OROMA 12:3 - Nanduk Ngget Tul Pidnak Wene

³ Nde, Mbal Pem Nagawan-nen we wok ondoso elem wok nirid iri na bem-nen kit oboksa nggomo kindimin-o. Woragwi ndak ndak kek yurak na keya buruk, kit na kit-net terak mena kek yurak pug-o. Are, kat woraso kabage na yebet karuk, kinndi tebe luk, kit kondomok tak-nen Mbal Pem Nagawan-nen kinndi angin tubu yugwi mende wok kindidnak na ndak ndag-et ”An-e iri nggal worasu-o” luk yebet ker-o.

OROMA 12:3 ပူးပေါင်းရင်းမြစ်များ

NGGOMO WENE 25:27

Tamuk amburu norak iri-ge meya-o. Iri nggal-et it kek tak unpurak nak kore yugwi iri-ge meya-o.

MIKA 6:8

Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

LUKAS 18:11

Nde, Parisi nap iri-ge men luk, indi arem-nen tepan yosolar-e: ’Mbal Pem Nagawan wa-e. An-e ap erep nggal-e lag-o. It ereb-e yariya wanugwi nap min lugud tak kwarugwi nap min uwingga mbarugwi nap min iri-ge an-e iri nggal kwaroso buk me, wa yak kurusu-o. An-e pemerinta enmanggim tol ndok woroso yu nggal-e lak me, wa yak kurusu-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 11:20

Iri-ge ndemeret nde, it iri na-ge inndi angin tubu yigit lak pem-nen mbarak inpij-o. Nde, kit kinndi angin tubu yigep pem-e, kundik tugup lak worali-t nde, iri bem kit kondomok kek yurak pug-o. Are, mondok kwiye min-et wolmer-o.

OROMA 11:25

Nowe nowosi wa-e. Kit-nen-e: ”Nir-e ninndi nggat ponok tak-net yili-o” luk peragup naru-nen kit kenaru tobok-nen kura wene misik yak kendeyeg-o. Isarael nap ereb-e inndi amawi irit worakmu, enlem nin nap abu ndegera Mbal Pem Nagawan eram wok yogola-net inndi ndeyak ma-o.

OROMA 12:16

Kit kinndi misiget lambuksa wolmer-o. Kit kondomok kek yurak pug-o. Are, teberak yik kagwi mende iri na nggal-et tebe yurag-o. ”An-e nindi tenggerak-nen yusu-o” luk purak pug-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

1 KORINTUS 3:10

Mbal Pem Nagawan-nen we wok ondoso elem iri wok niridnak pem-e o kona woroso aru nap-nen woroso nggal an-nen-e o paro pigi-o. Nde, o paro pigi na bem-e ap misik-nen o wurusu-o. Alat nde, o enarik tak worogolar-e, indi lid puruk-net o wuruwag-o.

1 KORINTUS 7:17

Ap pidsa-ge Nagawan Indo-nen it wolmomtak wok indidnak iri na bem-et woragolat, Mbal Pem Nagawan-nen wene mbo inpidnak iri na bem-et woragolat mag-o. ”Irit kwasa wolmer-o” luk an-nen-e lambuk tak inpidnak nap oboksa yak undusu-o.

2 KORINTUS 10:13

Alat nde, nit perak nde nit nentembel wanogolar-e, kuri pidnak kuruksa terak menna nentembel wanul pug-o. Mbal Pem Nagawan-nen nit yabu wanurak nenmanggim kuri wosa posolar-e, kuri-ge kit worali mu na irir-o.

2 KORINTUS 12:13

Lambuk tak inpidnak nap erep iri konak kwat onposolar-et nde, kit no mende bem-nen meya nggal kwat kinpigi-o. Angin tak konposolat-nen ”Yongga nerer-o” luk yak kindigit lak yigi iri bem-nen meya rak kinpigi-a? Iri kwat konposolat meya kwat kinpigirik me, wiwa-o.

2 KORINTUS 12:7

Nde, nam tak pidnak mende kwiye worak mende kagi iri bem an nindi kek ma naru, isile misik an norosolat wolmakluk an narem nggegetsa pij-o. Isile iri-ge Sere-nen ibil lobok yidnak an nindi teberak wolmakluk an nindi nggambu woroso-o.

NGGALATIA 6:3

Ap misik-nen perasolar-e, ar-e konag-e lag-et nde, ”An-e ijar-o” luk perasu iri-ge at na at ambikpebe ombol pem lasu-o.

EPESUS 3:2

Kit kenmanggim Mbal Pem Nagawan-nen we wok ondoso elem wok niridnak na bem kwarurak wene-ge kir-e ndemeret kuligep nar-o.

EPESUS 3:4

Nde, iri bem kit-nen engga na wonarogolar-e, Kerisut ebem yidnak kura wene an-nen yebet kagi-ge kenaru ma-o.

EPESUS 4:16

Nde, Kerisut na ebem-nen-e at ebe iri na inggi ijok oboksa ariktag-et nde, ndak ndak sa kondosolar-e, il iri na-ge owak erep min kwen yosolat, ebe oboksa yindip kwindipsa panggarusu-o. Iri alat-e, inggi ijok na oboksa enariktak eneyabu wanogolar-e, ebe na oboksa-ge irit tit, irit tit nggulok yosolar-e, ap enabuwa kagwi elem pem-et ondomok nggulok yusu-o.

