OROMA 12:17 - Nanduk Ngget Tul Pidnak Wene

¹⁷ Ap-nen meya rak konpogola-ge, onggo it meya rak unpurak pug-o. Ap oboksa-nen: ”Konak kwarugwi-ge irir-o” luk peragwi mende iri nak kwarogolat wolmer-o.

OROMA 12:17 ပူးပေါင်းရင်းမြစ်များ

NDAK WIRIDNAK WENE 42:25

At owerak-nen karung sum waruk lobok yiga ereba na-ge ”Mbato yarak pogolat, ontol ereba na min-et tuguruk mbato emndam yarak onpogolat, tu ndumu norak nunggwi mende min-et wok undurag-o” yak indid iri na ndak ndag-et kwat inpiga-o.

NGGOMO WENE 20:22

Meya kwat konpogola-ge, onggo onggo kwarurak pug-o. Nagawan Indo ebem kinndi wat tak puruk wolmer-o. At-nen-e yongga-t kunduwa-o.

MATIUS 5:24

purak mende iri-ge wam wosa kan pugwi sa eralu iri me keya buruk, ereya na-net kanggam na eram wene teyok tak pil mbutluk-nen tuguruk lobok yosolar-e, purak mende iri-ge Mbal Pem Nagawan amanggim purag-o.

MATIUS 5:39

Alat nde, an-nen yak kendeyeg-o: Kit meya rak konpogola-ge, kit-nen na onggo it meya rak unpurak pug-o. Are, ap misik-nen nde kerabengan kigit nggwe nde lel kasola-ge, kar-e kerabengen ponok nggwe na min-et nuk kudtag-o.

OROMA 12:19

Nenggamirak kenabuwa worak wa-e. Kit-nen onggo purag-e mondok lag-o. Are, Mbal Pem Nagawan isilepma-ge ap na ebem mbuwakluk, at eram nak keya burag-o. Mbal Pem Nagawan engga mbarak pem-nen yosolar-e: ”Onggo purak nab-e an-net yusu me, onggo an-net pimin-o luk Nagawan Indo-nen yij-o” luk yij-o.

OROMA 14:16

Kat kindi-nen konag-et kwarusu-o peraso na-ge, nin nap-nen mbilaro ngin nggal kuburudtag-e meya-o.

KOLOSE 4:5

It inndi angin tubu yigit lak nap inmin-e kinndi-n yebet karuk-net kwarurag-o. Kit kinmin woragola tarem iri-ge nanongga-nen yusu-o.

1 TESALONIKA 4:12

Kit nde iri nggal kwarogola-ge, kit kenambik kininggi bem-et woragola-ge, it inndi angin tubu yigit lak nap-nen kit kinmin-e ”Iri-ge mot mot nak kwaroso nab-o” luk kunpurujwa-o.

1 TESALONIKA 5:15

Nde, meya kwarurak pem ap-nen onggo onggo kwaruwa naru, kwara wolmer-o. Kit kennggamtak inmin konak nak wolmomtak pem na irit, ap pidsa inmin konak nak wolmomtak pem na irit, pempa kenmawi kondogolat wolmer-o.

1 TESALONIKA 5:22

Nde, meya kwarugwi elem oboksa konmbol wok ter-o.

1 TIMOTIUS 5:14

Iri bem-e, nit ninmin wim mbarak nap-nen nit nonpok pigit lak makluk, it togwe-net nde ndugum ala, ap wanuruk, inlirak ndaguruk, enma woragwi ndegel onpogolat wolmomtak iri-ge an-e nindingen-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 PETERUS 3:16

Alat nde, kinndi yanggonak, teberak pem-net kit kinndi mbek tak woragolat-nen wene onggo yurag-o. Iri kwarogola-ge, kir-e Kerisut ebem woragolat-nen konak nak kwarugwi me, kit konpok pili nap na innggiri ma-o.

1 PETERUS 3:9

Mbal Pem Nagawan-nen wene mbo kinpid iri-ge, at-nen idnak imbiringgat mende wok kendeyekluk wene mbo kinpidnak me, ap-nen meya rak konpogola, onggo it meya rak unpurak pug-o. Ap-nen meya wene yak kondogola, onggo meya wene yak undurak pug-o. Are, inmbiringgat tak enper-o.

URUT 3:14

Yosoloma-ge, Urut na-ge Mboas ijok unggutmu iri na me-t nene yij-o. Nde, kub-e Mboas-nen perasolar-e: ”Urut na Mboas eram lobok yarig-o” luk ap-nen enaru yurak iri-ge isili me, Urut na-ge ap-nen kujwa naru kubu kabu irit men yij-o.