OROMA 13:7 - Nanduk Ngget Tul Pidnak Wene

⁷ Pemerinta onggo wok undurak iri-ge mondog-et wok undurag-o. O onggo wanurak nap iri-ge o onggo wok undurag-o. Terak mena pidnak iri-ge wanurak nap irit wok undurag-o. Nggok tak unpurak nap ala-ge, nggok tak unpurag-o. Nde, entembel wanurak nap ala-ge, entembel wanurag-o.

OROMA 13:7 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 3:17

Lobok yogolar-e, at misik-nen yosolar-e: ”Nagawan kek tak wa-e. An min kwe misik yu min-e o misik me nak woragwi-o. Woragola-ge, kweyap ereb-e nit ninmin-e mondok woragit lag-o. Woragolar-e, siyak woraige ereya bem-e an-e liap misik ndaki-o. Ndaguruk mberen nene lug-e, at misik yu na liap misik ndagij-o.

MBIRIGA WENE 20:12

An-nen wok kindimin o iri me woragolat, kunluk mot pem-et woraboklug-e, kineid kiniya kek tak onpogolat wolmomtag-o.

NGGOMO WENE 24:21

Nambara wa-e. Kar-e Nagawan Indo indi aye worak woralat, nagawan nak kek tak posolat wolmomtag-o. It inmin eyak witli nap inmbirik mbururak pug-o.

NGGOMO WENE 3:27

Ap-nen nde kat-nen konak kwat unpurak nggi yak korogola-ge, kat-nen konak kwat unpurak ala-ge, kwar-et unpurag-o.

TEPAN OMBO-NEN KWARURAK WENE 19:3

Kit kenambiktak-nen kineid kiniya-nen yidnak yidnag-et kwarogolat wolmomtag-o. An-nen yidnak ndak ndag-et we woragi tarem (Sabat) irit yebet kagolat wolmer-o. An-e Nagawan Indo Kenmbal Pem Nagawan-nen yusu-o.

TEPAN OMBO-NEN KWARURAK WENE 19:32

Kir-e ap indi worak endam tebe luk, it-nen yidnak yidnag-et kwarogolat wolmer-o. Kenmbal Pem Nagawan an naye worak wolmer-o. An-e Nagawan Indo-nen yusu-o.

MATIUS 17:25

Yogolikma-ge, Peterus-nen wene erep nggarosolar-e: ”Eyo posor-o” yij-o. Yak ondosoluk, o ma nggosoma-ge. Yesus nanduk-nen at yak tosolar-e: ”Simon wa-e. Kat kindi-nen ngge perasu-o? Nggweyak ma nap nagawan nagawan-nen tarak enpem-nen tol mengga wanogolat, enanggul wonaridnak tol mengga wanogolat yili-a? It inlirak enpem, lak? Are, ap sal enpem, lak?” luk yak tij-o.

MATIUS 22:21

Yosoloma-ge, it-nen yogolar-e: ”Kaisat-nen idnak-nen yusu-o” luk yiga-o. Yogolikma-ge, Yesus-nen it yak ondosolar-e: ”Iri ala-ge, Kaisat arengge iri-ge Kaisar-et wok turag-o. Nde, Mbal Pem Nagawan arengge iri-ge Mbal Pem Nagawan-et wok turag-o” luk yak indij-o.

MARAKUS 12:17

Yogolikma-ge, Yesus-nen it yak ondosolar-e: ”Iri nde ala-ge, Kaisat arengge ala, Kaisat amanggim purag-o. Nde, Mbal Pem Nagawan arengge ala, Mbal Pem Nagawan amanggim purag-o” luk yosoloma kuluruk, wi langgu mbariga-o.

LUKAS 20:22

Nde, nit-nen idnak imiri mbarak pidnak wene bem-e nir-e Nagawan Kaisat amanggim tol purag-e op, lak meya-a? Yak nindi-o” luk yak tiga-o.

LUKAS 20:25

Yogolikma-ge, Yesus-nen it yak ondosolar-e: ”Iri ala-ge, Nagawan Kaisat arengge ala-ge, ar-et wok ter-o. Nde, Mbal Pem Nagawan arengge ala-ge, Mbal Pem Nagawan-et wok ter-o” luk yak indij-o.

LUKAS 23:2

Puruk, it-nen enesiget wene at ebem pogolar-e: ”Ap yu-ge nit nenlem nap inndi kabak tak posolat, ’Nagawan Kaisat amanggim tol purak pug-o’ luk yak ondosolat, ’Nagawan Kerisut iri-ge an-net yusu-o’ luk yosola kulige-o” luk yiga-o.

OROMA 12:10

Enambik onowe onowot enabuwa kagwi nggal nabuwa kabuwa yogolar-e, kit na kit-net kek tak pegerak mbogolat wolmer-o.

OROMA 13:6

It yabu tena worali iri-ge Mbal Pem Nagawan ndegel ibili me, iri bem-nen na kir-e pemerinta enmanggim pili tol-e wok indili-o.

EPESUS 5:33

Irit nde, wene iri-ge kit kinmin yidnak-net yusu-o. Kit kenambik kenabuwa kali nggal, kit kondomoktak-nen konkwerak enabuwa ker-o. Nde, ogwe-nen-e at un kek tak ubuwag-o.

EPESUS 6:5

Ndegel unpugwi nap wa-e. Nggweyak ma yu me-n kit-nen ndegel unpugwi nagawan nagawan-nen yidnak yidnak nak kwarogolar-e, kinndi kwiye min konowak lele min-et kwarogolat wolmer-o. Kerisut ndegel ibili nggal-et kinndi mot mor-et ndegel onpogolat wolmer-o.

1 TIMOTIUS 5:13

Iri-nen-o, ir-e perari lembe yogolar-e, ap enma ya nggwilik nili-ge meya-t nde, meya nggulok kwarogolar-e, enmende amburu waruk nogolar-e, ap onpok pogolat, ap onowene-t nde, erep tenakolat, yurak puk wene-t nde yogolat yili-o.

1 TIMOTIUS 5:17

It ogore yidnak nab-e yabu konak nak wanogolat-nen: ”Iri nggal, yu nggal kwarurag-o” yugwi nap ala-ge, mondok kwara mberen pem tak pidnak nggal-et unnu kek tak purag-o. Nde, nggok lombog-e it aid wene yogolat, ap mul ondogolat inligak mbusu irit kwat unpurag-o.

1 TIMOTIUS 6:1

Mbal Pem Nagawan unu min nit-nen mul undugwi aid wene min nggwiyuruwa naru, it mumnggup manggi onnggo pidnak nap pidsa-nen-e it onmborak na kek tak onpogolat wolmag-o.

1 PETERUS 3:7

Konkwe la worak nap wa-e. Iri nggal-et kit na konkwe la inmin woragolar-e, kwami yu-ge ndeyak-net yili-o enperaruk, Mbal Pem Nagawan-nen we wok ondoso unlug-et woralik nalik momtak elem iri-ge konkwe la inmin-et lambuksa winde rak kunpuwa me, kwara enabuwa kagolat wolmer-o. Iri kwarugup ala-ge, kit-nen tepan yugub-e abi sud mud yuwa bug-o.

1 SEMUEL 12:18

Iri yak unduruk, Semuel-nen tepan yosola-ge, iri na tarem-et Nagawan Indo-nen talme mberak posolat, o nggu rak posolat kwarij-o. Iri yosola-ge, Isarael nap oboksa-nen-e Nagawan Indo min Semuel min enaye kaiga-o.