OROMA 12:16 - Nanduk Ngget Tul Pidnak Wene

¹⁶ Kit kinndi misiget lambuksa wolmer-o. Kit kondomok kek yurak pug-o. Are, teberak yik kagwi mende iri na nggal-et tebe yurag-o. ”An-e nindi tenggerak-nen yusu-o” luk purak pug-o.

OROMA 12:16 ပူးပေါင်းရင်းမြစ်များ

NGGOMO WENE 3:7

Kat kambikpebe ”An-e nindi nggat nggat worag-o” luk yebet kudtak pug-o. Are, meya kwarugwi iri keya buruk, Nagawan Indo indi aye worak wolmin-o.

MATIUS 11:5

Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

MATIUS 26:11

Insilobulo lak nab-e pem-et kit kinmin wolma-t nde, an-e kinmin pempa woramin pug-o.

LUKAS 14:13

Iri bem-e, kat-nen nunggwi mende saburug-e, insilobulo lak nap min unuwok kago worak min kambung puk tak woragwi min enlengen ngguru min yonggo unpugun ala-ge,

LUKAS 6:20

Iri lug-e, Yesus na at owosirak yik eneyasolat-nen yosolar-e: ”Kinsilobulo lak nap wa-e. Mbal Pem Nagawan-nen tenagaidnak wi iri-ge kit winde me, kir-e kenalen ker-o!

YIDNAK YIDNAK WENE 4:32

It inndi Yesus ebem angin tubu yidnak nap pidsa-ge inndi misiget luk lambuksa woragolar-e, insilobulo-ge enariktak-nen-e ”Yu-ge an narengge-o” luk yigir-e lak. Are, ”Nit nenarengge-o” luk insilobulo-ge lambuksa irit winde woraiga-o.

OROMA 11:20

Iri-ge ndemeret nde, it iri na-ge inndi angin tubu yigit lak pem-nen mbarak inpij-o. Nde, kit kinndi angin tubu yigep pem-e, kundik tugup lak worali-t nde, iri bem kit kondomok kek yurak pug-o. Are, mondok kwiye min-et wolmer-o.

OROMA 11:25

Nowe nowosi wa-e. Kit-nen-e: ”Nir-e ninndi nggat ponok tak-net yili-o” luk peragup naru-nen kit kenaru tobok-nen kura wene misik yak kendeyeg-o. Isarael nap ereb-e inndi amawi irit worakmu, enlem nin nap abu ndegera Mbal Pem Nagawan eram wok yogola-net inndi ndeyak ma-o.

OROMA 12:3

Nde, Mbal Pem Nagawan-nen we wok ondoso elem wok nirid iri na bem-nen kit oboksa nggomo kindimin-o. Woragwi ndak ndak kek yurak na keya buruk, kit na kit-net terak mena kek yurak pug-o. Are, kat woraso kabage na yebet karuk, kinndi tebe luk, kit kondomok tak-nen Mbal Pem Nagawan-nen kinndi angin tubu yugwi mende wok kindidnak na ndak ndag-et ”An-e iri nggal worasu-o” luk yebet ker-o.

OROMA 15:5

Inndi luruk puruk woragwi elem min inndi yanggunugwi elem min-e Mbal Pem Nagawan-net yusu-o. Nde, Kerisut Yesus abage nggal-et kwarobok-nen Mbal Pem Nagawan-nen-e kit kinndi misiget nak worabokluk yongga kunduwag-o.

OROMA 6:2

Mondok lag-o! Meya yugwi elem wisirik pogolat wat yidnak nap nit-nen-e nggerak puruk meya kwat tenak wulmul-a?

1 KORINTUS 1:10

Nanggamirak wa-e. Nit Nenagawan Indo Yesus Kerisut unu bem nggomo kundusu-o. Kir-e kinndi misiget nak worabokluk kuri wat wat woragup naru, lambuksa woragolar-e, kinndi misiget nak woragolat, wene misiget nak yebet kagolat wolmer-o.

1 KORINTUS 3:18

Ap-nen-e at ambik ombol pem ludtag-e meya-o. Kit kenggendumu-nen ap mbi-nen perasolar-e: ”Nggweyak ma nap inndi tenggerak iri na bem-nen an-e nindi tenggerak yusu-o” luk perasu nab-e, ndemeret indi tenggerak maklug-e, wid nggal irit yurag-o.

1 KORINTUS 4:10

Kerisut ebem-e nir-e wid alat nde, kir-e Kerisut ebem-e kinndi tenggerak worali-o! Nir-e ndeyag-et nde, kir-e kenmawi kwarar-o! Nir-e mbilaro ngin worali-t nde, kir-e kunnu kek tak irit worali-o!

1 KORINTUS 6:5

Kinnggiri-o! Kit kennggendumu-ge indi tenggerak nap, at anggamirak enpem wene konurak nap misiger-o luk tet lag-a?

1 KORINTUS 8:2

Ap misik-nen perasolar-e: ”An-e yi elem ndi elem naru-o” luk perasu nab-e at-nen aru momtak mende iri-ge mondok aru buk-net nde yusu-o.

2 KORINTUS 13:11

Worok tak posolar-e, nanggamirak wa-e. Wiwa-o. Iminep mbal yobok-nen kwara kenmawi kondogolat wolmer-o. An-nen nggomo kindidnak wene oboksa wanogolat wolmer-o. Kinndi misiget nak woragolar-e, lambuksa wolmer-o. Nde, Mbal Pem Nagawan-e ap enabuwa kaso elem na, lambuksa woragwi elem na kit kinmin wolma-o.

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

PILIPI 3:16

Iri alat nde, yawo-ge nit nenaru yidnak wene ndemeret wene iri bem-et waring kagolat wolmog-o.

PILIPI 4:2

Eyoria min Sintike min wa-e. Nogweyaptag-o. ”Kir-e Nagawan Indo ebem-nen kinndi misiget yer-o” luk kenmengen mbarusu-o.

IBERANI 13:5

Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

1 PETERUS 5:3

Nde, kininggem pidnak nap iri na inmin-e kir-e nagawan nggal luk, kenne amawi min: ”Iri kwarer-o. Yu kwarer-o” yurak pug-o. Are, Mbal Pem Nagawan olomba mirik unpurak pem kit kenpage konak irit kwat mer-o.

3 YOANES 1:9

An-nen-e lambuk tak inpidnak nap na enmanggim engga poro-t mbarigi-t nde, it ennggendumu an-net nagawan teyeg-o luk peraso nap Ndioterepes na-nen-e an nene kuligit lak yij-o.