OROMA 12:9 - Nanduk Ngget Tul Pidnak Wene

⁹ Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

OROMA 12:9 ပူးပေါင်းရင်းမြစ်များ

NDAWI ENGGA 101:3

Nde, meya elem iri-ge an-e mondok lak tak pimin-o. Indi angin tubu yidnak mbo bidnak nap-nen kwarugwi iri-ge an-e nisili-nen yusu-o. An-e it inmin kundimin pug-o.

NDAWI ENGGA 119:104

Kat-nen idnak imiri mbarak pidnak wene-nen-e nindi ngarak posola, an-nen-e lugud tak kwarugwi iri-ge nisili rak pusu-o.

NDAWI ENGGA 34:14

Meya kwarugwi iri keya buruk, konak nak kwarogolat wolmer-o. Lambuksa wolmomtak elem iri nak nggok tak pogolat wolmer-o.

NGGOMO WENE 8:13

Nagawan Indo kek tak pogolar-e, meya kwarugwi elem iri na kinsili rak pogolar-o. Inndi-nen kek yugwi min enanggup kek yugwi min iri-ge mondok nisili rak pusu-o. An-e enpage meya kwarugwi min ap enmberam lagwi enne amburu min iri-ge mondok nisili-o.

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

AMOS 5:15

Meya kwarugwi elem iri-ge kinsili rak puruk, konak kwarugwi elem irit nggok tak pogolat wolmer-o. Iri kwarogolar-e, mot mot kwarugwi elem iri nggok tak pogolat wolmer-o. Erep-nen-e Nagawan Indo-nen-e enlem Isarael nap marig-et keya inpidnak ereba-ge enabuwa yuwa-t nde ma-o.

MATIUS 26:49

Yuras na-ge ndag-et nak Yesus eram mberarak, at yak tosolar-e: ”Nggomo Nondoso Nap wa-e. Nap wa-o” luk paluksa wa yak tij-o.

YOANES 12:6

Iri yid iri-ge, insilobulo lak nap enabuwa-nen yij-e lag-o. Are, ar-e yariya wanoso alar-e, it ontol tena wolmomtak at inggem pidnak me, ereb-e at wanurak perasolat-nen yij-o.

YIDNAK YIDNAK WENE 11:23

Wirik ibikma, wok yidnggal-e, Mbal Pem Nagawan-nen we wok ondoso mende iri na kasolug-e, alin alen kagaij-o. Karuk, it pidsa-nen tugup lak Nagawan Indo-nen yidnak yidnak kwat tenak wolmakluk nggomo indij-o.

2 KORINTUS 6:6

Nit-nen kwarugwi-ge yu nggal-o: Ninndi mbek tak pem na, nenaru yidnak pem na, ninndi mamak puruk woragwi bem na, ninndi lubug-et kwarugwi bem na, Konak Indi nit nenarem worasu bem na, ndemeret ap enabuwa kagwi bem na,

2 KORINTUS 8:8

An-nen-e ”Iri nggal-et kwarurag-o” luk yak kundusu bug-o. Are, ap erep-nen enmawi min-et yongga undugwi wene na mirik konposolar-e, kit-nen kinndi mbek tak pem-et ap enabuwa kali, lak? luk-nen kinndi ngarusu-o.

1 TESALONIKA 2:3

Nde, nit-nen nggomo kindili wene yu-ge kabak tak unpugwi wene na lak, ninndi mberen pem yak kindili na lak, kenmberam lokluk-nen yili na lag-o.

1 TESALONIKA 5:15

Nde, meya kwarurak pem ap-nen onggo onggo kwaruwa naru, kwara wolmer-o. Kit kennggamtak inmin konak nak wolmomtak pem na irit, ap pidsa inmin konak nak wolmomtak pem na irit, pempa kenmawi kondogolat wolmer-o.

1 TESALONIKA 5:21

Yi mende ndi mende oboksa kwara lombot puruk-net konak mende ala, puksa tena wolmer-o.

1 TIMOTIUS 1:5

It nggomo undugun iri-ge it-nen ap enabuwa kagolar-e, enarem marak pem-net kagolat, yebet kagwi inndi yek tak pem-net kagolat, inndi angin tubu yidnak mondok mot mot pem-net kagolat makluk-nen nggomo ondugun-o.

IBERANI 1:9

Kar-e mot mot kwarugwi-ge kindingen tak posolat, nde, lugud tak kwarugwi-ge kisili rak posolat yoso karuk, Mbal Pem Nagawan, Kembal Pem Nagawan iri-nen-e kalen tak posolar-e, kat kanggamirak na teberak unpuruk, kat nak kek tak kuburak pem len kibij-o” luk yij-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 4:8

Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.