.

LUKAS 23:11

Erores min at-nen idnak san winde min-nen Yesus na nggweyel obogolar-e, pesel obogolat-nen yugwi wene yak togolat woraiga-o. Iri luk, nagawan-nen yurugwi sum yesa wok turuk, tuguruk Pilatus eram wirik ibiga-o.

YOANES 5:22

Nde, ap enpem wene mbarurak amawi-ge Ambara an ninggem pidnak me, Neid-nen-e ap enpem wene mbarusu bug-o.

YIDNAK YIDNAK WENE 10:42

At iri-ge unluk worali nap min wat yidnak nap min enpem wene mbaruwakluk Mbal Pem Nagawan-nen len ibij-o luk, aid wene-ge ap yak indil ner-o yabu iri-ge nenpem pamu-o.

YIDNAK YIDNAK WENE 17:31

Nde, at-nen-e ab-e ap pidsa enpem wene lud tak nak mbarurak tarem-e ndak worak pidnak worasu-o. Nde, ap enpem wene mbaruwakluk at-nen-e ap misik mendak pij-o. Iri yidnak nab-e wat yidnak nap ennggendumu-nen uruk tak pamu me, nenpem wene mbaruwa-o luk ap pidsa enaru rak pij-o” luk yij-o.

YIDNAK YIDNAK WENE 4:11

Yesus iri-ge kit o wurugwi nap-nen mbo bigep kereb-et nde, at iri-ge o unggut nggwe paro pidnak kerep nde kwat yij-o.

OROMA 2:16

Mbal Pem Nagawan-e Yesus Kerisut ebem-nen-e ap-nen yebet kagwi kura woraso pidsa bem enpem wene mbaruwa tarem-e an-nen aid wene yoso iri nggal ndak ndag-et tak puwa-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 KORINTUS 5:10

Lag-e lag-o. Nit oboksa-ge Kerisut-nen ap enpem wene mbareyekluk kore yurak sa iri me wok yul-o. Iri me-nen-e ap enariktak-nen unluk woragolat-nen kwarogolat woraidnak na onggo wanogolar-e, konak nak kwaridnak ala na, meya kwaridnak ala na, onggo-ge ndak ndag-et wanuwa-o.