OROMA 12:5 - Nanduk Ngget Tul Pidnak Wene

⁵ Iri nggal, nir-e ap kwarar-et nde, Kerisut imin kundik worali me, nenpe misiget nak-nen yusu-o. Nit na nit-net kundik woragolar-e, ebe misiget inggi ijok-nen yili-o.

OROMA 12:5 ပူးပေါင်းရင်းမြစ်များ

YOANES 17:11

Yawo an-e kat keram lobok yekluk yusu-o. An-e nggweyak ma yu me woramin pug-et nde, ir-e nggweyak ma worali-o. Konak nak Woraso Neid wa-e. Nit nenmberek misiget nak worali nggal, it na misiget nak makluk, an nebem pigen kunu, kat kunu iri bem-nen it na kwara ndegel onposolat wolmin-o.

OROMA 12:4

Nit nenpe misiger-et nde, nininggi nunuwog-e kwarar-o. Nde, nininggi nunuwok iri-nen-e eyabu arik tag-et wanoso-o.

1 KORINTUS 10:17

Mburu iri-ge misiget nak me, nit pidsa nenpe kwarar-et nde, mburu iri ninggidnak me, nir-e nenpe misiget nak-nen yusu-o.

1 KORINTUS 10:33

An-nen kwaroso nggal irit kwarogolat wolmer-o. An-nen yi mende ndi mende pidsa bem ap oboksa enalen tak posolar-e, it pidsa inmiri yaga wok unduwakluk, an nondomok namanggim-e lag-o. Are, it enmanggim-et kwaroso-o.

1 KORINTUS 12:20

Alat nde, yawo-ge ininggi unuwog-e kwarar-et nde, ebe-ge misiget nak-nen yusu-o.

1 KORINTUS 6:15

Kit kenpe-ge Kerisut inggi ujok na-ge kir-e kenaru bug-a? Nde, an-e Kerisut inggi ujok na waga uwingga mbaroso kwe inggi ujok nggal tak pimin-a? Mondok lik laksa-o!

EPESUS 1:23

Nde, lambuk tak inpidnak nap iri-ge Kerisut ebe-nen yusu-o. Iri yidnak nap-nen-e Kerisut na ndak tak ibili-o. Nde, Kerisut iri-nen-e yi mende ndi mende oboksa-ge ndak tak poso-nen yusu-o.

EPESUS 4:12

Iri rak inpid iri-ge, marak nap oboksa-ge aid wene na ndegel puwakluk, Kerisut ebe na o wiridnak nggal wuruwakluk, lid lud tak onposolat-nen yij-o.

EPESUS 4:25

Nit pidsa-ge Kerisut inggi ijok kwat yidnak me, kennesiget wene yugwi iri-ge keya buruk, lud tak wene nak kennggamirak inmin-e yak kerak mbogolat wolmer-o.

EPESUS 5:23

Kerisut-e lambuk tak inpidnak nap enanggul-nen yusu nggal, un-e at ogwe anggul-nen yusu-o. Nde, lambuk tak inpidnak nap iri-ge at ebe-nen yili me, Kerisut-e at ebe Imiri Yoso Nap-nen yusu-o.

EPESUS 5:30

Nde, nir-e at ebe inggi ijok-nen yili-o.

KOLOSE 1:24

Nde, yawo-ge an-e kit kenmanggim yane wurusu me, an nalen kasu-o. Kerisut-e at ebe amanggim yane wiridnag-et nde, mariget awo yane wirigit lak iri-ge an nebe bem yane wurusu iri bem-nen iminep mbarak pimin-o. Kerisut ebe iri-ge lambuk tak inpidnak nap-nen yusu-o.

KOLOSE 2:19

It iri na-ge enanggul Kerisut na puksa tenakit lak worali-o. Kerisut na ebem-net ebe oboksa-ge ndak ndaksa ndogorosolar-e, it min emengen min-nen konda misiget tak posolar-e, Mbal Pem Nagawan indi-n pidnak pem-et nggok yusu-o.