OROMA 12:2 - Nanduk Ngget Tul Pidnak Wene

² Nggweyak ma nap-nen kwarugwi mende kwarurak pug-o. Are, kenpage nin luk, kinndi ngget tak pogola-ge, Mbal Pem Nagawan indi-n pidnak mende-ge konak mende, at alen kudtak iminep mbarak mende irit kenaru yugub-o.

OROMA 12:2 ပူးပေါင်းရင်းမြစ်များ

ESERA 10:11

Iri ala, nonmborak-nen erembel wanugwi Mbal Pem Nagawan, Nagawan Indo iri na eram kit meya yidnak para keya ber-o. Keya burug-e, at indi alen tak purak mende nak kwarer-o, Enlem nin nap nit woragwi sa worali nap inmin-e mondok kundik wolmomtak pug-o. Iri-nen konkwerak enlem nin kweyap wanigep ereba-ge sera mondok wirik enper-o” luk yak indij-o.

NDAWI ENGGA 119:103

Tamuk amburu undu-ge konag-et nde, kat-nen yidnak wene undu-ge mondok konak terak minik-nen yusu-o.

NDAWI ENGGA 119:128

Iri bem-e an-e kat-nen mirik nibidnak oboksa ndak ndag-et kwarosolat woramin-o. Nde, lugud tak kwaril mburugwi iri-ge an-e nisili-o.

NDAWI ENGGA 119:97

An-e kat-nen idnak imiri mbarak pidnak wene iri na nindi kundik woralar-e, pempi pempa kat-nen idnak imiri mbarak pidnak wene iri na-ge mbenat tenak worasu-o.

NDAWI ENGGA 34:8

Nagawan Indo konak nak woraso iri-ge kondomok-nen kwara ker-o. Nagawan Indo eram kurak tak worali nab-e enalen kagolat wolmag-o.

NDAWI ENGGA 51:10

Mbal Pem Nagawan wa-e. Kat-nen an nindi-ge ngget kopkap lak irit kwasa keya nibi-o. An nindi-ge kundik woraso elem iri na bem-nen ngget tak irit nibi-o.

MBIRIGA WENE 23:2

Ap kwarat-nen meya kwarogolat, imiri mbarak pidnak wene iri na lugud tak puwokluk ennesiget wene yogola-ge, kir-e inmbirik lambu nak yurak pug-o.

YESKIEL 18:31

Kit-nen meya kwarogolat woragwi iri keya buruk, kit kinndi min kit-nen yebet kagwi min ngget tak puruk wolmer-o. Noluk-nen kir-e wat yurak tula kore yili-o?

YESKIEL 36:26

An-nen-e kinndi masa ngget tak posolat, kit-nen yebet kagwi min ngget tak posolat kwarimin-o. Nde, kit kinndi amawi kerep nggal iri na ondolma-ge, yidnak yidnak kwarugwi inndi wok kindimin-o.

MATIUS 13:22

Nde, linggat ndumu mbidnak uwi iri nggal ab-e aid wene kulurug-et nde, unmud nggweyak ma mende bem pogolat, uwang nak nggok tak pili iri-nen-e wene iri na perena lak tak posola, engen-e pili bug-o.

MARAKUS 4:19

nggweyak ma mende unmud kagwi mende min yi mende ndi mende ombo wolmomtak indingen kagwi min ukwe akwe mende min enarem nggosolar-e, iri na-nen aid wene wanidnak na nggetla keya bosolar-e, ebe kwat yusu bug-o.

YOANES 14:30

Nggweyak yu tena woraso na panggo yusu me, wene mor-et yak kindimin pug-o. At iri-ge an nimin ndak ndag-e lag-o, teberak-net yusu-o.

YOANES 15:19

Nde, kit nde nggweyak ma nap min-et kundik woraigep nggal-e, nggweyak ma nap-nen-e yu-ge nit mende-o luk kit kenabuwa kaleb-o. Alat nde, nggweyak ma nap ennggenggerak-nen an-nen len kinpidnak me, kir-e nggweyak ma nap inmin kundig-e lag-o. Iri bem-e nggweyak ma nap-nen-e insili rak kinpili-o.

YOANES 17:14

An-e kat-nen yidnak wene yak indigi-o. Iri bem-e, an-e nggweyak ma nab-e lag-o. Iri nggal-et it na nggweyak ma nab-e lak ala karuk, nggweyak ma nap-nen-e it insili rak inpiga-o.

YOANES 7:7

Ki nap pidsa-nen-e kir-e insili rak kunpuwa bug-et nde, an-nen-e: ’Kit-nen kwatli mende meya nak kwatli-o’ luk yak undusu me, insili rak nibili-o.

OROMA 12:1

Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.

OROMA 13:14

Alat nde, kit-nen mondok kwarurak iri-ge nagawan Indo Yesus Kerisut nak-nen mirik kunpuwag-o. Nde, ki nap enpage meya inndi-nen ukwe ukwe kwarugwi iri-nen yidnak nag-e kwarurak pug-o.

OROMA 7:12

Nde, imiri mbarak pidnak wene-ge marak-nen yusu-o. ”Iri nggal kwaru-o” yidnak wene-ge marak, mot mot, konak-nen yusu-o.

OROMA 7:14

Imiri mbarak pidnak wene iri-ge Mbal Pem Nagawan Indi-nen pidnak wene-nen yusu-o luk nenaru yili-o. Alat nde, an-e ki nap-nen yusu-o. Nde, meya kwarugwi elem-nen nonggo posola an-e meya kwarugwi elem ndegel oboso-nen yusu-o.

