OROMA 13:1 - Nanduk Ngget Tul Pidnak Wene

¹ Ap oboksa-nen pemerinta-nen yidnak yidnak nak kwarurag-o. Nde, pemerinta pidsa enmawi-ge Mbal Pem Nagawan nak-nen wok indidnag-o. Nde, yawo worali pemerinta yu-nen Mbal Pem Nagawan-nen yidnak pem-et kwatli-o.

OROMA 13:1 ပူးပေါင်းရင်းမြစ်များ

NGGOMO WENE 24:21

Nambara wa-e. Kar-e Nagawan Indo indi aye worak woralat, nagawan nak kek tak posolat wolmomtag-o. It inmin eyak witli nap inmbirik mbururak pug-o.

NDANIEL 2:21

Nanduk-nen kwaridnak min abok-nen kwat ma min iri-ge Nagawan Indo inggem nag-o. At nak-nen nagawan-e mendak onposolat, lak tak onposolat kwaroso-nen yusu-o. At nak-nen inndi nggat nggat elem wok ondosolat, yebet kagwi mende wok ondosolat yoso-nen yusu-o.

NDANIEL 4:17

Nde, nit aid nap lid lud tak puruk, nenlengen lumbunugwi iri na-nen mbaridnak wene-ge yur-o. Nde, nit ninndi-nen pige-ge ap oboksa-nen enaru yogolar-e, Mbal Pem Nagawan Mondok Kek tak iri-ge nagawan-nen tenagidnak wi-ge at tena woralat, at-nen tenaga woraso wi iri-ge at-nen nagawan lenak puruk ininggem posolat, ap mondok teberag-et nde, inggem posolat na ndak-net yusu-o” luk aid nap-nen yij-o.

NDANIEL 4:32

Kar-e ap ennggendumu-nen sera wirik kubuwama, wam min lambuksa tusundumu woralar-e, sapi nggal tusuangge tarosolar-e, olengen tuju irit woragun-o. Irit worasoma, kat-nen parosolar-e: ’Mbal Pem Nagawan Mondok Kek tak iri-ge nggweyakma nap-nen tenagidnak wi-ge at inggem-et woralat, nggweyakma nap-nen tenagidnak wi iri na at-nen-e at indi-nen peraruk lenak pidnak nap wok turak iri-ge ndak nag-o’ luk para yugun-o” luk yij-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

YOANES 19:11

Yak tosoloma-ge, Yesus-nen yosolar-e: ”Mbal Pem Nagawan-nen amawi iri kinggem pigit lak nggal-nen-e kat-nen an nebem wene mbarurag-e meya-o. Iri bem, kat meya yidnag-e marig-et nde, it an wesera kinggem nibiga nap-nen meya yidnag-e ijar-o” luk yij-o.

YIDNAK YIDNAK WENE 2:41

Yak ondosoloma-ge, at-nen yidnak wene waniga nab-e yi ma inpiga-o. Iri tarem-et it inmin lambinil nggogolar-e, ab-e tigaribu (3,000) nggal yiga-o.

OROMA 12:21

Meya kwarugwi elem-nen urugwe nggwe rak kunpuwakluk, nggeyok nak yurak pug-o. Are, konak kwarugwi mende iri bem-nen meya kwarugwi elem iri urugwe nggwe rak per-o.

OROMA 13:2

Iri bem-e pemerinta inmin sirid mbatli nab-e Mbal Pem Nagawan-nen ”Irit kwarurag-o” yidnak imin sirid mbatli-o. Nde, iri kwatli nap enpem-e wene mbaruwa-o.

EPESUS 5:21

Kerisut indi aye woragolar-e, kit na kit-net kenggam urugom tebe yogolat wolmer-o.

1 TIMOTIUS 2:2

Nir-e yamuksa wene lak Mbal Pem Nagawan-nen kwaroso nggal konak nak wolmoklug-e, nagawan nagawan min ap yulok nggulok pidsa min enmanggim tepan yogolat wolmer-o.

TITUS 3:1

Kat-nen nggomo ondoso nap na yeberak onposolar-e: ”Nggweyak tena woragwi nagawan min pemerinta nap min-nen yidnak wene kuluruk, it-nen yidnak yidnak nak kwarogolar-e, yi mende ndi mende konak nak kwarurak pem-e lid lud tak puruk wolmer-o.

YURAS 1:8

Nde, yawo-nen na ap ereba-nen-e iri nggal-et kwatli-o. It-nen nabi kogol nggwe kaidnak mende na langgal luk mborogolar-e, it ondomok enpe meya rak pogolat, Mbal Pem Nagawan amawi na te rak pogolat, aid arem woragwi abinal worak mende na mbilaro ngin wene yak ondogolat yili-o.

NAM PARA WENE 17:14

It iri-nen-e Lomba Wam Marik iri na min wim puwa-o. Alat nde, Lomba Wam Marik min at-nen wene mbo unpuruk, len enpaga at imin nugwi nap at-nen yidnak yidnak kwarugwi nap inmin-nen-e nagawan nagawan ereba na-ge urugwe nggwe rak unpuwa-o. Nde, iri yuwa iri-ge Lomba Wam Marik iri-ge ap yok nggok onmbol pem Nagawan Indo, nggweyak ma nagawan oboksa onmbol pem Nagawan me, urugwe nggwe rak unpuwa-o” luk yij-o.

NAM PARA WENE 19:16

Nde, at usum pem min at awak pem min-e at unu-ge ”Nggweyak ma nagawan oboksa onmbol pem Nagawan-o. Ap nggok oboksa onmbol pem Nagawan Indo-nen yusu-o” luk mbarag-o.

1 SEMUEL 2:8

Andi bandi arem-nen insilobulo lak nap mendak onposolat, anggun panggun arem-nen ap unnu lak nab-e wisirik onposo-o. It iri-ge ap enlem kek tak iri na annggamtak onposolat, kek tak unpugwi kwarak onposo-o. O nggweyak yu paro-ge Nagawan Indo arengge-net yusu-o. Nde, paro iri na bem-e o yu ndak worak pij-o.