OROMA 12:19 - Nanduk Ngget Tul Pidnak Wene

¹⁹ Nenggamirak kenabuwa worak wa-e. Kit-nen onggo purag-e mondok lag-o. Are, Mbal Pem Nagawan isilepma-ge ap na ebem mbuwakluk, at eram nak keya burag-o. Mbal Pem Nagawan engga mbarak pem-nen yosolar-e: ”Onggo purak nab-e an-net yusu me, onggo an-net pimin-o luk Nagawan Indo-nen yij-o” luk yij-o.

OROMA 12:19 ပူးပေါင်းရင်းမြစ်များ

NGGOMO WENE 20:22

Meya kwat konpogola-ge, onggo onggo kwarurak pug-o. Nagawan Indo ebem kinndi wat tak puruk wolmer-o. At-nen-e yongga-t kunduwa-o.

TEPAN OMBO-NEN KWARURAK WENE 19:18

Kit kwat kinpidnak pem onggo purak pug-o. Kinsilepma na ap enpem purak pug-o. Kit kondomok kenabuwa kali nggal kit na kit-net nabuwa kabuwa wolmer-o. An-e Nagawan Indo-nen yusu-o.

MATIUS 5:39

Alat nde, an-nen yak kendeyeg-o: Kit meya rak konpogola-ge, kit-nen na onggo it meya rak unpurak pug-o. Are, ap misik-nen nde kerabengan kigit nggwe nde lel kasola-ge, kar-e kerabengen ponok nggwe na min-et nuk kudtag-o.

OROMA 12:14

Kit lel mberel kunpugwi nab-e Mbal Pem Nagawan-nen imbiringgat tak unpuwakluk at emengen mbarer-o. Imbiri lamut tak unpurak pug-o. Are, imbiringgat tak unpurag-o.

OROMA 12:17

Ap-nen meya rak konpogola-ge, onggo it meya rak unpurak pug-o. Ap oboksa-nen: ”Konak kwarugwi-ge irir-o” luk peragwi mende iri nak kwarogolat wolmer-o.

OROMA 13:4

Pemerinta iri-ge kit konak nak worabokluk Mbal Pem Nagawan eyabu wanugwi nap-nen yili-o. Alat nde, kit-nen nde meya kwarogola-ge, it enaye yugub-o. Nde, pemerinta-nen san ininggem worali iri-ge we-t ininggem worali-ge lag-o. Pemerinta iri-ge Mbal Pem Nagawan ndegel ubugwi nap me, Mbal Pem Nagawan isilepma-ge meya kwarugwi nap enpem pili-o.

EPESUS 4:27

Kit meya rak kunpuwakluk Sere na amanggim ondoro terak waburak pug-o.

TUGURUK YIDNAK WENE 32:35

Nagawan Indo-nen onggo posolar-e, mondok angin worak mende enpem puwa-o. It wosa mburak tarem panggo yosolar-e, it yigisa keya unpurak tarem yanem-et wok ma-o.

TUGURUK YIDNAK WENE 32:43

Ap enlem oboksa wa-e. At ilirak indili nab-e oboksa undusu me, Nagawan Indo ilirak entembel waner-o. At uwim nap-nen kwat ibidnag-e onggo posolat, nde, at ilirak-nen meya yidnag-e amberam tak pusu-o” luk yij-o.

1 TESALONIKA 4:6

Yu mende kwarugwi bem-e ap misik-nen at anggam meya rak posolat, at anggam ombol pem ludtak pug-o. Nandug-e wene yu yak kondogolar-e: ”Nagawan Indo-nen iri mende kwarugwi nap enpem wene mbaruwa-o” luk nir-e nenne amawi min yak kindige nar-o.

2 TIMOTIUS 4:14

Posid konoso nap Aleksandet na-ge an kwarat meya rak nibij-o. Nagawan Indo-nen at-nen kwaridnak ndak ndag-et kwat ubuwa-o.

IBERANI 10:30

Nde, at-nen yosolar-e: ”Onggo purak iri-ge an winde me, onggo an-nen pimin-o” luk yid Mbal Pem Nagawan iri-ge nir-e nenaru-o. Iri-nen na at-nen yosolar-e: ”Nagawan Indo-nen-e at elem nap enpem wene mbaruwa-o” luk yij-o.

1 SEMUEL 25:26

Nab-o. Kar-e kat kwat kibidnak onggo posolat, kuwim nap undugun naru Nagawan Indo-nen tena kibij-o. Nde yawo-ge nab-o. Nagawan Indo Uruk nak Woraso owag-o. Kat kuwim nap oboksa min ap-nen kat kururak yugwi nap min it kwat unpurak iri-ge Nabal kwat ubuwa iri nggal-et it na kwat unpuwa-o.

1 SEMUEL 25:33

An-net ap ondosolat, an-net meya kwat nibidnak pem nemepnggo bosoma, kat-nen tena nibil lobok yigen pem-e kat min kat-nen kindi nggat nggat pigen min-e mondok ijar-o.