OROMA 12:15 - Nanduk Ngget Tul Pidnak Wene

¹⁵ Enalin enalen kali nap inmin-e kit-nen na kenalin kenalen ker-o. Nde, yip tili nap inmin-e kit-nen na yib-et turag-o.

OROMA 12:15 ပူးပေါင်းရင်းမြစ်များ

NEMIA 1:4

Yak norogoloma kulurug-e, an-e kore yosolar-e, yip tigi-o. Nde, ereya na tarem woralar-e, mondok nindi puru rak nak irit woragi-o. Woralar-e, nunggwi mende mondok ninggit lak, Mbal Pem Nagawan eram nak tepan yosolat woragi-o.

AYUP 2:11

Nde, angin worak mende Ayup ebem mbid ereba na wene-ge at anggamirak kenan nap ereya na-ge kuliga-o. Nde, kuliga nab-e: Teman nap Elipas min Sua nap Mbilndat min Nama nap Sopat min it iri-nen wene mbarogolug-e, Ayup indi yanggunurak kil lobok yiga-o.

AID WENE YOSO NAP 3:4

Mbal Pem Nagawan-net wat tak posolar-e, yip turak tarem min nda turak tarem min tabun purak tarem min kot kudtak tarem min

YEREMIA 38:12

Nde, Ebet-melek-nen yak norosolar-e: ”Sum umbuk mberak pil ngguwaige ereba na-ge kere-nen kaboro turuk tak puwa naru, kere mak mak karing lapmu purag-o” luk yak nirij-o. Yosoloma, an-e Ebet-melek-nen yak nirid iri na-t kwarigi-o.

YEREMIA 9:1

An nelem nap wim nap-nen indiga ereba na unpud yib-e kubu-nen lengge-nen kundugu yip tenak worayek-nen an nanggul-e yi kenanggugwi ondoro yi kobong tak nggal woralat, nde, niyip lengen-e yi ugul kundugu pempa so tenak woraso ereba na nggal-nen-e mondok konak lombog-o!

LUKAS 1:58

Nagawan Indo-nen Elisabet na konak kwat ibidnak iri na obok kulurug-e, kwe na imin o siri misikmu woragwi nap min at owe owosi min-nen at imin kijik kijak wiriga-o.

YOANES 11:19

Yawuri nap kwarar-e Marata min Maria min intid wat yidnak me, inndi yangunuwokluk lobok yiga-o.

YIDNAK YIDNAK WENE 11:23

Wirik ibikma, wok yidnggal-e, Mbal Pem Nagawan-nen we wok ondoso mende iri na kasolug-e, alin alen kagaij-o. Karuk, it pidsa-nen tugup lak Nagawan Indo-nen yidnak yidnak kwat tenak wolmakluk nggomo indij-o.

1 KORINTUS 12:26

Ininggi unuwok misik nde andi ala-ge, ininggi unuwok erep pidsa-t andi yoso-o. Nde, ininggi unuwok misik nde kek tak obogola-ge, ininggi unuwok erep pidsa-nen enalin enalen kagwi-o.

2 KORINTUS 11:29

Ap misik-nen nde ndeyak ala-ge, an na ndeyag-et yoso-o. Ap misik-nen nde oro-nen mbud luk, meya yosola-ge, an na nindi puru kwarat yoso-o.

2 KORINTUS 2:3

Iri bem-e, engga mbal kindigi iri-ge yu yosolat-nen mbarigi-o: An-e kit kendam lobok yosola-ge, an nalen tak purak nab-et nde, an nindi puru pera rak puwa-o luk-nen yigi-o. An nindi-nen yebet keneyasolar-e, an nalen kasu yu ereb-et kit na kenalen kali-o luk yebet keneyasu-o.

PILIPI 2:26

At iri-ge kit oboksa kiniyudtak pem indingen kwarat kasu-o. Nde, at iri kugi wiridnak kuligep na bem at indi andi kwarat agaij-o.

PILIPI 2:28

Iri bem-e, an-e ndag-et nak kit kendam ibil lobok yimin-o. Iri ala-ge, kit-nen at karug-e, kenalen kwarat kagola-ge, an nindi puru yidnak na-ge lak ma-o.

IBERANI 13:3

Nde, ap o kubu me inpil nggwidnak enperagolar-e, kit kenmberek o kubu me kinpidnak nggal yebet eneyudtag-o. Nde, meya sa lel mberel inpidnak nap enperagolar-e, kit kenmbereg-et lel mberel kinpidnak nggal-et yebet eneyudtag-o.