OROMA 7:22

Nde, an nindi arem-nen-e Mbal Pem Nagawan-nen idnak imiri mbarak pidnak wene wanurag-e nindingen-et nde,

1 KORINTUS 3:19

Nggweyak ma nap inndi tenggerak elem yili na-ge Mbal Pem Nagawan erengen pem-e wid-nen yugwi nggal-nen yusu-o. Mbal Pem Nagawan engga mbarak pem-nen yosolar-e: ”Nagawan Indo-nen-e ap indi nggat nggat worak na ngonok tak obosolar-e, at ondomok indi nggat nggat iri na-net ngonok tak ubusu-o” luk,

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

2 KORINTUS 5:17

Ta-nen nde Kerisut imin kundik worasola-ge, at abage ngget tak ibidnak-nen yusu-o. Abage nanduk na-ge lak lug-e, abage ngget irit kwat yamu-o.

NGGALATIA 1:4

Kerisut-nen-e nit meya yidnak pem yawo worasu nggweyak ma meya yu me-nen wisirik nenpeyeklug-e ar-e ondomok iminep wisirik pamu-o. Iri kwarosolar-e, Nineid Mbal Pem Nagawan indi-n pidnak ndak ndag-et kwarij-o.

EPESUS 1:18

An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

EPESUS 5:17

Iri bem-e tabuksa wolmomtak pug-o. Are, Nagawan Indo indi-n pidnak wene yenggerak pobok-nen kenmawi kondogolat wolmer-o.

KOLOSE 1:9

Iri bem-e kit konpok kulige kuri-nen yawo kuri-ge nir-e pempa kit kenmanggim tepan-e kundugu yili-o. Kit kenmanggim Mbal Pem Nagawan emengen mbarogolar-e: ”Kat kindi-n pidnak parosa enaru makluk, inndi tenggerak elem oboksa min ndemeret yebet kagwi elem min wok indi-o” luk emengen mbatli-o.

KOLOSE 3:10

kenpage ngget mende wanigeb-o. Kenpage ngget mende iri-ge ndak worak pid Mbal Pem Nagawan-nen-e at abage nggal pempa pempa ngget tak konposolar-e, at mondok kenaru tobokluk-nen kwarusu-o.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

1 TESALONIKA 4:3

Mbal Pem Nagawan indi-n pidnak mende-ge yu-o: Kir-e marak nak woragolat, kwami terak terak ye unpugwi buk irit wolmer-o.

TITUS 3:5

ninmiri yij-o. Nde, nit-nen lud tak nak kwaridnak pem ninmiri yij-e lag-e. Alat nde, at ondomok-net nunpud karuk, ninmiri yij-o. Iri yid iri-ge Konak Indi na-nen nit mat nonposolar-e, tuguruk ndet nonposolat, nit nenpage ngget wok nondosolat yij-o.

YAKOBUS 1:27

Mbal Pem Nagawan erengen pem at erembel wanugwi ndemeret iminep mbarak, marak nak wolmomtag-e yu-o: li mul min kweyap togwe min anggun panggun woragola-ge, yongga ondogolat; iri-nen na nggweyak ma yu-nen meya rak unpuwa naru, it na it-nen kwil kwalsa wolmomtag-o.

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.

1 PETERUS 1:14

Kir-e Mbal Pem Nagawan-nen yidnak yidnak nak kwarogolat wolmer-o. Nde, kit nanduk Mbal Pem Nagawan kenaru buk woragolat-nen kinndi-nen ukwe ukwe yoso-nen yidnak yidnak kwarugwi na kwarurak pug-o.

1 PETERUS 1:18

Kir-e ebe lak mende kwarugwi iri-ge, kit konmborak-nen kenpem pidnak mende na kwarogola, iri kwarugwi na weserak kenpeyekluk nonnggo pid iri-ge lak momtak mende perak posid min emas posid min pem-e pigit lag-o luk kenaru mer-o.

1 PETERUS 2:3

Mbal Pem Nagawan engga bem-nen yosolar-e: ”Nagawan Indo-nen konak nak kwat konposo iri-ge kir-e kagwi-o” luk yij-o.

1 PETERUS 4:2

Iri bem-e, we yawo ya woragolar-e, ki nap-nen ukwe ukwe yugwi langgal luk mbururak pug-o. Are, Mbal Pem Nagawan indi-nen pidnak irit langgal luk mberer-o.

2 PETERUS 1:4

Iri nggal kwasa Mbal Pem Nagawan-nen urul posolar-e, wene mondok ija, nggulok lombok irit urul yak nindij-o. Nde, kit-nen urul pidnak iri wanogola-ge, nggweyak ma yu-nen ukwe ukwe yugwi mende na inggem-nen wesel yogolat, Mbal Pem Nagawan abage wanili-o.

2 PETERUS 2:20

Nde, ap-nen-e Nenagawan Indo Ninmiri Yoso Yesus Kerisut na enaru yidnak pem-nen nggweyak ma yu-nen kopkap tobok tak woragwi inggem-nen wesera labuk yidnag-et nde, iri mende-nen tuguruk it kamat unpuruk, urugwe nggwe rak onposola-ge, ap iri na nanduk meya kwarogolat woraidnag-e meya-t nde, abok-nen kwatli iri-ge mondok meya lombog-o.

1 YOANES 3:13

Nanggamirak wa-e. Iri bem-e, nggweyak ma nap-nen insili rak konpogola-ge, kinndibok yurak pug-o.

1 YOANES 5:19

O nggweyak yu pidsa-ge Meya Kwaroso Nap inggem worasu-t nde, nir-e Mbal Pem Nagawan ilirak-net yili-o luk nenaru worali-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.