PILIPI 2:13

Nde, Mbal Pem Nagawan-nen kit kenarem eyabu wanosolar-e, at ondomok indi-n pidnak pem-et iri kwarurak kinndi wok kondosolat, iri kwarurak kenmawi wok kondosolat yusu-o.

KOLOSE 1:29

Iri kwat unpurak pem an-e namawi min-et yabu wok tenak woralar-e, Kerisut-nen wok niridnak amawi kwarat iri na bem-nen yabu wanusu-o.

KOLOSE 2:13

Nde, kit meya kwarogolat woraidnak pem-nen na, kiniye ambasap wabigit lak woraidnak pem-nen na, nanduk kir-e wat yidnak woragwi-t nde, yawo-ge Mbal Pem Nagawan-nen Kerisut imin totno kunluk tak kinpij-o. Mbal Pem Nagawan-nen nit meya kwarogolat woraidnak oboksa-ge amberam tak puruk,

1 TIMOTIUS 1:14

Nde, Nenagawan Indo-nen-e we wok ondoso elem kwarat tak nobosolar-e, Kerisut Yesus ebem-nen-e inndi angin tubu yugwi elem min enabuwa kagwi elem min wok nirij-o.

1 TIMOTIUS 2:15

Alat nde, kwami-nen tebe luk woragolar-e, inndi angin tubu yidnak elem min ap enabuwa kagwi elem min marak woragwi elem min tena woragola-ge, inlirak ndakolat-net inmiri yaga wok unduwa-o.

1 TIMOTIUS 2:9

Nde, kwami-nen na yurugwi mende yorogolar-e, insiri min entangge min innggiri min-et yurugwi yeba-t yururag-e nindingen-o. Nde, enanggul sigil yakolat, emas posid mutiara kerep min yorogolat, yurugwi sum konak onggo nggok pugwi mende na yorogolat momtak pug-o.

TITUS 2:12

We wok ondoso elem-nen mul nondosolar-e: ”Mbal Pem Nagawan isili rak pidnak kwarugwi min nggweyak ma mende ukwe ukwe yugwi min iri na mbo buruk, nggweyak ma yu me woragolar-e, kondomok kinndi towarak woragolat, mot mor-et kwarogolat, Mbal Pem Nagawan indi aye worak wolmer-o” luk mul nundusu-o.

TITUS 2:2

Ap indi worak yak ondosolar-e: ”Kir-e kinndi min-et woragolat, kinndi nggat nggat worak woragolat, kondomok kinndi towarak woragolat mer-o. Nde, kinndi angin tubu yidnak pem na, ap enabuwa kagwi bem na kinndi luruk puruk woragwi bem na iminep mbarak irit wolmer-o” luk yak indi-o.

TITUS 2:4

Kir-e wene konak nak mul ondogolar-e,

TITUS 2:6

Iri nggal-et sugwe na kiri keresa nggomo ondosolar-e: ”Kit kondomok kinndi towarak wolmer-o” luk nggomo indi-o.

YAKOBUS 4:6

Alat nde, Mbal Pem Nagawan-nen we wok ondoso elem wok nindid iri-ge nit nenarem pid ukwe ukwe yoso iri nggal-e lag-o. Mondok terak minik amawi worak irit wok nindij-o. Iri bem, Mbal Pem Nagawan engga bem-nen yosolar-e: ”Inndi kek yugwi nab-e Mbal Pem Nagawan-nen ombol wok ondoso-t nde, inndi teberak woragwi nab-e enabuwa kaso-o” yij-o.

1 PETERUS 1:13

Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.

1 PETERUS 4:7

Yi mende ndi mende pidsa lak momtak tarem panggo yusu-o. Iri bem-e, tepan yobok-nen kit kondomoktak kinndi tena woragolat, kwil kwalsa wolmer-o.

1 PETERUS 5:5

Nde, iri nggal-et kit ap sugwe-nen-e inndi worak-nen yidnak yidnak nak kwarurag-o. Nde, kit pidsa kinndi tebe luk yongga yongga yogolat wolmer-o. Nde, Mbal Pem Nagawan engga bem-nen yosolar-e: ”Mbal Pem Nagawan-nen-e inndi kek yugwi nap inmin-e sirid mbarak worasu-t nde, at-nen-e inndi teberak woragwi nab-e enabuwa kasu-o” luk yij-o.

1 PETERUS 5:8

Kit kunuwim nap Sere na-nen-e: ”No nap lebena mbo namin-o?” luk singa ndakngge nggal ene yolo ngolo waring kasu me, kir-e lid lud tak puruk, kwil kwalsa wolmer-o.

3 YOANES 1:9

An-nen-e lambuk tak inpidnak nap na enmanggim engga poro-t mbarigi-t nde, it ennggendumu an-net nagawan teyeg-o luk peraso nap Ndioterepes na-nen-e an nene kuligit lak yij-o.