OROMA 14:1 - Nanduk Ngget Tul Pidnak Wene

¹ Kwara indi angin tubu yigit lak nap iri-ge kit-nen konag-et wok obogolar-e, at indi-n peraso iri na bem wene namawi kamawi yurak pug-o.

OROMA 14:1 ပူးပေါင်းရင်းမြစ်များ

AYUP 4:3

Nde, kat-nen ap kwarat mirik onposolat woralar-e, inndi araga araga ala-ge, kat-nen inndi uwi yabosolat woraigen-o.

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

YESAYA 42:3

Yorowa ta yidnag-e pok tak puwa bug-o. Tal mondok nigi yekluk yusu iri-ge mondok nigirik puwa bug-o. Ar-e tugup lag-et mot mot kwaroso elem iri na bem kwat onposolat wolma-o.

YESKIEL 34:16

Nolomba pul yuwa-ge kore yosolat, nde, kabak yuwa-ge waruk lobok yosolat, e elem wiridnak ala-ge, kamarak posolat, ud ala-ge, obat wok tosolat kwarimin-o. Alat nde, omok worak nggok min amawi worak min-e an-nen lak tak pimin-o. Iri kwarimin iri-ge an-e lomba wam yik karok woraso nap konak nak kwaroso me, konag-et kwarosolat-nen kwarimin-o.

YESKIEL 34:4

Nde, lomba ndeyak ereba na-ge kir-e kwara ndigitli bug-o. Lomba ud worak ereba na-ge obat mak tili bug-o. Nde, ud ebem ereba na-ge kir-e nggitlik pili bug-o. Kabaksa pul yidnak lomba-ge kir-e kore yaga tuguruk waruk lobok yili bug-o. Are, ebem lud nde mondok lomba ereba na-ge lel mberel inpili-o.

MATIUS 12:20

Yorowa ta yidnak nginok tak iri na at-nen-e pok tak puwa bug-o. Tal nigi nigi kule nak nggok yosola, at-nen-e mondoksa nigirik puwa bug-o. Irit worasoma, lud tak nak yugwi iri na ombol nggwe rak puwa-o.

MATIUS 14:31

Yosoloma-ge, Yesus na ereya na-net at inggi pil mbarik, at tenaguruk-nen yosolar-e: ”Kwara kindi angin tubu yoso buk nap wa-e. Kar-e noluk-nen kindi angin tubu yigit lak yigen-o?” luk yij-o.

MATIUS 18:10

Nde, li marik yu misik na mondok kinsili kudtak pug-o. An-nen yak kendeyeg-o: Aid arem-nen it-nen idnak aid nap iri-ge pempa pempa an Neid aid arem woraso na erare yik karok worali-o. [

MARAKUS 7:19

Ap unlum arem pil nggugwi iri-ge ap inndi arem nggoso bug-o. Are, we unlum arem ngguruk, enal wangge ma wirik pugwi-o” luk yak indij-o. Iri yid iri-ge, ”Nunggwi mende pidsa nalma nag-o” yosolat-nen yij-o.

LUKAS 17:2

Nde, ap li marik nggal ndeyak yeba ennggendumu ap misiger-o luk tet meya yuwakluk arem woraga pil nggusu nap iri perak nde, kerep nggulok mbi at urusuwak pem tiyong tak puruk, yi koma arem peleksa ibil nggurak perak ob-o.

YOANES 13:20

An-e ndemeret yak kundusu-o. Ap-nen-e an-nen wirik ibidnak nap wok ubusu iri-ge an-net wok nubusu-o. Nde, an wok nubusu iri-ge an wirik nibil lobok yidnak nap iri na-t wok ubusu-o” luk yak indij-o.

YIDNAK YIDNAK WENE 28:2

Iri me woragwi nab-e wa kwarat yak nunduruk, talme mbosolat me, toro ala karuk, nenmanggim kan maburuk, nit pidsa wok ninpiga-o.

OROMA 11:15

Nde, it Isarael nap na Mbal Pem Nagawan-nen amberam tak inpid pem-e nggweyak ma nap oboksa-ge Mbal Pem Nagawan imin kundik inpij-o. Iri ala-ge, Mbal Pem Nagawan-nen Isarael nap wok onposola-ge, ngge nde ma-o? Lag-o. Iri-ge wat yidnak nap unluk yidnak nggal-nen yusu-o.

OROMA 14:2

Ap erep-nen peragolar-e, nunggwi mende pidsa norak nak perali-t nde, ap erep kwara inndi angin tubu yigit lak nap-nen-e we mburu mburungga nak norak perali-o.

OROMA 14:21

Kerisut ebem kanggamirak meya rak inpimin naru, ino min anggut engen amburu min nasolat, enare purak mende erep min kwarosolat yigit lak yurak iri-ge mondok konag-o.

OROMA 14:3

Kasa yeba-t naso nap-nen-e naso buk nap iri na pesel uburak pug-o. Nde, mbuu mburungga nak naso nap-nen-e ugun naso nap iri-ge Mbal Pem Nagawan-nen wok ibidnak me, at ebem wene mbarurag-e meya-o.

OROMA 15:1

Nit kwara ninndi angin tubu yidnak worali nap-nen-e kwara yebet kagit lak nap-nen kwiye kali mende min nir-e kwara kwaluk kwaluk wolmomtag-o. Nit nondomok nenalen kudtak pem nak kwarurag-e meya-o.

OROMA 15:7

Iri bem-e, Mbal Pem Nagawan unu kek tak puwakluk, Kerisut-nen kit wok kinpid nggal-et kit na kit-net wok kerak mber-o.

OROMA 4:19

Iri tarem Abaram-e olengen seratus nggal woraidnak me, ebe na indi worak me, la ndagurag-e meya-t nde, ogwe Sara na yibiri-t nde, iri kwarak worasolar-et nde, at indi angin tuburak irit woragaij-o.

1 KORINTUS 9:22

It ndeyak nap wok enpeyekluk, it ennggendumu woralar-e, an-e ndeyak nap nggal kwat yoso-o. It erep inmiri yeklug-e, an-e ap pidsa-nen kwarugwi nggal yi kwarugwi ndi kwarugwi pidsa kwarukmu-o.

PILIPI 2:29

At iri-ge Nagawan Indo ebem-et kit konowot tak pidnak me, kenalen min-et wok uburag-o. Nde, at min at-nen kwaroso nggal kwarugwi nap oboksa min-e unnu kek tak pogolat wolmer-o.

1 TESALONIKA 5:14

Nennggamirak wa-e. Kir-e wene kuruk tugwi nap iri nggomo ondogolat, inndi terak yugwi nap iri inndi uwi ya bogolat, ndeyak woragwi nap iri na yongga ondogolat, ap oboksa inmin kinndi luruk puruk wolmer-o luk kenmengen mbatli-o.

IBERANI 5:14

Nde, nunggwi mende amawi worak iri-ge meya min konak min lumbunugwi enaru nap, inndi worak nap iri nak-nen nunggwi-o.

2 YOANES 1:10

Iri bem-e, nin nap-nen lobok yuwarik, nin wene owak yak kondogola-ge, kenma rak unpurak puk, wa na yak undurak puk na-e.